Një ngjarjen e rëndë ka ndodhur në Tajlanë, ku një turiste shqiptare është mbytur.
Bëhet fjalë për Daniela Idrizi, 41 vjeç, e cila bashkë me bashkëshortin e saj, Mohammed Abdulkhaliya Hamdi Alsaba, 43 vjeç, një shtetas egjiptian, kishin mbërritur në Phuket, qytetin tajlandez, 2 orë para ngjarjes.
Mediat shkruajnë se çifti kishin shkuar për të notuar në plazhin Karon.
Pas rreth 10 minutash në ujë, Mohammed vuri re se gruaja e tij ishte zhdukur.
Personeli i shpëtimit dhe rojet e plazhit u thirrën menjëherë për të ndihmuar.
Pas rreth një ore, Idrizi u gjet nga rojet bregdetare dhe u nxor nga uji pa ndjenja.
Ekipet e ndihmës së shpejtë nga Spitali Chalong mbërritën në vendngjarje dhe u përpoqën ta mbanin në jetë, por ajo nuk ia doli.
Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin./noa.al/