Kampionati Ballkanik i Volejbollit në rërë ka vazhduar sipas orarit të paraparë dje pas dite edhe dhe në orët e mbrëmjes ku u zhvilluan 12 ndeshje mes ekipeve pjesëmarrëse sipas itinerarit nga ana e organizatorit. Krahas ndeshjeve mbrëmë ashtu siç edhe ishte caktuar u bë hapja solemne e këtij kampionati ballkanik për moshat në 22 vjeç, ku të pranishëm ishin kreu i komunës së Tetovës Bilall Kasami, zëvendës kryeministri parë i Qeverisë së Maqedonisë së Veriut Izet Mexhiti, ministri Sportit, Borko Ristevski , kryetari i Federatës së Volejbollit Petar Jovanovski dhe shumë emra të njohur nga jeta sportive dhe ajo publike mes ekipeve pjesëmarrëse . Kryetari Bilall Kasami në hapjen zyrtare të këtij kampionati tha se ky është një event i veçant për qytetin e Tetovës
‘’Kam kënaqësinë që në Tetovë, këtu nga sheshi ‘Ilirija’ të promovojmë hapjen e kampionatit Ballkanik në Beach Volej. Është një ndër sportet më atraktive që ka grumbulluar në Tetovë 6 shtetet ballkanike dhe dikund 15 ekipe nga të cilat 8 të konkurrencës të djemve dhe 7 në konkurrencën e vajzave. Për Tetovën kjo është një event i veçantë dhe sigurisht që besojmë se në këto tre ditë të garave ballkanike për për gjenerata ndër 22 vjeç, do të jetë natë e sportit ku tetovarët do të mund të kalojnë çaste të bukura dhe sigurisht besojmë dhe urojmë që të fitoj ekipi më e mirë dhe sigurisht kjo do të jetë një ndër rastet që tetovarët duhet ta mbajnë mend në memorien e tyre’’
Kryetari e Federatës së Volejbollit Petar Jovanovski i mahnitur me këtë organizim të shkëlqyer falënderoj qytetarët tetovar dhe komunën e Tetovës
‘’ Të nderuar tetovar shpresoj se këto tre ditë do tua zbukurojmë, do të shihni një sport shumë të bukur , do të shihni të fëmijë të rinjtë cilët do të luajnë volejboll dhe do tua zbukurojnë këto tre ditë, Nuk do të flas më tepër por një falënderim të veçantë për zoti Ajetin i cili bëri çdo gjë që kjo të duket kështu bukur’’ tha Petar Jovanovski.
Në ndeshjet e para ditës së sotme u shënuan këto rezultate: Në kategorinë e vajzave Shqipëri – Moldavi 0-2, Romani – Turqia 2 2-0, Maqedoni – Turqia 1 0-2 dhe, ndërsa në kategorinë e meshkujve Moldavia 2 mundi Shqipërinë 2-0. Garat sipas orarit vazhdojnë në orët e mbrëmjes, ndërsa nesër zhvillohen ndeshje gjysmëfinale dhe ato finale ku ekskluzivisht emitohen në rrjetet sociale të Televizionit Koha
