Me fitoren kundër ekipit Paris Saint-Germain me rezultatin 3-0, skuadra angleze Chelsea u shpall kampion bote për klube ne kompeticionine organizuar nga FIFA që u mbajtë në shtetet e Bashkuara të amerikë. Trofeun ekipit kampionë ia dorëzuan presidenti amerikan Donald TRamp së bashku me presidentin e FIFA-s Gianni Infantino
Në një mbrëmje elektrizuese në stadiumin MetLife në Nju Jersey, Chelsea arriti një fitore të jashtëzakonshme 3-0 kundër Paris Saint-Germain (PSG) në finalen e Kupës së Botës për Klube që organizohet nga FIFA dhe është kompeticioni i parë i këtij lloji me formatin e zgjeruar me 32 skuadra.
Kjo fitore erdhi si një surprizë e madhe, duke pasur parasysh formën e frikshme të PSG-së, e cila kishte shkatërroi Real Madridin me rezultatin 4-0 në gjysmëfinale, duke u konsideruar si ekipi favorit për të ngritur trofeun. Por në fushë, Chelsea, nën drejtimin e trajnerit Enzo Maresca, tregoi një lojë të disiplinuar dhe sulmuese, duke e kthyer parashikimin në një iluzion.
Autor të golave për skuadrën angleze ishin Cole Palmer, ylli anglez, i cili u bë protagonist absolut me dy gola të shënuar në minutat 22 dhe 30, duke i dhënë Chelsea-t një avantazh të qartë. Ndërsa João Pedro, me një gol të bukur në minutën 43, vulosi fitoren 3-0 para pushimit të pjesës së parë, duke lënë PSG-në të pafuqishme.
Pas ndeshjes, Trump dhe presidenti i FIFA-s, Gianni Infantino, ndanë medaljet për lojtarët e Chelseat. Presidenti Trump ndau po ashtu kupën e kampionit për kapitenin e Chelseat.
Por pasi ndau kupën, Donald Trump nuk u largua nga skena siç bëhet zakonisht nga personalitetet që dorëzojnë trofeun. Ai mbeti në skenë dhe festoi bashkë me lojtarët e Chelseat.
Infantino është munduar t’i tregojë se duhet të largohet, por ndërkohë është kthyer dhe ka qëndruar me Trumpin në skenën që ishte për lojtarët e Chelseat. Kapiteni i Chelseat Recee James mbeti i befasuar me veprimin e Trumpit, e sidomos Cole Palmer.
SHABAN SINANI – TV KOHA