Oscar Piastri mposhti shokun e skuadrës Lando Norris në Formula 1 të dielën, duke fituar Çmimin e Madh të Belgjikës. Leclerc ngjitet në podium duke e fituar vendin e tretë me Ferrarin.
Piloti i formula 1, Oscar Piastri shkëlqeu në pistën e lagësht të Spa-Francorchamps, duke fituar Çmimin e Madh të Belgjikës dhe duke udhëhequr një tjetër dyshe triumfuese për McLaren, përpara shokut të skuadrës Lando Norris. Një strategji më agresive me goma të mesme i dha australianit avantazhin ndaj Norrisit, i cili zgjodhi gomën e fortë në bokse dhe nuk arriti të rikuperojë ritmin deri në fund të garës.
Për Piastrin, kjo ishte fitorja e gjashtë në 13 gara në sezonin 2025 dhe e teta në karrierë, duke barazuar rekordin personal të Norris dhe të pilotit të Ferrarit, Charles Leclerc. Ky i fundit u ngjit në podium në vendin e tretë, pas një garë inteligjente ku mbrojti pozicionin ndaj Max Verstappen, i cili u detyrua të kënaqej me vendin e katërt. Një garë të mirë bëri edhe Lewis Hamilton që u nisë nga pozita e 18-të dhe u rendit i 11-ti
Finalja në Spa nisi me një vonesë të gjatë për shkak të shiut të rrëmbyeshëm. Gara u nis pas katër xhirosh pas makinës së sigurisë, me pilotët që përballuan kushte të vështira në një pistë të lagur dhe sfiduese.