Drejtoria e Doganave njofton se kanë sekuestruar 74 rripa për orë të mençura, të cilat një kompani nuk i kishte paraqitur për zhdoganim. Sipas Doganës, dërgesa ishte me origjinë nga Dubai.
“Gjatë kontrollit të një dërgese me origjinë nga Dubai, e paraqitur për zhdoganim importi, zyrtarët doganorë në pikën doganore të Aeroportit Ndërkombëtar të Shkupit zbuluan 74 rripa për orë të mençura, të cilët nuk ishin përfshirë në dokumentet doganore”, thonë nga Doganat.