Kampionati i ri i futbollit 2025/2026, zyrtarisht starton nesër me ndeshjen Shkëndija – Shkupi që fillon në ora 17:00 dhe ndeshjen Vardari – Pelisteri që fillon në ora 20:00. Federata e Futbollit të Maqedonisë dje zyrtarisht ka promovuar sistemin VAR që do të aplikohet në ndeshjet e Ligës së parë.
Me ndeshjen Shkëndija – Shkupi që në program është nesër në stadiumin e qytetit në Tetovë, me fillim në orën 17:00, zyrtarisht starton edicioni i 34-të Kampionati i Maqedonisë në Liga e parë .
Federata e Futbollit të Maqedonisë dje në “Shtëpinë e Futbollit”, zyrtarisht ka promovuar sistemin VAR për herë të parë në historinë e do të aplikohet në sezonin e ri 2025/2026 në Ligën e Parë të Futbollit.
Gjithashtu FFM, së bashku me sistemin VAR, siguroi edhe një mjet raportimi që mund të përdoret për transmetimet televizive të ndeshjeve.
Të shpresojmë se sistemi VAR do të ndikon në ngritjen e cilësisë së futbollit vendor edhe pse infrastruktura sportive e futbollit as për së afërmi nuk premton një gjë të tillë. Por nga FFM kanë njoftuar se për aplikimin e sistemit VAR , stadiumi i Çairit nuk i plotëson kushtet ndaj, ekipi FC Shkupi duhet të vendos se ku do ti zhvilloj ndeshjet kampionale
Sa i përket ndeshjes hapëse që konsiderohet edhe derbi i javës padyshim se skuadra vendas e Shkëndija e Tetovës konsiderohet favorite absolute në këtë sfidë duke marrë para sysh sukseset që është duke i arritur në garat evropiane. Sa i përket ekipit nga Çairi FC Shkupi gjatë fazave përgatitore nuk ka dëshmuar ndonjë veçantë por me gjithat duke ditur se bëhet fjalë për një ekip me traditë atëherë publiku i pranishëm do të ketë mundësi të ndjek një lojë cilësore Nesër po me fillim në ora 20:00, në arenë ‘’Todor Proeski{‘’ do të zhvillohet ndeshja mes Vardarit dhe Pelisterit.
Të shtunë zhvillohen ndeshjet Bashkimi – Arsimi dhe Struga Trim Lum – Makedonija Gj.P, të dielën në program është ndeshja Tikveshi – Rabotniçki dhe të hënën kur mbyllet java e parë e kampionatit takohen Sileksi – AP Brera. Të gjitha këto ndeshje fillojnë në ora 17:30.
