Reprezentacioni ‘A’ i Maqedonisë mbrëmë ka zhvilluara seancën e parë stërvitore në kuadër të përgatitjeve për dy ndeshjet e shtatorit. Në grumbullimin e parë munguan Mitrovsi i cili është i lënduar, ndërsa Elif Elmaz dhe Bojan Miovski sot do t’i bashkëngjiten ekipit.
Përfaqësuesja A e Maqedonisë ka filluar përgatitjet për ndeshjet e radhës, një miqësore kundër Arabisë Saudite Lihtenshtajnit. Në grumbullimin e djeshëm nga futbollistët e ftuar ka munguar DimitarMitrovski i cili shkaku i lëndimit nuk do të jetë pjesë e ndeshjeve të shtatorit. Ndërsa dy futbollistët Elif Elmas dhe Darko Çurlinov të cilët munguan në seancën e parë stërvitore reprezentacionit do ti bashkëngjiten gjatë ditës së sotme dhe do të jenë së bashku me futbollistët tjerë të ftuan nga seleksionuesi Bllagoja Milevski.
Reprezentuesi Bojan Miovski, i cili para dy ditëve u transferua te gjiganti skocez Glasgou Ranxhers, foli rrugëtimin e tij të ri dhe për ndeshjet e radhës të reprezentacionit tonë.
“Kur erdhi oferta nga Rangers, nuk hezitova, trajneri më dha mbështetje shtesë dhe jam i lumtur për këtë. Debutova kundër Celtic, ishte hera e parë që ndjeva atë atmosferë, e dimë si është rivaliteti midis dy ekipeve. Në Girona, jo gjithçka ishte mirë, patëm një sezon të keq, kolektivisht dhe individualisht. Thjesht isha atje në kohën e gabuar dhe më duhej të merrja një vendim për të ardhmen time. U ktheva në ligën skoceze ku më parë luaja në Aberdeen, por tani në një klub shumë më të madh dhe historik,”deklaroi Bojan Miovski
Miovski në pritje të ndeshjes miqësore me Arabinë Saudite dhe posaçërisht ndeshjen kualifikuese për Botërorin 2026 kundër Lihtenshatjint tha se duhet angazhim maksimal për të arritur objektivat
“Kemi formë pozitive në ekipin kombëtar, shpresoj se do të vazhdojmë atë ritëm të mirë në ndeshjet që do të vijnë. Duhet të përgatitemi mirë për Arabinë Saudite, e cila është një ekip kombëtar shumë serioz, dhe pastaj të përqendrohemi sa më shumë të jetë e mundur te Lihtenshtajni. Sot nuk ka ekipe të dobëta dhe ndeshje që janë fituar paraprakisht.” tha Miovski
Maqedonia ndeshjen miqësore kundër Arabisë Saudite do ta zhvillon më 4 shtator në Pragë, ndërsa ndeshja kualifikuese për Botërorin 2026, kundër Lihtenshtajnit do ta zhvillon në arenën ‘’Todor Proeski’’ në Shkup më 7 shtator