Pesë fitore të vendasve dhe një të skuadrës mysafire me gjithësejt 16 gola të shënua është epilogu i gjashtë ndeshjeve të javës së pestë ku Sileksi dhe Struga Trim Lum kryesojnë me nga 15 pikë maksimale, ndërsa Arsimi mbrëmë regjistroi fitoren e parë si anëtare e elitës së futbollit
Në ndeshjen mbyllëse të javës së pestë të sezonit vjeshtor Arsimi i Çegranit mbrëmë në Manastir shënoi fitore të thellë kundër Pelisterit 0-4. Për Arsimin ishte kjo fitorja e parë në elitën e futbollit vendor në cilësinë e mysafirit pas dy barazimeve me Bashkimin dhe Shkëndijën.. Autor të golave për çegranasit ishn Armin Besagiq, Alban Taipi,Shefit Shefiti dhe Leonid Ignatov
Me lojën që tregoi Arsimi në Manastir la pa fjalë njohësit e mirë të futbollit, ndërsa heqshti edhe tifo grupin vendas ‘’Çkembarët’’
Strugës Trim Lum në përballjen me Tikveshin shënoi fitore 3-0 duke regjistruar fitoren e pestë sezonale . Autor të golave ishin Compaore në minutën e 39 nga penalti dhe në minutën e 58, ndërsa autor i golit të tretë ishte Radevski në minutën e 79 për epilogun përfundimtar 3-0 për vendasit.
Struga Trim Lum, në këtë mënyrë, barazoi pozicionin kryesues në tabelë me Sileksin, me nga 15 pikë maksimale.
Rezultatet e xhiros së V-të: Struga Trim Lum – Tikveshi 3-0, Shkëndija – Bashkimi 2-1, Vardari – Makedonia Gj.P 1-0, AP Brera – Shkupi 1-0, Sileksi – Rabotniçki 3-1 dhe Pelisteri – Arsimi 0-4.
Nesër me fillim në ora 15:30 në program janë dy ndeshjet e javës së 6-tëku takohen: Makedonija – AP Brera dhe Bashkimi – Sileksi
