Sot në kopshtin IPKKF “Rinia” shënuam një moment domethënës për qytetin tonë. Hapëm grupin e parë heterogjen në objektin “Rilindja”, ku tashmë do të përfshihen edhe fëmijë nga komuniteti turk.
Së bashku me Ambasadorin e Republikës së Turqisë, z. Fatih Ulusoy dhe zëvendësministrin e Kulturës, z. Sedat Sulejmani, përcollëm nga afër këtë hap të rëndësishëm për një të ardhme më të mirë për fëmijët tanë.
Kjo është dëshmi konkrete se Tetova po ecën drejt një arsimi të hapur, gjithëpërfshirës dhe me respekt për të gjitha komunitetet.
Faleminderit stafit të institucionit dhe të gjithë atyre që me përkushtim po e ndërtojnë këtë rrugë të përbashkët drejt një shoqërie të barabartë.
