Sonte në stadiumin ‘’Fadil Vokrri’’ në Prishtinë zhvillohet ndeshja e raundit të tretë kualifikuese në grupin ‘B’ mes Kosovës dhe Sllovenisë, e vlefshme për botërorin e futbollit në 2026
Përfaqësuesja e Kosovës në kuadër të kualifikimeve për Botërorin 2026 , sonte zhvillon ndeshjen e raundit të tretë të grupit B, kundër Sllovenisë . Në prag të kësaj ndeshje mbrëmë është zhvilluar seanca e fundit stërvitore, ndërsa para saj trajneri Franko Foda në konferencën zyrtare për media para ndeshjes me Slloveninë, është përgjigjur pyetjeve të gazetarëve të pranishëm në Prishtinë. Kosova sonte do të ketë dy mungesa dhe atë në repartin e mbrojtjes si Amir Rrahmani dhe Dullovi por Foda ka besim tek të ftuarit e tij dhe shpreson në rezultat pozitiv
Seleksionuesi Franko Foda para gazetarëve tha se atmosfera në kampin dardan është tejet pozitive, derisa përkushtimi i futbollistëve dhe besimi në fitore është maksimal.
“E kemi një grup mjaft të balancuar edhe sipas mendimit tim ne po luajmë në shtëpi dhe skuadra ka një vetëbesim shumë të mirë. Ne do të punojmë dhe do të vazhdojmë dhe ne ditën e fundit dihet se kush do ta zë vendin e parë, vendin e dytë dhe të tretë“, tha ai.
Ndeshja Kosovë – Slloveni do të zhvillohet sonte me fillim 20:45 në stadiumin “Fadil Vokrri” në Prishtinë, ku drejt;si do të ndaj arbitri Italian Marko Guida.
SHABAN SINANI – TV KOHA