Përfaqësuesja e Maqedonisë mbrëmë fitoi një pikë shumë të madhe në Gent, duke barazuar pa gola me Belgjikën në duelin e raundit të gjashtë në grupin “J” për kualifikim në Kampionatin Botërorë të futbollit që mbahet në SHBA, Kanada dhe Meksikë në vitin 2026. Ndeshja e radhës është hënën kundër Kazakistanit në Shkup
Përfaqësuesja e futbollit të Maqedonisë barazoi pa gola kundër Belgjikës në Gent në ndeshjen e raundit të gjashtë t; grupit “J” për të ruajtur pozitën e pare tani me 12 pikë. Kjo është një pikë shumë e rëndësishme dhe motiv shtesë përpara dy ndeshjeve të mbetura, kundër Kazakistanit të hënën në Shkup dhe muajin Nëntor kundër Uellsit në Kardif.
Belgjika kishte rolin e favoritit absolute, por trajneri Blagoja Milevski vendosi t’u jepte atyre posedimin e plotë të topit, por për këtë arsye ndërtoi një mbrojtje të forte para portës Stole Dimitrievski I cili mbrëmë ishte në formën e shkëlqyer.
Trajneri Blagoja Milevski është i kënaqur me pikën e fituar, barazimin kundër Belgjikës së fuqishme, por thotë se dështuam në organizimin e lojës, megjithëse edhe forca e Belgjikës ndikoi në këtë.
“Mund të jem i kënaqur me lojën mbrojtëse, por jo me organizimin e lojës. Ne morëm maksimumin nga kjo ndeshje, megjithëse plani ishte të kishim më shumë posedim të topit, të luanim edhe përpara. Sigurisht, edhe kundërshtari ndikoi në lojën tonë. Belgët kanë lojtarë të shkëlqyer në mesfushë. Gjëja më e rëndësishme është se sonte patëm atë “faktorin X”. Le të rezistojmë deri në fund dhe kur të mbrohemi, të tregojmë karakter. Jemi të lumtur, qëndruam në vendin e parë dhe tani duhet të përqendrohemi në ndeshjen e ardhshme kundër Kazakistanit, dhe atë menjëherë. Shpresoj se nuk është asgjë serioze me Visar Musliun, por do ta dimë brenda 24 orësh kur mund të skanohet dëmtimi“, tha trajneri Blagoja Milevski në konferencën për shtyp pas ndeshjes në Gent.
Ndeshjet e raundit të shtatë mund të jenë vendimtare për epilogun e kualifikimit në Botërorë pasi Maqedonia përballet me Kazakistanin, ndërsa në Kardif takohen Uellsi dhe Belgjika. Kujtojmë se po mbrëmë Kazakistani mundi Lihtenshtajnin 4-0. Pas ndeshjeve të mbrëmshme tabelën e kryeson Maqedonia me 12 pikë, Belgjika me 11 pikë, Uellsi 10 pikë , Kazakistani 6 pikë dhe Lihtensjtajni 0 pikë kanë