Katër fitore të ekipeve vendase dhe dy fitore të ekipeve mysafire me 22 gola të shënuar është epilogu I ndeshjeve të xhiros së 5-të në Ligën e tretë Perëndim. Klubi i futbollit Kamjani kryeson me 15 pikë maksimale
Liga e tretë në Grupin Perëndim, ka vazhduar gjatë fundjavës me ndeshjet e xhiros së 5-të të sezoni vjeshtor. Ekipet favorite edhe kësaj radhe nuk kanë lejuar befasi. Derbi lokale qytetit në Kërçovë mes Vëllazërimit dhe Napredokut ka përfunduar me fitoren e thellë 4-1 për vendasit, fitore të sigurt në cilësinë e mysafirit ka shënuar ekipi i Renovës në përballjen me Lubotenin, Skënderbeu në Poroj mundi Zajazin 3-0, ndërsa Kamjani me rezultatin minimal 1-0 mundi Xhepçishtin.
Pas javës së pestë tabelë në Ligën e tretë Perëndim e kryeson Kamjani me 15 pikë.
Rezultatet e xhiros së 5-të: Dobroshti – Vardari Bërvenicë 1-4, Vllazërimi – Napredoku 4-1, Skënderbeu – Zajazi 3-0, Kamjani – Xhepçishti 1-0, Luboteni – Renova 1-3, Drita – Reçica 3-1
Shaban Sinani – TV KOHA