Gjashtë fitore të skuadrave vendase dhe pesë të atyre mysafire është epilogu i 11 ndeshjeve të zhvilluara në mëngjesin e sotëm në kampionatin amerikan të basketbollit NBA. Konferencën e Perëndimit e kryesojnë San Antonio dhe Oklahoma me nga 4 fitore.
Kampionati amerikan i basketbollit NBA vazhdon sipas orarit të paraparë , kështu që në mëngjesin e sotëm janë zhvilluar 11 takime prej t; cilave vendasit kanë fituar në gjashtë duele . ndërsa ekipet mysafire në pesë.
Ndeshja më tërheqëse e zhvilluara në mëngjesin sotëm ishte ajo mes Minnesotas dhe Denverit e cila përfundoi me fitoren e skuadrës mysafire 114-127. Lojtari më mirë në këtë përballje ishte basketbollisti serb Nikolla Jokiç i cili realizoi triple-double me 25 pikë. 19 kërcime dhe 10 asiste. Paraqitje të mirë kishte edhe Jamal Murray që realizoi 43 pikë.
Fitore të rëndësishme ka regjistruar edhe ekipi i Utah Jazz në përballjen me Feniksin duke fituar me rezultatin 138-134. Shënuesi më efikas ishte Lauri Markkanen i cili realizoi 51 pikë.
Në ndeshjet e tjera nga oferta e mbrëmshme u regjistruan këto rezultate: Detroit – Cleveland 95-116, Filadelfia – Orlando 136-124, Chicago – Atlanta 128-123, Hjuston – Bruklyn 137-109, Nju Orleans – Boston 90-122, San Antonio – Toronto 121-103, Dallas – Oklahoma 94-101, Golden State – Memphis 131-118 dhe Lakers – Portland 108-122.
Pas ndeshjeve të sotme Konferencën e Perëndimit e kryesojnë San Antonio dhe Oklahoma me nga katër fitore nga katër ndeshje të zhvilluara, ndërsa Konferencën e Lindjes e kryesojnë Çikago dhe Filadelfia me nga 3 fitore nga tre ndeshjet e zhvilluar
SHABAN SINANI – TV KOHA