Tre fitore të ekipeve vendase dhe po aq të skuadrave mysafire është epilogu i gjashtë ndeshjeve të zhvilluara sot në kampionatin amerikan të Basketbollit NBA
Oklahoma fitoi 114-110 ndaj Detroit në përballjen mes dy ekipeve lidere në dy Konferencat përkatëse.
Një ndeshje e ekuilibruar dhe vendosur pas kohës shtesë, ku për kampionët në fuqi të NBA u dallua Alexander Shai, autor i 47 pikëve.
Pa probleme fiton Lakers, që në fushën e tij mundi 120-101 Washington. LeBron James me 21 pikë ishte shënuesi më i mirë. Jashtë fushe triumfon skuadra e Cleveland, që mundi 122-113 Utah Jazz, sfidë ku Mobley e Mitchell realizuan nga 34 pikë secili për miqtë.
Miami, falë 30 pikëve të Tyler Herro, mundi 119-108 Philadelphia, ndërsa Atlanta surprizoi Boston, duke i mundur 112-102. Për Atlanta, të gjithë titullarët realizuan mbi 14 pikë. Fiton edhe Phoenix, 131-105 ndaj Memphis, ndeshje ku u dallua Devin Booker me 36 pikë.
Vazhdon paraqitjet e mira skuadra e San Antonio, që triumfoi 129-114 ndaj Chicago.
Për Spurs shkëlqeu Victor Wembanyama, me 41 pikë e 16 rebound. Zhgënjen Dallas, që në fushën e tij u mund 124-94 nga Minnesota (7 lojtarë realizuan mbi 10 pikë).
Miami – Philadelphia, 119-109
Atlanta – Boston, 112-102
Memphis – Phoenix, 105-131
San Antonio – Çikago, 129-114
Dallas – Minnesota, 94-124
Utah Jazz – Cleveland, 113-122