Më 31.03.2026, në orën 01:50 në Gostivar, nëpunës policorë nga Stacioni Policor Gostivar e privuan nga liria M.D. (34) nga Gostivari, për shkak të dyshimit të bazuar për kryerjen e veprës penale “vrasje”. Me fjalë të tjera, në orën 01:30 në Stacionin Policor Gostivar, një person mashkull denoncoi se dyshon për vrasjen e një anëtari të familjes së tij. Nëpunësit policorë menjëherë kanë dalë në vendin e ngjarjes dhe në shtëpi është gjetur i pajetë K.D. (63) nga Gostivari, me lëndime të dukshme dhe gjurmë dhune në pjesën e parme të kokës, pas çka, për shkak të dyshimit se bëhet fjalë për vrasje, nga liria është privuar djali i tij. Sipas deklaratave fillestare të të dyshuarit, babai i tij kishte ndërruar jetë një ditë më parë rreth orës 14:50 pas rënies në banjë, por rastin nuk e kishte paraqitur te shërbimet kompetente. Është njoftuar Prokurori Publik dhe po ndërmerren masa për zbardhjen e rastit, pas çka do të ngrihet kallëzim përkatës.
Privohet nga liria një 34-vjeçar nga Gostivari, dyshohet se e ka vrarë babanë e tij në shtëpinë familjare
