LIGA E PARË: DERBI I SEZONIT VARDARI –SHKËNDIJA TË DIELËN NË ORA 17:00

TetovaExpres

1 day ago

Komisioni i garave pranë Federatës së Futbollit të Maqedonisë së Veriut ka publikuar orarin e ndeshjeve të xhiros së dytë të sezonit 2026/2027 në Ligën e parë të futbollit vendor. Derbi i sezonit Vardari – Shkëndija luhet të dielën. Sipari i javës së dytë hapet të premten me ndeshjen Shkëndija Haraçinës – Sileksi.

Federata e Futbollit e Maqedonisë (FFM) tashmë i ka zyrtarizuar të gjitha detajet dhe oraret për javën e dytë të kampionatit .

Kështu që derbi i sezonit mes Vardarit dhe Shkëndijës është caktuar të zhvillohet të dielën me fillim në ora 17:00, shkaku i obligimeve të skuadrës kuqezi në garat e UEFA Konferencë Liga.

Gjithashtu të dielën në stadiumin ‘’Hekurana’’ në lagjen e Autokomandës do të zhvillohet edhe ndeshja midis Skopje dhe Struga Trim Lum

Java e dytë e kampionatit hapet të premten me ndeshjen Shkëndija e Haraçinës – Sileksi që do të zhvillohet në stadiumin e Çairit me fillim në ora 17:00.

Ndeshja Bashkimi – Tikveshi në Kumanovë zhvillohet të shtunën me fillim në ora 17:00, ndërsa në Shtip ndeshja Bregallnica – Arsimi zhvillohet të shtunën por me fillim në ora 19:00.

Shaban Sinani – TV Koha