Drejtoria e Doganave në muajin korrik realizoi nivelin më të lartë historik të arkëtimit mujor të të hyrave, në vlerë prej 14,14 miliardë denarësh, që është 1,5 miliardë denarë ose 11,8% më shumë krahasuar me korrikun e vitit të kaluar.
Këto rezultate dëshmojnë se sistemi i ndërtuar gjatë dy viteve të fundit ka rritur aftësinë e shtetit për të gjeneruar më shumë të hyra.
Në mënyrë kumulative, nga fillimi i vitit deri në fund të korrikut, Drejtoria e Doganave realizoi 80,5 miliardë denarë, ose rreth 1,3 miliardë euro të hyra, që është 87,6 milionë euro më shumë krahasuar me të njëjtën periudhë të vitit të kaluar.