Musiala përsëri u rrëzua në fushë dhe shkaktoi shqetësim serioz te Bayern Munich, pasi vetëm pak minuta pas hyrjes në lojë në ndeshjen miqësore kundër Heidenheimit, iu desh të merrte ndihmë mjekësore. Për 23-vjeçarin e kombëtares gjermane, ky është incidenti i dytë i ngjashëm brenda vetëm katër ditësh, pasi më herët i ishte përkeqësuar gjendja edhe në ndeshjen ndaj RB Leipzigut.
Musiala hyri në lojë në pjesën e dytë, por paraqitja e tij zgjati vetëm disa minuta. Ai përsëri përfundoi në fushë pa pasur kontakt paraprak me ndonjë futbollist kundërshtar, pas së cilës ekipi mjekësor menjëherë hyri në fushë.
Futbollistët e të dyja skuadrave u grumbulluan rreth tij për ta mbrojtur nga kamerat, ndërsa mjekët po i jepnin ndihmën e nevojshme.
Pas disa minutash, Musiala arriti të ngrihej dhe të largohej vetë nga fusha, por nuk u rikthye në lojë. Bayern-i në fund e mposhti Heidenheimin me rezultatin 4-2, në ndeshjen e fundit përgatitore para fillimit të sezonit zyrtar.
Shqetësim të veçantë shkakton fakti se një skenë pothuajse identike ishte parë vetëm disa ditë më parë.
Pak më vonë, 23-vjeçari i kombëtares gjermane iu drejtua publikut.
“Jam mirë, dua t’i qetësoj të gjithë ata që janë të shqetësuar.”
Musiala fillimisht i falënderoi tifozët për mesazhet e shumta dhe mbështetjen, duke theksuar se ndihet mirë.