Të premten me fillim në ora 19:00 me ndeshjen Bregallnica – Bashkimi hapet java e katërt e rrethit të parë të kampionatit të ri 2026/2027 në Ligën e Parë të futbollit vendor.
Për ditën e shtunë janë caktuar dy ndeshje. Në stadiumin e Çairit me fillim në ora 16:30 takohen Shkëndija e Haraçinës – Arsimi, ndërsa në ora 17:00 Skopje – Tikveshi.
Ndërkaq Shkëndija dhe Struga Struga Trim Lum do të përballen të hënën, me ndeshjen që do të zhvillohet në kompleksin e FFM-së në Shkup, nga ora 19:00
Nga tabori i kuqezinjve kanë njoftuar se pas dy ndeshjeve të para si vendas të zhvilluara pa praninë e tifozëve, për shkak të dënimit të shqiptuar pas ngjarjeve në finalen e Kupës sezonin e kaluar, Shkëndija e Tetovës këtë herë do të ketë mbështetjen e publikut.
Dënimi tashmë është përmbushur. Edhe pse për sezonin e ri Shkëndija ka paraqitur stadiumin e qytetit në Gostivar si terren vendas, dy ndeshjet e para u zhvilluan në Shkup për shkak të angazhimeve evropiane dhe mundësisë për zhvillimin e tyre në orët e vona me ndriçim. Shkaku i kushteve të mira që ofron kompleksi i FFM-së edhe kjo ndeshje do të zhvillohet në Shkup.
Të hënën do të zhvillohet edhe ndeshja tjetër derb e kësaj jave Vardari – Sileksi me fillim në ora 17.00, kurse Shkëndija – Struga Trim Lum nis në orën 19.00.