“Mirësevini nxënës të dashur” ishte mbishkrimi që pritte nxënësit e rinj por edhe mysafirët në Shkollën Fillore “Rexhep Voka” në Shipkovicë.
Oborri i kësaj shkolle kishte marrë pamje festive, kurse fjalimet dhe koloriti i nxënësve gjatë interpretimit të “valles së shqipeve” poashtu kishin karakter festiv në Malësi të Tetovës, ku mbase edhe vapa e madhe reduktoi programin artistik të përgatitur nga nxënësit.
Vizitën në ditën e parë të vitit të ri shkollor, Kryetari i Komunës së Tetovës, Bilall Kasami e nisi nga Shkolla Fillore “Rexhep Voka” në Shipkovicë dhe Brodec.
Me fillimin e këtij viti të ri shkollor, nxënësit e kësaj shkolle do të zhvillojnë mësimin me një ndërrim, duke krijuar kushte më të mira për procesin mësimor.
“Kemi kënaqësinë sot që nga Shipkovica nga Sh.F “Rexhep Voka” të nisim këtë rrugëtim dhe këtë vit shkollor, me një lajm të mirë për nxënësit e kësaj shkolle, ku kjo shkollë me dy objektet shkollore këtu në Shipkovicë dhe në Brodec, mga ky vit do të ketë mësim me një ndërrim dhe kjo do t`i bashkangjitet shkollës “Besa” në Reçicë të Vogël, ku veçmë kemi organizim të mësimit me një ndërrim. Poashtu, për këtë vit shkollor, i kemi bërë përgatitjet për mësim gjithëditor në 8 shkolla tjera të Komunës tonë. Kjo tregon përkushtimin tonë që në shkollat e Tetovës krijojmë kushte më të mira për mësimnxënie dhe sigurisht fëmijtë tanë të dalim më të mirë në gjithë shtetin dhe të tregojnë rezultate edhe në suaza ndërkombëtare.
Në Sh.F “Rexhep Voka” për vitin shkollor janë regjistruar 15 filloristë, kurse numri i përgjithshëm i nxënësve në Shipkovicë dhe Brodec shkon në 180. Drejtuesit pranojnë tendencën e rënies së numrit por shpresojnë se me risitë arsimore do të rritet cilësia në arsim.
“Ky viti shkollor ka një risi. Risia është që këtë vit kalojmë me një ndërrim, të dy ciklet kalojnë në ndërrimin e parë. Kjo është një mundësi shumë e miër për nxënësit, të punësuarit dhe stafin e shkollës për të përgatitur nxënësit e të ardhmes. Për ta realizuar këtë falënderoj Komunë e Tetovës që na ka përkrahur vazhdimisht dhe ka bërë të mundur financimin e projektit
Kryetari i Komunës së Tetovës, i bëri një rekapitullim nisjes së vitit shkollor në të gjitha shkollat e Komunës së Tetovës. Ai pret që pas javës së parë të vitit të ri shkollor shifrat e nxënësve të jenë sikurse në vitet paraprake.
Në këtë vit, në Shkollat Fillore të Tetovës, deri tani janë regjistruar 865 nxënës kurse në shkollat e mesme 1.280 në vitin e parë. Duke marrë parasysh faktin se dhe këtë javë do të ketë regjistrime të nxënësve, nuk mund të japim vlerësim të saktë, nëse do të ketë rënie të numrit të nxënësve në krahasim me vitin paraprak, duke ditur traditën e viteve paraprake ku regjisrimet bëhen edhe në javën e parë të vitit shkollor, ne besojmë se do të arrihet shifra prej 900 mxënësve të regjistruar në klasë të parë.
Nga Komuna e Tetovës thanë se në këtë shkollë, por edhe në shkolla tjera janë realizuar investime të rëndësishme në përmirësimin e kushteve dhe hapësirave shkollore, me qëllim që nxënësit dhe mësimdhënësit të kenë një ambient më të përshtatshëm për punë dhe mësim.
Ky është vetëm një hap në përpjekjet tona për të përmirësuar vazhdimisht kushtet në shkollat e Komunës së Tetovës! – thonë nga Komuna e Tetovës, duke iu dëshiruar suksese të gjithë nxënësve dhe mësimdhënësve në vitin e ri shkollor!/Tv Koha/
