Dje në ora 17:00 në fshatin Jegunocë të Tetovës, zyrtarë policorë nga Stacioni Policor Jegunocë kanë privuar nga liria një 49 dhe një 48 vjeçar, një të mitur 15-vjeçar nga fshati Siriçinë i Tetovës dhe dy 15-vjeçar nga fshati Jegunocë, pasi kanë prishur rendin dhe qetësinë publike me një përleshje fizike mes vete. Po merren masa për zbardhjen e plotë të rastit.
……Dje në ora 19:10, zyrtarë policorë nga DPB Gostivar kanë privuar nga liria një 52-vjeçar nga Gostivari, duke vepruar sipas denoncimit paraprak nga një 24-vjeçar nga Gostivari se rreth orës 18:50 në vendin e saj të punës në një objekt hotelerik, ai është sjellë në mënyrë agresive dhe e ka sulmuar fizikisht. Gjatë alkooltestit të kryer, tek ai është konstatuar prani e alkoolit në gjak prej 0,98 promilësh, pas çka është ndaluar në stacionin policor. Pas dokumentimit të rastit, ndaj tij do të vijojë parashtresë përkatëse.
……Dje në ora 22:10 në fshatin Palçisht i Poshtëm të Tetovës, zyrtarë policorë nga Stacioni Policor Kamjan kanë privuar nga liria një 19-vjeçar nga po i njëjti fshat. Gjatë një kontrolli në trafik, zyrtarët policorë kanë ndaluar një automjet pasagjerësh “Volksvagen Golf” me targa të Tetovës, të cilin ai e drejtonte, dhe pas masave të ndërmarra është konstatuar se e drejtonte automjetin pa pasur leje drejtimi (patente shoferi). Automjeti është konfiskuar dhe pas dokumentimit të rastit do të vijojë parashtresë përkatëse.
……Pas mesnate në ora 01:30 në SPB Tetovë, një 35-vjeçar nga Tetova ka denoncuar se më 13.09.2026 rreth orës 21:18 në rrugën “Shtipska” është sulmuar fizikisht nga katër persona, me ç’rast njëri prej tyre ka përdorur një send prej druri dhe i ka dëmtuar automjetin e tij. Po merren masa për zbardhjen e rastit.
……Dje në ora 17:40 në SPB Tetovë, një 19-vjeçar nga fshati Poroj i Tetovës, ka denoncuar se më 10.09.2026 rreth orës 18:30 në shtëpinë familjare, është sulmuar fizikisht nga i afërmi i tij. Po merren masa për zbardhjen e rastit.
……Pas mesnate në ora 02:20 në SPB Tetovë, një 22-vjeçar nga Tetova ka denoncuar se rreth orës 00:20 në rrugën “Bllagoja Toska” është zënë në pritë nga pesë persona, prej të cilëve njëri e ka sulmuar fizikisht, pas çka i janë marrë para. Po merren masa për gjetjen e kryerësve dhe për zbardhjen e rastit.
……Dje në ora 10:00 në SPB Tetovë, një 44-vjeçar nga fshati Gllogjë i Tetovës, ka denoncuar se afër stadiumit në fshatin Gllogjë i është shkaktuar zjarr një makine pune (ekskavator) i parkuar, pronë e bashkësisë lokale. Nga zjarri është kapur brendësia, përkatësisht kabina e makines së punës dhe instalimi në kabinë. Zjarri është lokalizuar nga denoncuesi dhe persona të tjerë. Nuk ka persona të lënduar, ndërsa këqyrjen e vendit të ngjarjes e ka kryer ekipi i SPB Tetovë.