Ministria e Punëve të Brendshme ka njoftuar se është kryer bastisje në Burgun e Idrizovës, ku si rrjedhojë është kapur substancë pluhurore.
“Më 16.10.2026, në orën 14:00, në SPB Shkup, nga INP Burgu i Idrizovës është denoncuar se rreth orës 11:30, gjatë bastisjes te i dënuari S.S., është gjetur dhe konfiskuar një substancë pluhurore. Po ndërmerren masa për zbardhjen e rastit”, thuhet në njoftimin e MPB-së.
Substancë narkotike është gjetur edhe në oborrin e Burgut në Shkup (Shuto Orizares).
“Më 17.10.2026, në orën 11:30, SPB Shkup ka marrë informacion nga INP Burgu – Shkup se brenda rrethojës së institucionit ishte gjetur një qese që përmbante një telefon celular, një karikues dhe marihuanë. Po ndërmerren masa për zbardhjen e rastit”, thuhet në njoftim të MPB-së.