Site icon Tetova Expres

LIGA E DYTË: PELISTERI – TETEKSI DERBI I XHIROS SË 12-të

Të shtunën dhe  të dielën në program janë ndeshjet e javës së 12-të të sezonit vjeshtor në Ligën e Dytë të futbollit  vendor. Derbi i javës luhet në Manastir  mes Pelisterit dhe Teteksit. Të dielën Kamjani takohet me  Euromilkun. Të gjitha ndeshjet  fillojnë në ora 13:00.

 Kryendeshja e kësaj  jave zhvillohet në Manastir, ku do të përballen dy ekipet të  cilat vite me radhë kanë lënë gjurmë në futbollin vendor, Pelisteri kundër Teteksit.

Aktualisht ekipi  nga Manastiri  me 7 fitore, katër  barazime dhe  asnjë ndeshje të  humbur mban pozitën e dytë me 25 pikë, ndërsa Teteksi me 4 fitore, 4 barazime dhe 3 humbje, pozicionohet e gjashta në tabelë me 16 pikë.

Trajner i Teteksit, Marjan Bilbiloski, për TV Koha tha se favorit është Pelistëri, por se ekipi nga Tetova nuk udhëton me flamur të bardhë në Manastir.

“ Me të vërtet  na pret një ndeshje interesante, ku megjithatë  i japim përparësi  ekipit  të Pelisterit e cila ka ekip me përvojë, lojtar me përvojë, reprezentues. Ne  jemi mjaft ekip e re,  në formën e mirë  jemi, do të  shkojmë që me  Pelisterin të japim maksimumin të luajmë një ndeshje të mirë  ku shpresojmë  se  tifo zët  e  dy  ekipeve do  të kënaqen në këtë ndeshje. Dhe  kuptohet se dëshirojmë të  kthehemi të pa mposhtur nga  Manastiri’’ deklaroi trajneri Marjan Bilbiloski

Trajneri i  Teteksit Marjan Bilbiloski  thotë  se çdo rezultat kundër  Pelisterit, pos  disfatës, do të ishte pozitiv.

Advertisement

 ‘’Nuk  jam parashikues  i mirë, por çdo ndeshje  sidomos  në  teren  të  vështirë  siç është në Manastir nga  skuadra si Pelisteri e  dimë se  ky është derbi mes dy skuadrave  diçka  vlejnë në futbollin e Maqedonisë  dhe në Ballkan. Është për keqardhje  që  luhet  në Ligën e dytë  por  i pamposhtur të kthehesh nga  Manastiri  gjithsesi se është rezultat  i mirë’’  tha trajner Bilbiloski

Ndeshje interesante këtë xhiro pritet edhe në përballjen mes Ohrit dhe Bellasicës por edhe në përballjet tjera që luhen të shtunën si Rabotniçki –  Novaci, AP Brera – Kozhufi, Makedonija Gj.P –  Detonit Plaçkovica  dhe  Shkupi – Osogova.

Të dielën në program  është ndeshja Kamjani – Euromilk.

Për skuadrën vendase është një rast  i mirë që të arkëtojë tre pikët e radhës  për të mbajt hapin me  pesë  ekipet  që janë në pjesën e epërme të tabelës.

 Të gjitha ndeshjet e javës së 12-të fillojnë në ora 13:00.

Advertisement

Exit mobile version