Në ceremoninë e zhvilluar në Paris, Ousmane Dembele dhe Aitana Bonmatí u shpallën futbollistët më të mirë në botë, duke fituar çmimet prestigjioze Topi i Artë 2025.
Ousmane Démbélé është fitues i Topit të Artë 2025. Sulmuesi i PSG-së, i cili la prapa 18-vjeçarin, Lamine Yamal, i cili mbeti i dyti por ai fitoi përherë të dytë çmimin e Lojtarit të Ri më të mirë.
Dembele e fitoi tripletën me PSG-në, duke qenë faktor kyç për triumfin e skuadrës parisiene. Francezi shënoi 35 gola dhe dhuroi 14 asistime në të gjitha garat.
Ai e fitoi çmiin si Lojtari i Sezonit në Ligue 1, si dhe Këpucën e Artë në këtë ligë
Dembele është francezi i gjashtë që fiton Topin e Artë pas Kopa, Platinit që është tre herë fitues , Papin, Zidane dhe Benzema. Franca bëhet kështu shteti me më shumë lojtarë të ndryshëm që e kanë fituar këtë çmim, përpara Italisë dhe Gjermanisë që kanë nga pesë trofe Topi i Artë .
Në konkurrencën e femrave, këtë çmim e ka fituar sulmuesja ekipit të Barcelonës Aitana Bonmati. Për spanjollen, kjo është hera e tretë që e fiton “Topin e Artë”.
Trofeun për lojtarë të ri e fituan futbollisti Lamine Yamal dhe futbollistja Vicky Lopez. Çmimin Gerd Miler e fituan futbollisti Viktor Gyökeres dhe futbollistja Ewa Pajor . Çmimin Lav Jashine fituan portieri Gianluigi Donnarumma dhe portierja Hannah Hampton. Çmimin Johan Krojf e fitoi trajneri Luis Enrique dhe trajnerja Sarina Wiegman.
Klube më të suksesshme të vitit 2025 u shpallën PSG dhe klubi i futbollit të femrave Arsenal