Nesër në program janë pesë ndeshje të xhiros së dytë të sezonit vjeshtor në Ligën e parë të volejbollit për meshkuj. Në Tetovë takohen Liria – Strumica dhe Shkëndija –Vesna Probishtip
Kampionati i volejbollit në kategorinë e meshkujve vazhdon të shtunën me ndeshjet e javës së dytë. Qyteti i Tetovës edhe kësaj radhe është nikoqire e dy ndeshjeve kampionate pasi përballen Liria – Strumica dhe Shkëndija – Vesna Probishtip. Skuadra nga Zherovjani paralajmëron se nuk do të dorëzohet para kampionit në fuqi por përkundrazi do të mundohet që t’ia prish hesapet duke u bazuar në dy përforcimet nga Gjeorgjia. Ndeshja Liria – Strumica luhet nesër me fillim në ora 16:00, te salla e shkollës fillore ‘’Goce Dellçev’’ në Tetovë.
Klubi i volejbollit Shkëndija pas disfatës në xhiron e parë në derbin lokal me Universitetin e Tetovës, nesër maksimalisht e mobilizuar do të luaj për të marrë tre pikët në përballjen me Vesna Probishtip. Takimi Shkëndija – Vesna Probishtip luhet nesër me fillim në ora 18:00 te salla sportive e gjimnazit në Tetovë.
Skuadra e tretë tetovare klubi i volejbollit Universiteti i Tetovës ndeshjen me Janta Volej do ta zhvillon të martën në Shkup.
Në xhiron e dytë, takohen: Shkëndija – Vesna Probishtip, Liria – Strumica, Skopje – UGD Shtipi, Rabotniki – Boreci, Makedonija Xhio – Susheva, ndeshja Janta Volej – Universiteti Tetovës luhet të martën m ë 4 nëntor
Shaban Sinani – TV Koha