Me ndeshjet Shkëndija – Struga Trim Lum dhe Shkupi – Tikveshi , nesër zyrtarisht starton pjesa e dytë e kampionatit në Ligën e parë të futbollit vendor . Super derbi i javës së 17 padyshim është ndeshja që do të zhvillohet në Tetovë mes Shkëndijës dhe Struga Trim Lum.
Sipari i sezonit pranveror në Ligën e Parë të futbollit vendor hapet me super ndeshjen mes dy skuadrave më cilësore të futbollit në vendin tonë Shkëndija e Tetovës dhe Struga Trim Lum. Shkëndija aktualisht është në pozitën e tretë me 36, ndërsa Struga Trim Lum në pozitën e dytë me 41 pikë. Dy ekipet kanë zhvilluar përgatitje cilësore në fazën kryesore që e kanë zhvilluar në Antalia, ndërsa në radhët e veta kanë sjell edhe përforcime cilësore, kështu që dy ekipet pretendojnë se do të vazhdojnë garën për titullin kampion të Maqedonisë . Shkëndija në pritje të ndeshjes së nesërme me Struga Trim Lum sot mbajti seancën e fundit stërvitore, ndërsa para seancës stërvitore për pritshmëritë në derbin e nesërm foli futbollisti Arbin Zejnullai.
ARBIN ZEJNULLAI – FUTBOLLIST I KF SHKËLNDIJA
‘’ Faza përgatitore mbaroi ishte një fazë shumë e mirë., mbi gjitha nuk kishte dëmtime dhe kjo është më e rëndësishme . Dhe tani po e presim fillimin e kampionatit që është një ndeshje shumë e rëndësishme për ne ‘’ deklaroi futbollisti Arbin Zejnullai
Sa i përket ndeshjes së nesërme me ekipin Struga Trim Lum që konsiderohet një super deri i sezonit, Zejnullai tha se nëse në fushë çfaqemi ashtu si jemi marrë veshtë do të fitojmë
ARBIN ZEJNULLAI – FUTBOLLIST I KF SHKËLNDIJA
‘’Është një derbi do kisha thënë, pasi që siç dihen edhe pozitat në tabelën e klasifikimit për ne është një ndeshje shumë e rëndësishme që na duhet fitorja. Është e gatshme, domethënë e kemi analizuar ekipin kundërshtarë dhe nëqoftëse çfaqemi në fushë kështu si jemi marrë veshtë besoj që në fund do ia dalim me fitore’’ deklaroi Arbin Zejnullai
Dy ekipet kanë paralajmërua se ndeshjen e nesërme në fushë do të zbresin me formacionet më të mira që kanë për momentin.
Një ndeshje tjetër që në program është nesër është përballja mes Shkupit dhe Tikveshit. Kjo ndeshje shkaku i kushte jo adekuate për sistemin VAR në Stadiumin e Çairit do të zhvillohet në Kavadar.
Katër ndeshjet tjera të xhiros së 17-të në Ligën e parë të mërkurën takohen Vardari – Arsimi dhe Sileksi – Bashkimi ndërsa të enjten AP Brera – Makedonija Gj.P dhe Pelisteri – Rabotniçki.