Me ndeshjet e javës së 15-të që në program janë të shtunë, zyrtarisht starton pjesa e dytë e kampionatit në Ligën e parë të futbollit të vajzave. Luboteni nesër është nikoqiree KFF Reçica
Kampioni në fuqi klubi i futbollit të femrave Luboteni i Tetovës që aktualisht mbanë pozitën e dytë në tabelë pas ekipit të Skopjes, për të mbrojtur titullin kampion të fituar në kampionatin 2024/2025, ka zhvilluar përgatitje të nivelit të lartë , ndaj edhe të gatshme presin fillimin e sezonit pranveror. Trajner Bojan Stamenkoviq tha se ekipi i tij është e gatshme për vazhdimin e kampionatit dhe këtë do ta dëshmojnë që në ndeshjen e parë të përballet me KFF Reçica
‘’Shkojmë nga loja në lojë , mendoj se ekipi me seriozitet ka punuar dhe vazhdon të punon dhe mendoj se maksimalisht e përgatitur do të jetë për vazhdimin e kampionatit. Ndërsa gjatë kampionatit dhe në periudhën që vinë nga dita në ditë ekipi ynë ngritët dhe do të arrijë formën e duhur atëherë kur do të luajmë ndeshjet kryesore . Ndeshjen e parë me Reçicën e luajmë të shtunën në Qendrën Sportive , kështu që pres një paraqitje të mirë ndeshje d he një paralajmërim për ndeshjen e së martës kundër Tiverijës‘’ deklaroi Bojan Stamenkoviq trajner i KFF Luboteni
Klubi i futbollit të femrave Luboteni në këtë merkato dimërore ka sjell disa përforcime, ndërsa një super prurje është futbollistja nga Struga Yllza Maksuti, e cila premton se do të japi më të mirën nga vetja e saj në ekipin e ri.
‘’Jam e lumtur që jam pjesë e ekipit të Luboteni, Jam këtu si një përforcim për të mbrojtur titullin kampion . Dhe shpresoj s e do të japi më të mirën time për të shënuar më shumë gola. Presim një fitore të merituar me shumë gola’’ deklaroi futbollistja Yllza Maksuti
Në javën e 15-të të kampionatit në ligën e parë të futbollit të femrave takohen: Kamenica Sasa – Tiverija, , Istatov 2025 Skopje – Koçani, Vardari 2023 – Top Gol dhe AS United – Skopje 2014
