Ndeshja e zhvilluar në terrenin e Qendrës sportive në Tetovë mes Lubotenit dhe AS United nga Struga ka përfunduar me fitoren e vendaseve me rezultatin 3-1 me golat që u shënuan në 10 minuta e fundit të ndeshjes.
Mysafiret nga Struga ishin në epërsi me golin që realizoi Jovana Pavlovska, ndërsa për përmbysjen e rezultatit u kujdesën Yllza Maksuti me dy gola që realizoi në minutën e 82 dhe 88 dhe Kalina Popovska në minutat shtesë ndeshjes.
Fitore në cilësinë e vendasit kanë shënuar edhe Tiveria Brera 7-0 kundër ekipit Istatov 2015.
Me barazim 1-1 ka përfunduar ndeshja Skopje 2014 – Pelisteri PRO 2026.
Dy ndeshjet tjera kanë përfunduar me fitore të ekipeve mysafire, Koçani – Kamenica Sasa 0-4 dhe KFF Reçica – Vardari 2023 0-6.
Pas kompletimit të javës së tetë tabelën e kryeson Luboteni me 20 pikë para Skopje 2014 me 19 pikë dhe Pelisteri Pro 2026 në pozitën e tretë me 17 pikë.
SHABAN SINANI – TV KOHA