Në kuadër të xhiros së katërt në Ligën C në Ligën e Kombeve sonte në ‘’Air Albenia’’ përballen Kombëtarja Shqiptare dhe San Marino. Kjo sfidë për kombëtaren shqiptare është e rëndësishme që krahas tre pikëve të shënojë edhe më tepër gola.
Kombëtarja Shqiptare mbrëmë ka zhvilluar seancën zyrtare stërvitore në stadiumin “Air Albania” në prag të ndeshjes së katërt të UEFA Liga e Kombeve San Marinon.
Të gjithë lojtarët e grumbulluar janë stërvitur rregullisht nën urdhrat e trajnerit Rolando Maran për rreth 60 minuta me ekipin që u fokusua më shumë në pjesën taktike
Sulmuesi i kombëtares Rey Manaj në konferencën për mediet u shpreh se skuadra do të luajë vetëm për fitore dhe për të marrë tre pikët.
“Ndeshja me San Marinon varet nga mënyra se si e marrim. Është një ekip shumë më i dobët se ne, por gjërat duhen demonstruar në fushë. Pas ndeshjes që luajtëm në Finlandë, në letër është ndeshja më e lehtë nga të tjerat. Ne do të futemi në fushë që në pjesën e parë për ta mbyllur direkt ndeshjen, të fitojmë dhe të marrim tri pikët’’
Ndeshja Shqipëri – San Marino zhvillohet sonte me fillim në ora 20::45, në të njëjtë orë fillon edhe ndeshja Bjellorusi – Finlandë.
SHABAN SINANI – TV KOHA