Lajme nga vendi
Sindikata e Maqedonisë kërkon rritje të menjëhershme të pagave të punëtorëve
Lidhja e Sindikatave të Maqedonisë (LSM) kërkon që Qeveria e RMV-së dhe punëdhënësit nga sektori privat në vend menjëherë të nisin me rritjen e pagave të punëtorëve, sepse siç thonë ata, edhe në kohën e pandemisë së COVID-19 punëtorët me punën e tyre kanë ndihmuar në rritjen e kapitali i punëdhënësve dhe shteti mblidhte të ardhura në bazë të taksave, shkruan Portalb.mk.
“Njëqind kompanitë më të mëdha në vitin 2021 kanë pasur gjithsej 735.5 milionë euro fitim, ndërsa në vitin 2020 fitimi i këtyre kompanive ka qenë 517.4 milionë euro, që do të thotë se për një vit fitimi është rritur për 42 përqind. Kjo do të thotë se punëtorët vetëm në këto 100 kompani më të mëdha ishin më produktivë dhe u dhanë punëdhënësve të tyre një fitim fantastik prej 218.1 milionë euro shtesë në vetëm një vit”, thonë nga Sindikata.
LSM thekson se për ndryshim nga rritja e fitimeve kapitale të punëdhënësve, pagat e punëtorëve u rritën me vetëm 5.8 përqind, ndërsa paga mesatare u rrit nga dhjetori 2020 deri në dhjetor 2021 sipas Entit Shtetëror të Statistikave.
“Kjo është periudha për të cilën Enti Shtetëror i Revizionit në raportin për masat dhe politikat e ndërmarra qeveritare për përkrahjen e punësimit dhe profesioneve të prekura nga pandemia COVID-19 konstaton të hyra të reduktuara në Buxhetin e RSM në vlerë të përgjithshme prej 1 437 005 mijë denarë. Domethënë rreth 23 milionë euro dhe një pjesë e madhe e atyre mjeteve nuk kanë arritur as në llogaritë e punëtorëve, gjë që LSM paralajmëroi se do të ndodhte”, thonë nga Sindikata.
Para një jave, Konfederata e organizatave sindikaliste të Maqedonisë (KOSM) kërkoi nga Qeveria urgjentisht të mbahet mbledhje e Këshillit social-ekonomik.
Sipas KOSM-së, shkak për kërkesën e këtillë është gjendja aktuale “e cila është e papërballueshme për shkak të shpenzimeve enorme të rritura për jetë”.
Nëse nuk plotësohen kërkesat për mbledhje urgjente, KOSM paralajmëron se do të mbajë grevë.
Në kuadër të manifestimit “Tetova n`Festë”, Sheshi i Tetovs të hënën në mbrëmje u bë arenë e garave të bilardos.
Mjeshtrit e kësaj loje nga vendi por edhe nga Kosova e Shqipëria, para tetovarëve prezantuan aftësitë e tyre në këtë sport atraktiv dhe shumë të dashur për të rinjtë dhe jo vetëm, duke e shndërruar këtë mbrëmje në një festë të madhe tetovare.
Erdhi si favorit, por edhe në stolin e bilardos e meritoi këtë epitet.
Vendi i parë I takoi, Eklent Kaçit nga Shqipëria, disa herë kampion bote në bilardo.
EKLENT KAÇI – Kampion bote në bilardo
Në vendin e dytë u pozicionua Fitim Haradinaj nga Kosova, kurse në vendin e tretë u renditën Mirsad Zeqiri dhe Blendi Qazimi.
Organizatori Komuna e Tetovës për fituesit ndau Kupa dhe mirënjohje teksa ka uruar të gjithë pjesëmarrësit për një garë të nivelit të lartë sportiv në kuadër të Verës Tetovare.
IBRAHIM SADIKI – Organizator i turneut
BEDRI SIJARINA – Bilardist nga Kosova
Ndryshe ky turne i bilardos u transmetua drejtpërdrejt në faqen zyrtare të Facebookut të Tv Koha, ashtu sic do të transmetohen edhe dhjetëra aktivitete tjera sportive, kulturore, argëtuese gjatë verës tetovare./Tv Koha/
Ministri i deritanishëm për marrëdhënie ndërmjet bashkësive Ivan Stoillkoviq ia lëroi kolltukun ministrit të ri nga radhët e VLEN Agon Ferati. I tha se ka qenë shkurt në këtë pozitë.
Ferati është një profesionist i orientuar drejt rezultateve me përvojë të gjerë në menaxhimin e projekteve, politikat publike, qeverisjen e mirë, integrimin evropian dhe bashkëpunimin ndërkombëtar. Ai është alumn i Programit të Shkëmbimit të Këshillit Amerikan të Liderëve të Rinj Politikë (ACYPL) dhe ka ndjekur trajnime të avancuara profesionale në Institutin Robert Schuman, Universitetin Lund, Organizatën për Siguri dhe Bashkëpunim në Evropë (OSBE) dhe Zyrën e Kombeve të Bashkuara për Shërbime të Projekteve (UNOPS).
Sedat Sulejmani ka njoftuar se sot zyrtarisht ka marrë detyrën e Ministrit të Kulturës dhe Turizmit. Ai tha se prioritet do të jenë zhvillimi i artit dhe kulturës, konsolidimi i institucioneve kulturore dhe mbështetja e artistëve dhe krijuesve të rinj. Sulejmani falënderoi ministrin në largim, Zoran Ljutkov, për angazhimin dhe kontributin gjatë mandatit të tij.
“TETOVA OPEN – BILARDO” FRYMË E RE NË “VERËN TETOVARE” (foto)
Agon Ferati mori drejtimin e Ministrisë për Marrëdhënie ndërmjet Bashkësive
Sulejmani zyrtarisht në krye të Kulturës dhe Turizmit
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
You must be logged in to post a comment Login