Uncategorized
Rusia: Vdekja e ushtarëve tanë vjen si pasojë e përdorimit të telefonave nga ana e tyre
Rusia ka thënë se një sulm raketor – në natën e Vitit të Ri – që vrau të paktën 89 ushtarë rusë ndodhi për shkak se trupat po përdornin telefonat e tyre celularë. Ukraina goditi një kolegj për rekrutë në Makivka, në zonën e okupuar të Donjeckut, pak pas mesnatës së 1 janarit. Përdorimi i telefonave nga ushtarët, i cili ishte i ndaluar, i lejoi armikut të gjente objektivin e tij, tha ushtria ruse.
Ndërsa numri i njerëzve të vrarë është i paverifikuar, ai është numri më i madh i vdekjeve të pranuara nga Rusia në luftë. Ukraina pretendon se shifra është shumë më e lartë, duke thënë se 400 ushtarë u vranë në sulm dhe 300 të tjerë u plagosën. Rusia tha se në orën 00:01 me orën lokale – në natën e Vitit të Ri, gjashtë raketa u hodhën nga një sistem raketor HIMARS, i prodhuar në SHBA-ja, në një kolegj profesional, dy prej të cilave u rrëzuan.
Zëvendëskomandanti i regjimentit, nënkoloneli Bachurin, ishte në mesin e të vrarëve, tha ministria e Mbrojtjes në një deklaratë në Telegram në orët e para të së mërkurës. Një komision po heton rrethanat e ngjarjes, u tha në deklaratë.
Por është “tashmë e qartë” se shkaku kryesor i sulmit ishte prania dhe “përdorimi masiv” i telefonave celularë nga trupat tona, pavarësisht se kjo ishte e ndaluar, vazhdoi deklarata. “Ky faktor i lejoi armikut të lokalizojë dhe të përcaktojë koordinatat e vendndodhjes së personelit ushtarak për një sulm raketor”.
Zyrtarët e shpallur fajtorë në hetim do të sillen para drejtësisë, u tha në deklaratë, “dhe po ndërmerren hapa për të parandaluar ngjarje të ngjashme në të ardhmen”. Rusia gjithashtu rriti numrin e ushtarëve rusë të vrarë në sulm në 89, nga 63 që deklaroi më herët, megjithëse nuk ka mënyrë për të verifikuar numrin e ushtarëve të vrarë.
Është jashtëzakonisht e rrallë që Moska të konfirmojë ndonjë viktimë në fushëbetejë. Kolegji profesional ishte i mbushur me rekrut në kohën e sulmit – burra që ishin në mesin e 300.000 të thirrurve në mobilizimin e pjesshëm të presidentit rus, Vladimir Putin, në shtator. Disa komentatorë dhe politikanë rusë kanë akuzuar ushtrinë për paaftësi, duke thënë se trupave nuk duhet t’u jepej kurrë strehim kaq i cënueshëm.
Pavel Gubarev, një ish-zyrtar kryesor rus në Donjeck, tha se vendimi për të vendosur një numër të madh ushtarësh në një ndërtesë ishte “neglizhencë kriminale”. “Nëse askush nuk dënohet për këtë, atëherë gjendja do të përkeqësohet edhe më shumë”, paralajmëroi ai. Nënkryetari i parlamentit lokal të Moskës, Andrei Medvedev, tha se ishte e parashikueshme që ushtarët të fajësoheshin në vend të komandantit që mori vendimin fillestar për të vendosur kaq shumë trupa në një vend.
Presidenti Putin nënshkroi një dekret të martën që familjet e ushtarëve të Gardës Kombëtare të vrarë në shërbim të paguhen 5 milionë rubla (69.000 dollarë). Rusia ka nisur pushtimin e paprovokuar të Ukrainës më 24 shkurt dhe që nga tetori po kryen sulme me dronë dhe raketa ndaj infrastrukturës energjetike të Kievit, duke lënë miliona ukrainas pa furnizim me rrymë. (REL)
Banorët e Shkupit, assesi të shpëtojnë nga kaosi me transportin publik. Edhe sot, shumë prej tyre u detyruan të presin me orë të tëra për të arritur në destinacionet e tyre.
Disa pritnin mbi 40 minuta e disa tjerë më shumë se një orë për të gjetur një vend në autobusët e stërmbushur.
“Kur erdha këtu shkruante se pas katër minutash do të vijë, nuk erdhi, pas kësaj shkruante 18 minuta por nuk kishte. Ja tani që një orë e gjysmë e pres linjën me numër 16”, tha një qytetar.
”Sa kohë pritni? Rreth 40 minuta. Dyshi herë vjen e here jo, për në punë pres por edhe për kthim është njëjtë”, u shpreh një qytetar tjetër.
”Një orë e gjysmë presim. Cilën linjë e prisni? Linjën me numër 16, të gjithë këtu presin atë. E dini ku qëndron problemi? Jo, nuk e di por dikush e dinë dhe nuk tregojnë”, theksoi një qytetar.
Nga Ndërmarrja e Qarkullimit Publik përmes një komunikate njoftuan shkurt se kanë marrë njoftim nga furnizuesi se do të ketë ndërprerje të furnizimit me gaz, gjë që mund të shkaktojë reduktim në disa linja.
“ Të nderuar përdorues të transportit publik në qytetin e Shkupit. Sipas informacionit të marrë nga “NOMAGAS”, se do të ketë ndërprerje të furnizimit me gaz natyror deri më 17.10.2025, ju informojmë se ndryshimi i orareve është i mundshëm”, thonë nga NQP – Shkup.
Përveç këtij problemi, javë më parë kishte edhe reduktime nga ana e transportuesve privatë, për shkak të borxhit që ndërmarrja kishte ndaj tyre. Pas pagesës së një sasie të borxhit, transportuesit privatë u rikthyen në qarkullim.
Kandidatja për kryetare të Qytetit të Shkupit nga radhët e LSDM-së, Kaja Shukova, prezantoi vizionin e saj për zhvillimin urban të kryeqytetit duke theksuar se ai bazohet në parimet e qëndrueshmërisë, barazisë dhe humanizmit. Sipas Shukovës vizioni për Shkupin është ndërtuar mbi rritje gjithëpërfshirëse, infrastrukturë, hapësira publike të qasshme dhe transport efikas. Ajo theksoi se qëllimi kryesor është të vendoset një ekuilibër në zhvillimin urban midis pjesëve jugore dhe veriore të qytetit. Ajo i vuri theks të veçantë hapësirave të gjelbra, si parakusht për një jetë cilësore dhe të shëndetshme.
“Zgjerimi i pakontrolluar i ndërtimeve në jug të Vardarit ka tejkaluar infrastrukturën dhe e ka ‘mbytur’ qytetin. Prandaj, ne do të përqendrohemi në zhvillimin e lagjeve të reja banimi në veri të lumit Vardar, ku do të investohet në infrastrukturë të re, e cila do të tërheqë investime dhe do të sigurojë një imazh urban të ekuilibruar. Shkupi duhet të kalojë nga një qytet makinash në një qytet njerëzish. Këmbësorët dhe çiklistët do të jenë në krye të piramidës së trafikut. Do ta shndërrojmë qendrën në një zonë për këmbësorë, dhe bulevardet e reja në veri do të mundësojnë lidhje më të mirë midis lindjes dhe perëndimit, pa presion shtesë mbi bërthamën e qytetit. Hapësirat e gjelbra janë mushkëritë e qytetit. Shkupi duhet të marrë frymë përsëri. Kjo është arsyeja pse do të investojmë në parqe, hapësira publike dhe një mjedis të pastër”, deklaroi Kaja Shukova, kandidate për kryetare të Shkupit.
Presidentja Gordana Siljanovska-Davkova, ka paralajmëruar rreziqet që mund të sjellë përsëritja e precedentëve në procesin e integrimit evropian, duke theksuar se rruga e vendit drejt BE-së nuk duhet të kushtëzohet me marrëveshje bilaterale që tejkalojnë kornizën e kritereve të Kopenhagës. Kjo qëndron në komunikatën e kabinetit të presidentes, pas takimit me kryetaren e Komisionit Evropian në Shkup, Ursula Von Der Lejen. Ajo u shpreh e gatshme për bisedime me Sofjen, pas zgjedhjeve lokale.
“Ajo përkujtoi mosrespektimin, përkatësisht shkeljen e disa parimeve dhe vlerave themelore të akteve themelore kushtetuese të BE-së që garantojnë identitetin kombëtar dhe kulturor të shteteve dhe kombeve, si dhe dinjitetin dhe integritetin e qytetarëve. Ajo shprehu gjithashtu gatishmëri për bisedime maqedonase-bullgare pas zgjedhjeve lokale. Siljanovska-Davkova pret ndihmë nga Unioni në gjetjen e një zgjidhjeje kreative për zhbllokimin e integrimeve maqedonase”, njoftojnë nga Kabineti i Presidentes, Siljanovska.
Pranimi i vendeve të Ballkanit Perëndimor në BE nuk është vetëm çështje e zgjerimit, por prek drejtpërdrejt sigurinë dhe stabilitetin e Evropës, komunikohet të ketë thënë Presidentja në takim me Von Der Lejen, duke shtuar se reformat në gjyqësor dhe lufta e pa kompromis kundër korrupsionit duhet të mbeten prioritet.
Nga ana tjetër, kryetarja e Komisionit Evropian, Ursula Von Der Lejen, pas takoi edhe kryeministrin Hristijan Mickoski dhe kreun e Kuvendit Afrim Gashi, i dërgoi Shkupit një mesazh të qartë.
“Ne mbetemi plotësisht pas Maqedonisë së Veriut në rrugën e saj drejt BE-së. Ju mund të mbështeteni tek ne. Hapi i ardhshëm dhe i vetëm para hapjes së negociatave është i qartë. Ju duhet të bëni ndryshimin kushtetues të dakorduar.
Topi është në fushën tuaj. BE-ja është gati”, deklaroi Ursula Von Der Lejen, Kryetare e Komisionit Evropian.
Porosinë e qartë dhe të prerë të Von Der Lejen nuk e komentuan as VMRO-DPMNE-ja dhe as LSDM-ja. Liderët e të dy partive, një ditë më parë në orët e mbrëmjes takuan qytetarët, mbajtën tubime politike dhe fjalime pompoze zgjedhore, por nuk ju adresuan aspak BE-së për porosinë e prerë.
KOALICIONI VLEN SHPALLI FITORE NË POLLOG
VLEN: Shqiptarët folën qartë dhe fuqishëm
Spanja propozon heqjen përhershme të ndërrimit të orës në vendet e BE-së
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
