Lajme nga rajoni
Ministria e Punëve të Jashtme: Nuk ka dështuar anëtarësimi i Kosovës në Këshillin e Evropës
Ministria e Punëve të Jashtme ka thënë sot se nuk është votuar kundër dhe nuk ka dështuar anëtarësimi i Kosovës në Këshillin e Evropës.
Reagimi i MPJD-së vjen pasi një ditë parë nga Lidhja Demokratike të Kosovës theksuan se shqyrtimi i aplikimit të Kosovës për anëtarësim në Këshillin e Evropës ka dështuar.
Në reagimin e MPJ-së thuhet se është e rëndësishme të sqarohet se janë tre faza të votimit për anëtarësim të një vendi në Këshillin e Evropës. Në fazën e parë, Komiteti i Ministrave fillon procedurën e anëtarësimit. Në fazën e dytë, Asambleja Parlamentare e Këshillit të Evropës vendos standarde relevante dhe jep rekomandimin për anëtarësim. Në fazën e tretë, Komiteti i Ministrave vendos pas opinionit të Asamblesë Parlamentare të Këshillit të Evropës.
Lexoni të plotë reagimin e MPJD-së:
Nuk është votuar kundër dhe nuk ka dështuar anëtarësimi i Republikës së Kosovës në Këshillin e Evropës
Duke qenë se procedura e anëtarësimit në Këshillin e Evropës është komplekse dhe për t’i sqaruar disa keqkuptime dhe keqinterpretime të bëra së fundi, e shohim të nevojshme publikimin e kësaj komunikate.
Anëtarësimi i Republikës së Kosovës në Këshillin e Evropës nuk është votuar kundër dhe nuk ka dështuar. Përkundrazi, që nga 12 maji i vitit 2022 janë bërë përparime të rëndësishme përgjatë procesit të anëtarësimit.
Në muajin shtator të vitit 2022, nga vet Sekretariati i Këshillit të Evropës është dhënë interpretim ligjor mbi aplikimin e Republikës së Kosovës, i cili konfirmon qartë se nuk ka asnjë pengesë ligjore për anëtarësimin e Republikës së Kosovës si anëtare e plotë e Këshillit të Evropës.
Nga lobimi i përbashkët me delegacionin e Parlamentit të Republikës së Kosovës në Asamblenë Parlamentare të Këshillit të Evropës, për herë të parë në historinë tonë është siguruar e drejta e fjalës për delegacionin e Republikës së Kosovës dhe kjo e drejtë është shfrytëzuar përgjatë sesionit vjeshtor të Asamblesë Parlamentare.
Para dorëzimit të aplikimit, Ministria e Punëve të Jashtme dhe Diasporës është koordinuar me të gjithë partnerët ndërkombëtar dhe përgjatë lobimit të pandërprerë ka siguruar mbështetjen të gjërë për ta kaluar fazën e parë të procesit të anëtarësimit. Kjo situatë ka rezultuar edhe në angazhim konkret të një numri të vendeve anëtare mbështetëse për t’i kaluar pengesat përgjatë këtij procesi të anëtarësimit. Këto fakte, përveçse nga Ministria e Punëve të Jashtme dhe Diasporës, janë vërtetuar edhe nga vendet anëtare të Këshillit të Evropës.
Qytetarët e shteteve demokratike të Evropës, e kanë të drejtën e pamohueshme për të pasur çasje në instrumentet e Këshillit të Evropës, veçanërisht në Gjykatën Evropianë për të Drejtat e Njeriut (Gjykata e Strasburgut). Kjo e drejtë e qytetarëve të shtetit më demokratik në rajon, me progres të jashtëzakonshëm në sundimin e ligjit dhe reformave në drejtësi, nuk mund të kushtëzohet nga procese të tjera që nuk janë standarde të Këshillit të Evropës.
Është e rëndësishme të sqarohet se janë tre faza të votimit për anëtarësim të një vendi në Këshillin e Evropës. Në fazën e parë, Komiteti i Ministrave fillon procedurën e anëtarësimit. Në fazën e dytë, Asambleja Parlamentare e Këshillit të Evropës vendos standarde relevante dhe jep rekomandimin për anëtarësim. Në fazën e tretë, Komiteti i Ministrave vendos pas opinionit të Asamblesë Parlamentare të Këshillit të Evropës.
Aplikimi i Republikës së Kosovës është në fazën e parë. Më saktësisht, në këtë fazë, Komiteti i Ministrave duhet të kërkojë opinionin e Asamblesë Parlamentare të Këshillit të Evropës. Në këtë fazë të parë të vendimit në Komitet të Ministrave nuk ka përcaktim të standardeve për fillim të anëtarësimit. Rrjedhimisht, çfarëdo kushtëzimi i mundshëm në këtë fazë do të ishte kundër Statutit të Këshillit të Evropës, praktikave të anëtarësimit dhe vlerave të organizatës.
Qeveria e Republikës së Kosovës ka thyer status-quo e dëmshme të ndalimit të anëtarësimit të Republikës së Kosovës në organizata dhe instrumente ndërkombëtare dhe po angazhohet që Republika e Kosovës të anëtarësohet në organizata nga të cilat qytetarët e Republikës kanë përfitimet më të mëdha. Procesi i anëtarësimit në Këshillin e Evropës është i pakthyeshëm dhe Ministria e Punëve të Jashtme dhe Diasporës do të angazhohet që faza e parë të kalohet sa më parë. /Telegrafi/
Lajme nga rajoni
Operacioni serb në Dardani: Media, institute e politikanë të paguar për ta rrëzuar shtetin
Në Republikën e Dardanisë, mercenarët e Serbisë janë rikthyer në forma të reja. Ish-opozita, disa segmente të shoqërisë civile, institute e media që i japin hapësirë “analistëve” pa dinjitet, janë bërë zëdhënës të politikave serbe – të financuar nga Beogradi dhe oligarkët e lidhur me të. Këta sot janë ngritur “lugat” kundër atyre që mbrojnë shtetin dhe sovranitetin e tij – Presidentes Vjosa Osmani dhe Kryeministrit në detyrë, Albin Kurti.
Në prag të fushatave zgjedhore, qytetarët duhet të jenë vigjilentë. Gjykata Kushtetuese, e cila shpesh vepron si instrument politik i ish-pushtetarëve, po merr rol të rrezikshëm për stabilitetin e vendit, me vendime që ndihmojnë një agjendë të imponuar – madje edhe përmes listave serbo-shqipfolëse që nuk e respektojnë shtetin.
Sot, Republika e Dardanisë përballet me rrezikun më serioz që nga paslufta. Ish-pushtetarët, të trembur nga zbardhja e aferave dhe përgjegjësive të tyre, po përpiqen të destabilizojnë vendin për t’u shpëtuar drejtësisë. Këta ishin njerëzit që e kthyen luftën e shenjtë të UÇK-së për liri në mjet për pasuri e pushtet.
Proceset në Hagë kanë zbuluar prapaskena të errëta – marrëveshje për ndarje territoresh, përpjekje për “korrigjim kufijsh” dhe plane për autonomi që do t’i jepnin Serbisë veriun e vendit. Dëshmi si ajo e James Rubin, i paguar 52 mijë euro në muaj për lobim në favor të ndarjes, zbulojnë sa thellë ka shkuar kjo tradhti.
Përfshirja e Edi Ramës në këtë projekt është po aq e qartë. Vizitat e tij të shpeshta në Hagë dhe bashkëpunimi me Vuçiqin dëshmojnë për një plan të rrezikshëm – që, nën maskën e “Ballkanit të Hapur”, synon ta kthejë “Serbinë e Madhe” në realitet rajonal. Projekti i vitit 2013 për Asociacionin, i nënshkruar nga Hashim Thaçi dhe më pas “zbutur” nga Isa Mustafa, mbetet një kërcënim i gjallë për pavarësinë e Dardanisë.
Deklarata e Thaçit se “ndarja e veriut është realitet i hidhur” flet vetë. Sot, në vend të përgjegjësisë, disa po e kthejnë në “hero” të atdheut. Ndërsa Rama, bashkë me Vuçiqin, përpiqet ta zëvendësojë identitetin e Dardanisë me idenë e një “Shqipërie të Bashkuar” nën kornizën e “Ballkanit të Hapur” – projekt që në fakt do t’i siguronte Serbisë dalje në Detin Adriatik dhe kontroll ekonomik mbi rajonin.
Historia përsëritet: si në vitin 1989 me suprimimin e autonomisë, kësaj radhe synimi është nënshtrimi përmes mashtrimeve ekonomike e politike. “Ballkani i Hapur” nuk është projekt bashkëpunimi, por plan për nënshtrim. Serbia, me ndihmën e Rusisë dhe aleatëve të saj shqiptarë, kërkon ta shuajë Dardaninë si shtet.
Në këtë betejë, çdo sulm kundër Albin Kurtit dhe Qeverisë aktuale është pjesë e këtij plani. Ata që punojnë për rrëzimin e tij – brenda e jashtë vendit – janë pjesë e rrjetit të mercenarëve që veprojnë për llogari të Vuçiqit e Ramës. Media të caktuara, institute dhe analistë të paguar janë zë i kësaj “Kolone të Pestë” që synon të përmbysë pavarësinë e fituar me gjak.
Sot, më shumë se kurrë, kërkohet kujdes, unitet dhe ndërgjegjësim kombëtar.
Republika e Dardanisë nuk dorëzohet, nuk blihet dhe nuk shuhet.
Nga Hafiz Shala – New York
15 tetor 2025
Numërimi i votave për Asamble Komunale po shkon drejt fundit.
Sipas të dhënave të publikuar nga Komisioni Qendror i Zgjedhjeve ky proces është kryer në 23 komuna.
KQZ-ja njofton se tashmë rezultati për Kuvendet Komunale dihet për: Pejën, Gjakovën, Gjilanin, Dragashin, Fushë Kosovën, Kamenicën, Lipjanin, Novobërdën, Obiliqin, Podujevën, Shtimën, Shtërpcën, Suharekën, Vushtrrinë, Zubin Potokun, Malishevën, Junikun, Mamushën, Hanin e Elezit, Graçanicën, Ranillugun, Parteshin, Kllokotin.
Derisa në pjesën tjetër të komunave numërimi i votave po vazhdon ose është afër përfundimit.
Rezultatet e plotë të publikuara mund t’i gjeni në faqen e KQZ-së.
Kryetari i Kuvendit të Kosovës, Dimal Basha, e shpalli Kuvendin e Kosovës të konstituuar pasi Nenad Rashiq u zgjodh nënkryetar i Kuvendit nga pakica serbe.
Rashiq është nënkryetari i pestë i Kuvendit.
Ai e deklaroi gjithashtu të mbyllur seancën konstituive të Kuvendit të Kosovës.
Kjo nënkupton se tani është hapur rruga edhe për formimin e qeverisë së re të vendit, shumë muaj pas zgjedhjeve të 9 shkurtit.
Nenad Rashiq, nga partia Për Liri, Drejtësi dhe Mbijetesë, u zgjodh nënkryetar i Kuvendit të Kosovës, pas dështimit të nëntë propozimeve të Listës Serbe dhe kalimit në zgjedhjen e nënkryetarit përmes procedurës së shortit. Me 71 vota për, 9 kundër dhe 24 abstenime, ai u bë njëri nga pesë nënkryetarët e Kuvendit të Kosovës.
Bilall Kasami “ndez motorët” për fitoren e 2 nëntorit, viziton shtabet e lagjeve Teteks dhe Migjeni
Aktivisti i flaktë i BDI-së, Zeka Fazlija jep dorëheqje nga organet partiake
Mexhiti: VLEN është fitues i zgjedhjeve lokale
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
