Lajme nga rajoni
(VIDEO) Aksident i rëndë në veri të Greqisë: Përplasen trenat, të paktën 32 të vdekur, 85 të plagosur
Një tren pasagjerësh me disa qindra persona është përplasur mbrëmë me një tren mallrash pranë Tempit afër Larisës, raportojnë mediat greke. Sipas të dhënave të fundit, në këtë aksident katastrofik kanë humbur jetën 32 persona, ndërsa të paktën 85 janë lënduar.
Përplasja shkaktoi shkatërrimin e disa vagonave me pasagjerë. Në vendngjarje, ekipet e shpëtimit gjetën skena tronditëse: trupa njerëzish dhe njerëz të plagosur ishin rreth e rrotull pistës, dhe të tjerë ishin në rrënojat e vagonave.
Siç shkruan gazeta greke Kathimerini, aksidenti ka ndodhur pak para mesnate në afërsi të qytetit të Tempit dhe ekipet e shpëtimit kanë konfirmuar deri më tani se ka 32 viktima dhe 85 pasagjerë të plagosur. Mirëpo, ata janë ende në kërkim të vagonëve, ndaj dyshohet se numri i të vdekurve dhe të plagosurve do të jetë më i madh.
Sipas zjarrfikësve të cilët kanë mbërritur me shpejtësi në vendngjarje, zjarri në pjesën më të madhe është shuar, ndërsa operacioni i shpëtimit është duke vazhduar. Ekipet mjekësore janë duke pritur që zjarrfikësit të lirojnë hyrjen në vagona dhe më pas të evakuojnë të lënduarit.
Aksidenti ka ndodhur pak para mesnatës, raporton Kathimerini dhe ende nuk janë zbardhur rrethanat në të cilat ka ndodhur. Treni i pasagjerëve ishte në linjën Athinë-Selanik.
Nxjerrja e të plagosurve dhe operacioni i shpëtimit zgjati gjithë natën dhe në të morën pjesë më shumë se 150 zjarrfikës dhe rreth 40 autoambulanca. Në terren ndodhen edhe 32 policë me 15 mjete patrullimi, si dhe mjete me vinça, të cilat përdoren për të ngritur mbetjet e trenave.
Sipas kreut të shërbimit zjarrfikës Vassilis Vatrakoiannis, pasagjerët në gjendje të qëndrueshme po transportohen me autobus për në Selanik.
– Vagoni 1 dhe 2 nuk ekzistojnë. Për shkak të forcës së goditjes ata janë hedhur jashtë pista – tha Kostas Agorastos, guvernator i rajonit të Thesalisë.
Shefi i turnit në Larisa, në turnin e të cilit ndodhi aksidenti, është ndaluar për t’u marrë në pyetje në komisariatin e Larisës.
Pasagjerët që u evakuuan nga treni i vdekjes pa lëndime folën për mediat greke për momentin e aksidentit:
– U dëgjua një zhurmë e madhe… Treni ishte plot… E di që treni ishte vonë, dhe më pas u dëgjua një zhurmë – tha një nga pasagjerët.
Ministri i Mbrojtjes Civile, Christos Stylanidis, ndodhet në Qendrën e Krizave me përfaqësues të tjerë të qeverisë greke që në momentin e parë të aksidentit. U aktivizua Ushtria e Parë e Ushtrisë Greke, si dhe spitalet ushtarake në Athinë dhe Selanik.
Sipas Hellenic Train, në momentin e përplasjes në trenin e pasagjerëve ndodheshin të paktën 350 persona.
Dhe kjo kompani doli me një deklaratë:
“Në Evangelismos pati një përplasje kokë më kokë mes dy trenave: një treni mallrash dhe treni IC 62 në linjën Athinë-Selanik. Në momentin e përplasjes në përbërje kishte rreth 350 pasagjerë. Zjarrfikësit dhe personeli i kompanisë kanë dalë në terren dhe po marrin pjesë në operacionin e shpëtimit”.
Në disa portale të afërta me partitë e koalicionit me VV bëjnë të ditur se brenda rrethit të ngushtë të Lëvizja Vetëvendosje po finalizohet një nga vendimet më të rëndësishme politike të momentit, pasi kryeministri në detyrë Albin Kurti raportohet se tashmë e ka përcaktuar emrin që synon ta propozojë për postin e presidentit të vendit.
Sipas informacioneve që ka siguruar portali ‘Gazeta Minuti’, bëhet fjalë për një figurë që nuk vjen drejtpërdrejt nga politika aktive, por për një profesor universitar me reputacion të lartë publik, i cili shihet si emër konsensual, i pranueshëm jo vetëm brenda kampit të pushtetit, por potencialisht edhe për spektrin më të gjerë politik.
Burimet thonë se strategjia e Lëvizja Vetëvendosje është që kësaj radhe të shmanget një kandidat i profilizuar partiak, duke u orientuar drejt një personaliteti akademik e institucional, me synimin për të siguruar mbështetje më të gjerë në procesin e votimit.
Zhvillimi pritet të trazojë skenën politike në ditët në vijim, ndërsa mbetet të shihet nëse ky kandidat do të arrijë të marrë mbështetjen e nevojshme për t’u ulur në postin më të lartë shtetëror.
KQZ në përditësimin e fundit, ka bërë të ditur se janë numëruar 94,62% e votave me postë.
Nga rezultatet shihet qartë një diferencë e thellë në rezultat mes partive politike, përcjell “Bota sot”.
Lëvizja Vetëvendosje – 72,99%
Lidhja Demokratike e Kosovës – 12,12%
Partia Demokratike e Kosovës – 8,04%
Aleanca për Ardhmërinë e Kosovës – 4.19%
Sipas këtij rezultati, Lëvizja Vetëvendosje ka arritur në 53 ulëse të siguruara në Kuvendin e Kosovës, ndërsa Lidhja Demokratike e Kosovës e ka humbur një ulëse.
LDK kishte më herët 19 deputetë, ndërsa tani ka 18. Partia Demokratike ka ruajtur 22 ulëset të cilat i kishte më parë, ndërsa Aleanca për Ardhmërinë e Kosovës ka 7 ulëse.(INA)
Lëvizja Vetëvendosje, Partia Guxo, Partia Alternativa dhe Partia Shqiptare Demokristiane kanë nënshkruar marrëveshjen e koalicionit parazgjedhor, duke e cilësuar atë si vazhdim të një rruge të përbashkët politike dhe angazhim të qartë ndaj qytetarëve të Republikës së Kosovës.
Sipas Partisë Guxo, ky koalicion nuk paraqet një bashkim të përkohshëm, por një qëndrim politik të vendosur për të qeverisur me përgjegjësi, për të mbrojtur interesin shtetëror dhe për ta vendosur qytetarin në qendër të çdo vendimi.
“Ne hyjmë në këtë marrëveshje me bindjen se shteti forcohet vetëm përmes drejtësisë që vepron, institucioneve që funksionojnë dhe një qeverisjeje që nuk i shmanget llogaridhënies”, thuhet në postimin e publikuar në Facebook, transmeton INA.
Në reagim thuhet se lufta kundër korrupsionit, zhvillimi ekonomik dhe mirëqenia qytetare nuk janë vetëm premtime politike, por detyrime që burojnë nga besimi i qytetarëve.
Po ashtu, partitë vlerësojnë se ky koalicion përfaqëson stabilitet, drejtim dhe qartësi politike, me synim një Republikë më të fortë brenda vendit dhe më të sigurt në arenën ndërkombëtare, me orientim të palëkundur euroatlantik dhe partneritete strategjike të konsoliduara.
“Partia GUXO qëndron në këtë bashkim me përgjegjësi të plotë, për të garantuar se politika nuk mbetet fjalë, por kthehet në veprim që ndikon drejtpërdrejt në jetën e qytetarëve të Republikës së Kosovës”, thuhet në reagim.
KUR DREJTËSIA MATET ME VLERËN E HIPOTEKËS DHE JO ME PESHËN E AKUZAVE
BOJAN DIMOVSKI PËRFORCIMI I RI I KF SHKËNDIJA
QEVERIA: RIFORMATIMI QEVERITAR NË FAZËN FILLESTARE!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
