Lajme nga vendi
Në Kumanovë shkollat e mesme dallojnë për nga etnia e nxënësve që mësojnë!
Vitin që lamë pas përderisa shkolla e mesme “Goce Dellçev” rinovohej duke marrë pamje të një shkolle evropiane, shqiptarët i gëzoheshin vendimit që shkolla e mesme “Sami Frashëri” do të bëhet me objekt të ri, pa çka se objekti i ri do t’i largojë nxënësit shqiptarë nga qendra e qytetit në drejtim të periferisë. Shkolla e rinovuar plotësisht me kushte dhe standarde moderne është Gjimanzi “Goce Dellçev”, në të cilin mësojnë nxënësit maqedonas. Ndërkaq, objekti që me gjithçka tjetër mund të ngjajë vetëm me shkollë jo, është Gjimnazi “Sami Frashëri”, ku mësojnë nxënësit shqiptarë. Pra, po flasim për dallime esenciale të dy shkollave të mesme në të njëjtin qytet por brenda të cilave vijojnë mësimin nxënës të përkatësive të ndryshme etnike. Derisa nxënësit shqiptarë po presin shkollën e re, nxënësit maqedonas po pajisen me banka e karrige moderne që nxënësit shqiptarë mund t’i shohin vetëm në ëndërr. Si dhe në kohën e njëjtë kur për shkollat shqiptare është arritje dhe sukses ndërrimi i çative të kalbura, në shkollat maqedonase vendosen termocentrale fotovoltaike mbi çati, shkruan Zhurnal.
Në Kumanovë ka dallim esencial të jesh nxënës shqiptarë dhe të jesh nxënës maqedonas
Nxënësit shqiptarë dallohen nga bashkëmoshatarët e tyre maqedonas për nga kushtet me të cilat disponojnë, kur flasim posaçërisht për nxënësit e dyja gjimnazeve që janë në këtë qytet, atë të maqedonasve “Goce Dellçev”, dhe atë të shqiptarëve “Sami Frashëri”. Kjo për shumë arsye, mes tjerash dhe kryesoret infrastruktura dhe kushtet që posedojnë këto shkolla.
Në objektin e shkollës dhe sallës sportive në gjimnazin “Goce Dellçev” në Kumanovë është vendosur fasadë e re vitin që lamë pas, me çka kjo shkollë mori pamje krejtësisht tjetër duke plotësuar standardet evropiane, si për nga pamje jashtme ngjashëm edhe nga brendësia.
“Kemi ndërruar të gjitha dritaret e vjetra me dritare të reja PVC efiçente. Kulmi i vjetër i objektit të shkollës dhe sallës sportive tërësisht është zëvendësuar me një çati të re. Rinovuam ambientet e brendshme të sallës sportive të shkollës, vendosëm një sistem të ri ngrohjeje dhe një tapet të ri sportiv. Ndërtuam një fushë të re sportive me dysheme speciale në oborrin e shkollës. Janë ndërruar dyert e ambienteve të zyrës dhe klasave, janë ndrruar sipërfaqet e dyshemesë në klasa si dhe ambientet sanitare në shkollë”, ka njoftuar Komuna e Kumanovës (gusht, 2022).
Nuk është kjo e tëra sepse shkolla e mesme “Goce Dellçev” ku mësojnë vetëm nxënësit maqedonas së fundmi si fazë përfundimtare të rikonstruimit është pajisur edhe banka dhe karrige me standarde të larta për të gjithë nxënësit, ngjashëm edhe zyrat e mësimdhënësve.
“Pas përfundimit me dyshemenë e re blemë dy makineri të reja për mirëmbajtjen e dyshemesë, tavolina dhe karrige për të gjithë nxënësit si dhe pajisje të reja të destinuara për zyrat e punonjësve të kësaj shkolle. Janë vendosur edhe tetë kondicionerë inverter. Ka përfunduar montimi dhe instalimi i një termocentrali fotovoltaik në çatinë e shkollës, tani jemi në pritje të lejes dhe aktivizimit nga EVN në rrjetin e shpërndarjes elektrike që do të na mundësojë të fillojmë përdorimin e pajisjeve dhe të kursejmë energjinë elektrike“, ka thënë drejtoresha, Marija Todorovska për Kumanonews. https://kumanovonews.mk/vesti/nova-oprema-klupi-i-stolcinja-za-ucenicite-vo-gimnazijata-goce-delcev-kumanovo
“Gjimanzi “Goce Dellçev” mbi çati termocentrale fotovoltaike, gjimanzi “Sami Frashëri” ka ngelë pa çati”
Përderisa gjimnazi ku mësojnë maqedonasit ka vendosur edhe termocentrale fotovaltike mbi çati, gjimnazi ku mësojnë nxënësit shqiptarë ka mbetur ende pa adresë të saktë, nxënësit po vijojnë mësimin në objektin që vetëm shkollë nuk mund të quhet.
Vitin që lamë pas derisa shkolla e mesme “Goce Dellçev” rinovohej duke marrë pamje të një shkolle evropiane, shqiptarët i gëzoheshin vendimit që shkolla e mesme “Sami Frashëri” do të bëhet me objekt të ri, pa çka se objekti i ri do t’i largojë nxënësit shqiptarë nga qendra e qytetit në drejtim të periferisë.
Ky objekt i kësaj shkolle ku mësojnë nxënësit shqiptarë është prapavija më e njohur gjatë fushatave parazgjedhore kur ka zgjedhje lokale, pra janë bërë më shumë se 17 vite që kur është premtuar gjetja e një zgjidhjeje të përshtatshme për gjimnazin “Sami Frashëri”, e tani vitin e kaluar u mor ai vendim që nuk konsiderohet të jetë aspak i përshtatshëm dhe i duhur. Kjo shkollë nuk ka as sallë sportive nxënësit aktivitetet sportive i realizojnë në bodrumin e kësaj shkolle që sipas tyre kundërmon erë e rëndë, dhe ka hapësira që janë të mykura.
Kujtojmë që, para rinovimit të gjimnazit “Goce Dellçev” Komuna e Kumanovës ishte kujdesur edhe për shkollat tjera, duke rinovuar shkollën fillore ne “Ljubodrag”, shkollën fillore “Brakja Milladinovci”, shkolle fillore në “Umin Doll’, shkollën e mesme “Pero Nakov” në të gjitha këto shkolla mësojnë vetëm nxënësit maqedonas.
Ndërkaq, shkollat fillore në të cilat mësojnë shqiptarët janë të rinovuar pjesërisht, në përjashtim të shkollës së mesme ekonomike “Pero Nakov” paralelja në gjuhën shqipe që është me objekt në periferi të qytetit që është e rinovuar më shumë se të tjerat, por asesi në formën e njëjtë sikurse shkolla e mesme “Goce Dellçev”. Siduket, kjo është strategji e instaluar që kushte më të mira në shkollat ku mësojnë shqiptarët, por me kusht që ato shkolla të jenë sa më larg qendrës së qytetit. /Zhurnal.mk
Lajme nga vendi
OMER XHEMAILI FLET PËR “VOX MEDICI”: NGA TETOVA NË MAJAT E KARDIOKIRURGJISË BOTËRORE!
Nga Tetova në Cyrih, nga sfidat e fillimit deri te majat e kardiokirurgjisë botërore. Prof. Dr. Omer Xhemaili, një nga emrat e njohur të mjekësisë shqiptare në arenën ndërkombëtare, rrëfen rrugëtimin e tij profesional, sfidat që e formësuan dhe vizionin për të ardhmen e kirurgjisë së zemrës. Në një intervistë për revistën profesionale mjekësore “Vox Medici”, ai përcjell edhe një mesazh frymëzues për mjekët e rinj: suksesi kërkon sakrificë, përkushtim dhe guxim për të kërkuar më shumë, pa harruar kurrë rrënjët.
“Vox Medici” – Revista profesionale mjekësore që botohet çdo tre muaj nga Oda e Mjekëve e Republikës së Maqedonisë së Veriut, në edicionin e Shtatorit 2026, nën rubrikën “Rrëfime Mjekësore”, sic njofton Tv Koha, ka botuar një intervistë me kardiologun tetovar me përmasa botërore, Prof. Dr.Omer Xhemailin, aktualisht Drejtor i Klinikës së Kirurgjisë së Zemrës në Spitalin Universitar të Cyrihut, në Zvicër dhe drejtues i Aleancës për Kirurgjinë e Zemrës në Cyrih, ku bashkëpunojnë Spitali Universitar dhe Spitali i Qytetit të Cyrihut.
Rrugëtimi i tij arsimor dhe profesional nga Tetova, përmes studimeve në Sarajevë dhe Majnc të Gjermanisë, deri te specializimi në Frankfurt, ishin në fokus të prononcimit të Omer Xhemailit.
Ai në këtë intervistë thotë se sfidat nuk ishin vetëm mjekësore.
OMER XHEMAILI – Drejtor i Klinikës së Kardiokirurgjisë në Cyrih
“Si pjesëtar i komunitetit shqiptar në Maqedoni, në atë kohë nuk kisha mundësi të studioj mjekësinë në Shkup. Ishte ky një realitet për shumicën e gjeneratës sime dhe nuk dua t`i jap më shumë peshë se sa që e meriton, por është arsyeja përse rruga ime nisi jashtë vendit. Studimet i fillova në Sarajevë më 1990, kurse lufta i ndërpreu në 1992. Në Gjermani arrita pa e njohur gjuhën, pa rrjet dhe pa asnjë dokument të vlefshëm në atë sistem. Në Majnc nisa studimet nga fillimi dhe i përfundova në vitin 2000, kurse më pas gjithë specializimin e kalova në Frankfurt. Atë që mësova në ato vite është se njeriu që vjen nga jashtë duhet të jetë shumë më i mirë nga të tjerët. Kjo nuk është e drejtë, por është më lehtë të pranohet se sa të kontestohet”
Në intervistë, Omer Xhemaili, flet edhe për sfidën tjetër – kalimin në Zvicër. Sistemi gjerman dhe zviceran janë të ngjashëm, por të ndryshëm sipas kulturës.
Ai thotë se në Zvicër asgjë nuk zgjidhet sipas kierarkisë por përmes argumentit, cilësisë së të dhënave dhe besimit të ndërtuar ndër vite.
Pikërisht këto sfida, sic percjell Tv Koha, e kanë bërë Omer Xhemailin më të aftë duke mos u mbështetur në inercionin.
Por, cila është e ardhmja e kardiokirurgjisë në 10 vitet e ardhshme dhe sfidat me robotikën?
OMER XHEMAILI – Drejtor i Klinikës së Kardiokirurgjisë në Cyrih
“Skalpeli nuk do të zhduket, por dora që e mban do të udhëhiqet gjithnjë e më shumë nga teknologjia. Ndër afro 200 punimet e mia shkencore deri më sot, më të dobishmet kanë rezultuar gjithmonë ato që kanë gjetur zbatim të drejtpërdrejtë në sallën e operacionit.Në dhjetë vitet e ardhshme pres që robotika të bëhet standard për një pjesë të ndërhyrjeve kirurgjikale dhe të mos konsiderohet më diçka e rrallë apo ekzotike. Gjithashtu, vendimet do të merren gjithnjë e më shumë në bazë të të dhënave dhe jo vetëm në bazë të përvojës personale. Ajo që nuk do të ndryshojë është fakti se dikush duhet të marrë përgjegjësinë kur plani nuk funksionon. Kjo përgjegjësi do të mbetet njerëzore.
Përkundër obligimeve në Zvicër, Prof.Dr. Omer Xhemaili vazhdimisht mban lidhjet me Maqedoninë, si Profesor në UT dhe ligjërues në Fakultetin e Mjekësisë në Shkup.
Por, si i vlerëson kapacitetet aktuale dhe potencialin e kardiokirurgjisë në Maqedoninë e Veriut?
Në cilat segmente sheh hapësirën më të madhe për bashkëpunim, edukim dhe avancim të mjekëve të rinj në specializim?
OMER XHEMAILI – Drejtor i Klinikës së Kardiokirurgjisë në Cyrih
Kuadri profesional është i mirë. Këtë nuk e them nga mirësjellja, por sepse kam punuar krah për krah me këta njerëz dhe e di se çfarë janë në gjendje të bëjnë. Sot, vendi ka qendra me vëllim të konsiderueshëm të ndërhyrjeve dhe me rezultate që mund të krahasohen me ato ndërkombëtare. Njëra prej tyre bën pjesë ndër qendrat më të mëdha të kardiokirurgjisë në Ballkan dhe drejtohet nga një kirurg për të cilin kam respekt të sinqertë. Edhe vetë shkoj herë pas here atje për të kryer operacione në baza humanitare, te pacientët që kanë nevojë për ndihmë, dhe për mua kjo është një mënyrë krejt e natyrshme për të ruajtur lidhjen me ta.
Në fund të intervistës për “Vox Medici”, Prof.Dr. Omer Xhemaili, ka edhe një mesazh, në formën e këshillës apo vizionit për t`ua përcjellë mjekëve të rinj dhe specializantëve në Maqedoni, të cilët ëndërrojnë arritje të nivelit më të lartë në mjekësi, por përballen me sfidat e sistemit tone.
OMER XHEMAILI – Drejtor i Klinikës së Kardiokirurgjisë në Cyrih
Së pari, zgjidhni një disiplinë për të cilën jeni të gatshëm të paguani një çmim, sepse majat e mjekësisë nuk arrihen me një orar të rregullt pune. Së dyti, kërkoni një mentor, jo thjesht një vend pune. Në vitet e para të karrierës, ka më shumë rëndësi se pranë kujt qëndroni sesa ku punoni. Së treti, mos prisni që sistemi të përmirësohet fillimisht. Sistemin e përmirësojnë njerëzit që qëndrojnë brenda tij dhe punojnë më mirë sesa pritet prej tyre. Unë u largova nga Tetova sepse koha dhe rrethanat vendosën kështu, e jo sepse dëshiroja të largohesha. Sot shoh kolegë që qëndrojnë dhe krijojnë diçka të vlefshme, dhe kam respekt të jashtëzakonshëm për ta. Dhe, së fundi, mos kini frikë të kërkoni më shumë. Kur mbërrita në Gjermani, nuk kisha asgjë, përveç gatishmërisë për të punuar. Kjo ishte e mjaftueshme atëherë, dhe është e mjaftueshme edhe sot.
Nga Tetova, ku nisi ëndrra e tij me mbështetjen dhe sakrificën e prindërve të tij, deri në Cyrih, ku sot drejton një nga qendrat e rëndësishme të kirurgjisë së zemrës, rrugëtimi i profesor Omer Xhemailit dëshmon se asnjë pengesë nuk është më e madhe se vullneti për të arritur majat.
Por, madhështia e një mjeku nuk matet vetëm me titujt, studimet shkencore apo operacionet e suksesshme. Ajo matet edhe me zemrat që shpëton, me dijen që ua përcjell brezave të rinj dhe me lidhjet që nuk i këput kurrë me vendlindjen.
Një rrëfim për një tetovar që sfidoi kufijtë, ndërtoi emër në arenën ndërkombëtare dhe vazhdon të dëshmojë se zemra e madhe e një mjeku rreh jo vetëm për pacientët, por edhe për vendin dhe njerëzit e tij./Tv Koha/
Rrethi i dytë i zgjedhjeve lokale që do të mbahen të dielën, më 1 nëntor, në Bërvenicë, ka qenë temë diskutimi edhe në Kuvend.
I pyetur nga gazetarët, kryeparlamentari Afrim Gashi ka uruar që komunën ta fitojë kandidati më i mirë.
Gashi thotë se ka ardhur koha që të tejkalohen ndarjet etnike dhe të zgjidhen problemet elementare me të cilat përballen banorët e zonës në fjalë.
“Kur bëhet fjalë për zgjedhjet lokale, kur qytetarët kanë nevojë të zgjidhin probleme esenciale si ujësjellësi, kanalizimi dhe asfaltimi i rrugëve, duhet të fokusohen te zgjidhja më e mirë, te programi më i mirë dhe te kandidati më i mirë. Kjo është ajo që ka rëndësi në parim. Mendoj se duhet të ngrihet kultura politike, por fatkeqësisht ende konstatoj se nuk jemi në atë nivel. Prandaj, uroj që edhe në këto zgjedhje, sikurse në të gjitha zgjedhjet, të fitojë më i miri dhe ai që u shërben të gjithë qytetarëve, pa dallim të përkatësisë partiake, etnike, religjioze etj.”
Për Bërvenicën dhe zgjedhjet ka folur edhe kryeministri Hristian Mickoski.
Nga foltorja e Kuvendit, ai ka numëruar punët që kjo Qeveri po bën në atë komunë.
Ai ka akuzuar AKI-në, respektivisht BDI-në, se nuk ka punuar asnjë projekt për Bërvenicën për 20 vjet sa ata kanë qenë në pushtet.
Mickoski tha se është dashur të vijë VMRO-ja në pushtet që pas 20 vitesh të asfaltohet rruga për fshatin Gurgunicë.
“20 vite, asnjë gozhdë nuk e keni vendosur në Bërvenicë. Mendoni se atë ashtu do ta kalojnë qytetarët e Bërvenicës dhe ata të Çellopekut, Tenovës dhe Gurgunicës, e të Radiovcës. Nuk do të kalojë ashtu. Nuk do t’ua harrojnë qytetarët. Do ta shihni me të parin në mbrëmje. Të nesërmen do t’ju shkruaj SMS-porosi juve dhe nga ju do të pres që të ma uroni. Jam i vetëdijshëm dhe fajtor që ju për 20 vite keni gënjyer.”
Ndryshe, më 1 nëntor, në Bërvenicë zhvillohet rrethi i dytë i zgjedhjeve lokale, pasi kryetari që ishte zgjedhur një vit më parë ndërroi jetë. Në garë për të parin e Komunës së Bërvenicës në rrethin e dytë janë kandidati i Aleancës Kombëtare për Integrim dhe ai i VMRO-DPMNE-së./Tv Koha/
Ekipi i Hjustonit me pesë fitore radhazi mbetet skuadra më e suksesshme në sezonin e ri në Kampionatin amerikan të basketbollit NBA.
Hjustoni në raundin e pestë shënoi fitore të thellë 132 – 100 në transfertë në përballjen me ekipin Filadelfias . Lojtari më efikas ishte Van Vleet me 24 pikë të realizuara.
Derbi i dy skuadrave të Los Anxhelosit i takoi ekipit mysafirë Lakers që mundi Klipersin me rezultatin 103-87, ku u dallua Grims me23 pikë.
Miami ka regjistruar fitoren e parë sezonale 129 – 117 ndja Atlantas.
Fitore ka regjistruar edhe kampioni në fuqi Nju Jorku me rezultatin 133-127 ndaj Çikagos, ndërsa San Antonio ka regjistruar fitore të rëndësishme 117 – 111 ndaj Utah Jazz.
Fitore në cilësinë e vendasit kanë regjistruar edhe Cleveland, Detroit , Dallas dhe Toronto, ndërsa në cilësinë e mysafirit fitore kanë regjistruara edhe Golden State dhe Denver .
Atlanta – Miami 117 – 129
Cleveland – Washington 121 – 111
Detroit – Charlotte 97 – 89
Indiana – Philadelphia 109 – 114
Toronto – Orlando 129 – 99
Chicago – Nju Jork 127 – 133
Milwaukee – Houston 100 – 132
Minnesota – Golden State Warriors 114 – 119
Nju Orleans – Denver 91 – 104
Utah Jazz – San Antonio 111 – 117
Dallas – Oklahoma 120 – 96
Los Angeles Clippers – Los Angeles Lakers 87 – 103
OMER XHEMAILI FLET PËR “VOX MEDICI”: NGA TETOVA NË MAJAT E KARDIOKIRURGJISË BOTËRORE!
ZGJEDHJET NË BËRVENICË: PRONONCOHEN KRYEPARLAMENTARI DHE KRYEMINISTRI!
NBA: HJUSTONI, PESË NDESHJE – PESË FITORE
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
-
Lajme nga rajoni2 months agoFilloi në Hagë seanca për deklaratat përfundimtare ndaj Thaçit dhe të tjerëve
-
Lajme nga rajoni1 month agoKa ndërruar jetë Flora Brovina, një nga figurat e njohura të jetës politike dhe shoqërore në Kosovë
-
Lajme nga rajoni1 month agoThaçi e Krasniqi dënohen me nga 25 vjet burgim, Veseli 18 e Selimi 13