Lajme nga vendi
Protesta dhe bllokada studentore në Shkup, studentët të drejtat i tyre i kërkojnë!
Në Shkup janë paralajmëruar protesta dhe bllokada studentore në shenjë pakënaqësie ndaj Ministrisë së Arsimit dhe Shkencës. Studentët paralajmërojnë këtë herë do të dalin në çdo bulevard të kryeqytetit, pra që nuk do të jetë protesta e ngjashme sikurse e formatit të kaluar në formë marshi protestues por këtë herë bllokadë që do të zgjasë me ditë të tëra. Nga MASH kanë thënë që deri në mesin e muajit mars gjitha mjetet financiare për studentët do të destinohen në llogaritë e tyre bankare. Mbetet të shihet nëse kjo do të ndodhë në të kundërtën studentët janë të gatshëm të dalin në rrugë dhe të kërkojnë të drejtat e tyre që i kanë të garantuara edhe me ligj. Madje, lirshëm mund të thuhet se ka kaluar koha kur studentët janë shtypur dhe nuk janë marrë parasysh, tani më zëri kritik studentor triumfon dhe gjithçka që u takon studentëve do ta kërkojnë me kulm e nuk do të ndalen deri sa ta marrin, shkruan Zhurnal.
Protesta dhe bllokada në Shkup nga studentët –
Në një deklaratë të organizatës “Rezistenca Studentore”, thuhet se Ministria e Arsimit, Shkencës nuk respekton afatet ligjore dhe premtimet: është vonuar me pagesën e ushqimit të subvencionuar të studentëve, studentët që janë pranuar për bursë nuk kanë parë një qindarkë të vetme, vonohen edhe me pagesën e bursave për studentët që vazhdojnë bursën dhe nuk ka filluar as rikonstruksioni i premtuar i konvikteve studentore.
“Ministria e Arsimit dhe Shkencës nuk ka përmbushur asgjë nga premtimi, nuk i respekton afatet e vetëvendosura, andaj paralajmërojmë protesta dhe bllokada në mbarë Shkupin. Jo si herën e kaluar me një protestë dhe një marshim, por bllokim të përditshëm të të gjitha bulevardeve të kryeqytetit”, njoftoi organizata studentore Rezistenca Studentore.
“Negociatat për ligjin e ri për ushqimin e studentëve janë duke ecur në mënyrë jo transparente dhe nuk ka asnjë informacion zyrtar se si do të bëhet pagesa e shtuar prej 140 denarë në ditë. Informacioni i fundit nga Ministria e Arsimit dhe Kulturës është se deri më 15 mars do të paguhen të gjitha mjetet dhe do të kryhen të gjitha llogaritë. Ne duam të besojmë se është kështu, edhe pse sipas përvojës së deritanishme nuk mund të jemi optimistë dhe të mbajmë fjalën e tyre”, thonë nga Rezistenca Studentore.
Ndërkaq, nga MASH kanë paralajmëruar nga 3 marsi që gjitha mjetet financiare do të destinohen në llogari të studentëve deri në mesin e muajit mars. Por, që tani jemi në mesin e muajit mars dhe studentët janë skeptik se diçka e tillë do të përmbushet në bazë paralajmërimit të MASH-it.
“Ministria e Arsimit dhe Shkencës njofton se deri në mesin e muajit mars të gjithë shfrytëzuesit e bursave të nxënësve , bursave të studentëve dhe racionit të subvencionuar për studentë do t`i marrin mjete financiare që u përkasin përfundimisht nga ky muaj”, paralajmërim i dhënë nga MASH më 3 mars.
Tani jemi në kohën e rezistencës studentore, studentët nuk durojnë dhe dinë të protestojnë –
Mungesa e një unifikimi studentor pati ndikuar që studentët me vite të kaplohen nga një pasivitet i thellë. Maqedonia e Veriut ka student e zë studentor, vetëm se për një kohë të caktuar edhe për shkak të zhvillimeve dramatike me të cilat është përballur vendi, studentët nuk mund të gjenin dot rendin e tyre për tu ngritur në këmbë dhe për të dëshmuar se studentët kanë zë. Mbase, pas një kohe të gjatë lëvizje të tilla në këtë drejtim po vërehen.
Kujtojmë që, studentët fund vitin që lamë pas kanë protestuar përballë Kuvendit, me kërkesa shumë të qarta e të nevojshme. Studentët kërkuan tërheqjen e propozim-amandamenteve të Ligjit për ushqime të subvencionuara të studentëve, sipas të cilëve bëhet ndarje e studentëve të cilët mund ta shfrytëzojnë subvencionin, dhe rritje e vaktit nga 120 në 150 denarë. Këto ishin kërkesat kryesore por nuk ishin të vetmet.
Ndërkaq, tani studentët kanë paralajmëruar edhe protesta më masive dhe në forma tjera, jo sikurse ajo e herës së fundit që ishte marsh protestues, tani ato paralajmërojnë protesta dhe bllokada nëpër Shkup, gjë që nuk zhbën rezistencën e tyre. Vetëm sa rrit edhe më shumë madje ndryshojnë edhe mjetet dhe format e shprehjes së rezistencës.
Të jesh student në Maqedoninë e Veriut është sfidë e dyfishtë, në të njëjtën kohë përballesh me probleme të shumta arsimore për sa i përket sistemit arsimor dhe cilësisë në arsim, ndërkaq në anën tjetër përballesh edhe me probleme të ndryshme për sa i përket mbulimit të shpenzimeve që kanë kosto të lartë. Për fat të keq në këtë vend studentët nuk e kanë fatin e mundësinë që edhe të studiojnë edhe të punojnë, prandaj një pjesë e tyre pushimin veror e shfrytëzojnë për të punuar jashtë shtetit.
Por, problemet e tilla veçse trashen dhe shtohen asesi nuk mënjanohen përderisa studentët qëndrojnë duarlidhur duke qenë subjektet kryesore, prandaj zëri studentor duhet të dëgjohet, duhet të dëshmohet se studentët kanë organizim fuqi dhe potencial të ngrihen në këmbë të kërkojnë e marrin atë që e meritojnë, madje studentët po deshën mund të rrënojnë edhe pushtete. /Zhurnal.mk
Dje, rreth orës 13:10 në Hanet e Mavrovës, zyrtarët policorë të Stacionit Policor Mavrovë kanë privuar nga liria një 18-vjeçar nga Gostivari. Gjatë një kontrolli në trafik është ndaluar një motoçikletë me targa të Gostivarit, të cilën e drejtonte ai, ndërsa është konstatuar se motoçikleta ishte e paregjistruar dhe ai nuk posedonte leje drejtimi. Motoçikleta është konfiskuar, ndërsa pas dokumentimit të rastit do të parashtrohet kallëzimi përkatës.
Dje, rreth orës 19:45 në rrugën rajonale Tetovë–Jazhincë, në fshatin Dobrosht, zyrtarët policorë të Stacionit Policor Tearcë kanë privuar nga liria një 53-vjeçar nga fshati Sllatinë e Tetovës. Gjatë kontrollit në trafik është konstatuar se ai drejtonte një automjet “Mercedes” me targa të Tetovës pa leje drejtimi. Automjeti është konfiskuar dhe pas dokumentimit të rastit do të vijojë parashtresa përkatëse.
Gjithashtu dje, rreth orës 23:00 në rrugën “Vëllezërit Bllazhevski” në Gostivar, zyrtarët policorë të SP për Siguri në Trafikun Rrugor Gostivar kanë privuar nga liria një 16-vjeçar nga Gostivari. Ai drejtonte një moped të paregjistruar, pa poseduar leje drejtimi, dhe ishte përfshirë në një aksident trafiku. Mopedi është konfiskuar, ndërsa pas dokumentimit të rastit do të vijojë parashtresa përkatëse.
Poashtu dje, në rrugën “Ilinden” në Tetovë, zyrtarët policorë të SPB Tetovë kanë privuar nga liria një 26-vjeçar nga fshati Kopanicë, komuna e Jegunocës, pasi gjatë kontrollit tek ai është gjetur dhe konfiskuar marihuanë. Pas dokumentimit të rastit do të ngrihet parashtresa përkatëse.
Dje, rreth orës 17:30 në Stacionin Policor Zherovjan, një 38-vjeçar nga fshati Kamjan ka denoncuar se rreth orës 16:00, në fshatin Zherovjan, djali i tij tetëvjeçar është sulmuar fizikisht nga një 25-vjeçar nga i njëjti fshat. Po merren masa për zbardhjen e rastit.
Dje, rreth orës 17:40 në Stacionin Policor Mavrovë është denoncuar prishje e rendit dhe qetësisë publike me bërtitje dhe sjellje agresive në lagjen e vikend-shtëpive “Krstovi 2”. Në vendin e ngjarjes, policia ka hasur një 36-vjeçar dhe një 67-vjeçar nga Gostivari, të cilët po prishnin rendin dhe qetësinë publike. Të dy janë arrestuar, ndërsa gjatë ndërhyrjes 67-vjeçari ka fyer zyrtarët policorë. Pas dokumentimit të plotë të rastit do të ngrihen parashtresa përkatëse.
Dje, rreth orës 20:30, nga Qendra Klinike e Tetovës është njoftuar SPB Tetovë se me lëndime të rënda trupore është pranuar një 27-vjeçar nga Tetova. Ai ka deklaruar se rreth orës 19:00, në oborrin e shtëpisë, xhaxhai i tij 61-vjeçar, duke lëvizur automjetin në marsh prapa, pa dashje i ka shkelur këmbën. I lënduari ka kërkuar që të mos ngrihet kallëzim, pasi ngjarja ka qenë aksidentale. Policia ka kryer këqyrjen në vendin e ngjarjes.
Dje, rreth orës 16:50 në fshatin Pirok të Tetovës, zyrtarët policorë të Stacionit Policor Kamjan kanë gjetur një 52-vjeçar nga Piroku, i cili ishte larguar nga një institucion shëndetësor në Shkup, ku po trajtohej. Ai është dërguar në Spitalin Klinik të Tetovës për procedura të mëtejshme.
Dje, rreth orës 21:10 në DPB Gostivar, një 69-vjeçar nga Gostivari ka denoncuar se rreth orës 17:00, për shkak të një mosmarrëveshjeje lidhur me një borxh, është sulmuar fizikisht nga vëllai i tij në oborrin e shtëpisë në rajonin e Gostivarit, i cili gjatë sulmit ka përdorur edhe një send të fortë. Po merren masa për zbardhjen dhe dokumentimin e plotë të rastit.
Siç edhe pritej, çështja me helmimet në Gostivar po merr kahje politike. Kryeministri Hristijan Mickoski tha se ekipet e “Ujësjellësit” nga Shkupi po punojnë në Gostivar dhe se pas përfundimit të procesit të hiperklorimit të instalimeve në sistemin e ujësjellësit, pret që sot uji në Gostivar të shpallet “teknikisht i përdorshëm”.
“Pres sot, megjithëse rezultatet tashmë janë të mira, por pres sot dhe le të jemi konservatorë. Le të themi që nesër të publikohet një deklaratë se uji është teknikisht i përshtatshëm për përdorim, pasi është rregulluar në një kohë rekord prej një jave. Pra, çfarë mund të bëjmë ne si Qeveri, po e bëjmë. Dhe më habit që, ja, opozita ende nuk ka dalë me asnjë kritikë ndaj komunës dhe udhëheqjes që ata mbështetën gjatë zgjedhjeve lokale”, tha Mickoski.
Nga LSDM thotë se “Epidemi u shpall pesë ditë me vonesë dhe institucionet nuk e informuan publikun në kohë dhe nuk morën masa. Ndërsa qytetarët përfunduan në turma në ambulanca dhe spitale. Ministri Klekovski konfirmoi se kishte devijime në mostrat. Por paralajmërimi erdhi shumë vonë.” Ata ngrenë dyshime nëse duhet apo jo t’i besohet Mickoskit në lidhje me cilësinë e ujit dhe përdorimin e tij.
“Ky nuk është një dështim teknik, por një kolaps sistemik. Kur institucionet heshtin ndërsa mijëra njerëz po helmohen, atëherë nuk po flasim më për një gabim. Po flasim për qëndrimin ndaj qytetarëve. Përgjegjësia është e qartë. Pyetja e vetme është se kur dikush do ta marrë më në fund përsipër. Nga ana tjetër Mickoski thotë se që nga sot, uji teknik në Gostivar është i pastër. A i besoni atij?” pyet LSDM-ja.
Nga Aleanca për Shqiptarët vlerëson se situata e krijuar në Gostivar pas problemeve me furnizimin me ujë po shkon drejt normalizimit të plotë, falë angazhimit të institucioneve lokale dhe qendrore, si dhe mbështetjes së organizatave dhe të gjithë aktorëve të përfshirë.Aleanca për Shqiptarët u bën thirrje të gjitha subjekteve politike që të mos e shfrytëzojnë situatën për përfitime politike në kurriz të qytetarëve.
“Nuk ndërtohet rejting politik mbi fatkeqësitë e dikujt tjetër. Në këtë moment, prioritet duhet të jetë tejkalimi i situatës dhe mbështetja e qytetarëve”, thuhet në reagim. Në fund, Aleanca për Shqiptarët kërkon që të gjitha rrethanat dhe përgjegjësitë lidhur me këtë rast të përcaktohen përmes një procedure të drejtë, objektive dhe transparente.
Mbi 4,070 qytetarë në Gostivar kërkuan ndihmë mjekësore. Dje u regjistruan edhe 125 ekzaminime të personave me simptoma dhe një fëmijë u shtrua në spital./Tv Koha/
Vazhdon të mbetet në fuqi ndalesa për përdorimin e ujit të pijshëm në Gostivar. Ministri i Punëve të Brendshme, Pançe Toshkovski, bëri të ditur se uji nga rrjeti i ujësjellësit mund të përdoret vetëm për nevoja teknike dhe nuk guxon të përdoret për pije apo për përgatitjen e ushqimit.
Sipas Toshkovskit, qytetarët e Gostivarit, ujin mund ta përdorin për për pastrim, larje dhe të gjitha nevojat e tjera shtëpiake, por jo edhe për pije apo për përgatitjen e ushqimit.
Të gjitha masat siç njoftoi Toshkovski në vijim do të merren në koordinim me Komunën dhe autoritetet lokale.
“Jemi në koordinim me Komunën për të gjitha masat që duhet të ndërmerren në vijim. Dua të shpreh personalisht mirënjohjen time, së pari ndaj qytetarëve të Gostivarit për mirëkuptimin e tyre, e më pas edhe ndaj të gjithë ekspertëve që ndihmuan të arrijmë në këtë fazë, ku uji mund të përdoret për nevoja teknike. Shpresoj që të gjithë përgjegjësit në kuadër të komunave ta marrin këtë si një mësim dhe të veprojnë me profesionalizëm maksimal, veçanërisht sa i përket cilësisë së ujit, sepse me shëndetin e qytetarëve nuk ka vend për lojëra”.
Autoritetet u bëjnë apel qytetarëve që të vazhdojnë të përdorin ujë të ambalazhuar për pije, ndërsa Toshkovski theksoi se institucionet do të vazhdojnë pa ndërprerje furnizimin e popullatës me ujë të ambalazhuar.
Mes tjerash ai u përgjigj edhe për faktin se pse në këtë aksion në Gostivar nuk është kyçur edhe ushtria. Sipas Toshkovskit, nëse të gjitha institucionet veprojnë në bazë të kompetencave ligjore që I kanë, nuk do të kishim probleme të këtij lloji.
“Në kushte paqeje, nuk është punë e Ministrisë së Mbrojtjes të sigurojë ujë për pije. Kështu që të gjitha institucionet që janë përgjegjës që të kujdeset për sistemet e ujësjellësit në kuadër të komunave e ka për obligim që tië veprojnë në bazë të të gjitha kompetencave ligjore që i takojnë sipas rregullores dhe vlerësoj se nëse të gjithë e bëjnë punën që u takon në bazë të ligjit nuk do duhej të kemi probleme të këtij lloji që kemi sot”.
Autoritetet vijojnë hetimet lidhur me krizën e ujit të pijshëm në Gostivar, e cila nisi me rastet e para të helmimit më 14 korrik. Pas shpalljes së epidemisë më 19 korrik dhe rezultateve laboratorike që konstatuan ndotje bakteriale të ujit, Prokuroria hapi procedurë penale ndaj disa personave përgjegjës dhe në kuadër të hetimeve, është arrestuar edhe drejtoresha e ndërmarrjes përgjegjëse për furnizimin me ujë./Tv Koha – Shkup/
Kronika e zezë – Tetovë dhe Gostivar, 26 Korrik
HELMIMET NË GOSTIVAR PO SHFRYTËZOHEN PËR POENË POLITIK!
TOSHKOVSKI: UJI NË GOSTIVAR I SIGURT PËR PËRDORIM TEKNIK!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
