Policëve të dyshuar për grabitjen në artarinë e Gostivarit i është caktuar masa e paraburgimit prej 30 ditëve. Për personat e tjerë të përfshirë në krim, vazhdojnë hetimet. Gjykata ka vlerësuar se ekziston rreziku për të dëmtuar provat dhe për të ndikuar në hetim, prandaj dy nëpunësve policorë i ka caktuar masa kujdesi.

Ndërkohë hetimet vazhdojnë për të identifikuar personat e tjerë. Jo zyrtarisht në mesin e tyre që kanë ndihmuar policët të grabisin 18 kilogram ari ka edhe shtetas të huaj. Të gjitha pistat e hetimit janë të hapura.

“Janë thirrur disa persona në biseda informative. Aktualisht procedurë ka ndaj atyre për të cilët ka dëshmi”, thonë nga Prokuroria.

Grupi hetimor ka arritur të zbardh disa elemente nga ngjarja. Duke parë incizimet nga kamerat e sigurisë, hetimi ka treguar se dy ditë para grabitjes të dyshuarit e përfshirë i kanë treguar trajektoren e lëvizjes grabitësve dhe në ditën e grabitjes i kanë përcjell me vetura të policisë dy automjetet me të cilët u krye grabitja, njëra prej të cilave më pas u gjet e djegur disa kilometra larg vendit të krimit, ndërsa tjetra veturë u gjet e braktisur në hyrje të Kërçovës.

As policia dhe as organi i akuzës nuk ka dhënë më shumë informacione pas bastisjes së kryer në disa lokacione. Nuk dihet nëse është gjetur ose jo sasia e arit të vjedhur. Grabitja ndodhi më 10 tetor. Personat ishin maskuar dhe kanë arritur të marrin sasinë e arit duke kërcënuar me armë pronarin e artarisë. Ndaj policëve pritet të merren masa ndëshkuese edhe nga Kontrolli i Brendshëm i MPB-së./ Alsat.mk

Advertisement

Secili që do të punësohet për herë të parë në administratë, duhet të kalojë 120 orë trajnim dhe të testohet para komisionit profesional. Kjo është një prej reformave në administratë që parashihet në kuadër të ligjit të ri për zhvillim profesional dhe trajnim të nëpunësve administrativë si dhe me Akademinë që do të themelohet nga viti 2027.

“Secili që do të punësohet për herë të parë në administratë, do të duhet të kalojë 120 orë trajnim në më shumë fusha, dhe të testohet para komisionit profesional. Ky është model evropian, kjo është masë e kualitetit dhe përgjegjësisë. Akademia do të punojë përmes këshillit programor dhe komision testues, dhe do të jetë në tërësi i harmonizuar me parimet evropiane të administratës publike”, u shpreh Goran Minçev, Ministër Administratës.

Ambasadori Francës në Shkup, Kristofe Le Rigoler e konfirmoi mbështetjen e Francës për reformat, duke theksuar se modernizimi i administratës është kyç jo vetëm për integrimin evropian, por edhe për qytetarët e vendit.

“Shpesh themi se reformat në administratën publike janë thelb për procesin eurointegrues dhe integrimin në BE, respektivisht ky është një nga kriteret për hapjen e klasterit të parë të Legjislacionit Evropian. Unë do të thoja se është e saktë, se reforma në administratën publike është para se gjithash e nevojshme për qytetarët e këtij vendi që dëshirojnë administratë efikase, moderne dhe transparente”, tha Kristofe Le Rigoler, Ambasador i Francës.

Bashkimi Europian në raportet për progresin e Maqedonisë, disa herë ka kërkuar reforma në administratën publike. / Alsat.mk

Advertisement

Kryeministri i Maqedonisë së Veriut, Hristijan Mickoski energjia është vendosur lart në axhendën shtetërore, jo si një çështje teknike, por si një prioritet kombëtar dhe strategji shtetërore.

“Jam krenar që Maqedonia është sot në qendër të debatit global mbi të ardhmen e energjisë, dhe akoma më krenar që bota na sheh jo si një vend të vogël, por si një partner serioz, duke formësuar në mënyrë aktive axhendën për zhvillim të qëndrueshëm.

Fakti që ky diskutim global po zhvillohet sot këtu në Shkup tregon se e ardhmja rajonale e energjisë mund – dhe duhet – të ndërtohet pikërisht këtu në vendin tonë.

Ky është rasti ynë për të treguar se një vend me një sipërfaqe të vogël mund të ketë një ndikim të madh – kur ka një vizion, vendosmëri dhe lidership të qartë.

Dua të theksoj rolin dhe vizionin e Ministrit të Energjisë, i cili është i vendosur të çojë gjërat përpara në një kohë të shkurtër, të përshpejtojë proceset dhe të mos e lërë Maqedoninë të mbetet prapa në garën me kohën.

Advertisement

Si dikush që vjen vetë nga sektori i energjisë, e di shumë mirë se sa e rëndësishme është ajo ndjenjë e lëvizjes së vazhdueshme, e ndryshimit dhe e përgjegjësisë.

Kjo është arsyeja pse energjia vendoset lart në axhendën shtetërore – jo si një çështje teknike, por si një prioritet kombëtar dhe strategji shtetërore”, tha Mickoski.

Ai tha se tranzicioni energjetik dukej i paarritshëm, i kushtueshëm, i ngadaltë. Por ne po e bëjmë të mundur.

Mickoski shtoi se turbulenca globale na kujton se pavarësia energjetike është një kusht për lirinë ekonomike.

Advertisement