Lajme nga vendi
Gjykata Kushtetuese hodhi poshtë iniciativën për mospërdorimin e “bombave” të Zaevit si provë në gjykatë
Gjykata Kushtetuese vendosi të mos inicojë procedurë për vlerësimin e nenit 110 të Ligjit për Prokurorinë Publike, i cili përcakton se akuza nuk mund të bazohet në materiale të përgjuara në mënyrë të paligjshme, përveç rasteve të ish-Prokurorisë Speciale Publike (PSP) të cilat janë dorëzuar në gjykatat kompetente deri më 30 qershor 2017, përcjell KlanM.
“Nga analiza e bërë dhe gjendja faktike e paraqitur, rezultoi se ligjvënësi në mënyrë të qartë, precize dhe pa mëdyshje ka përcaktuar mënyrën e përdorimit dhe asgjësimit të materialeve dhe transkripteve nga materialet e përgjuara në mënyrë të paligjshme, duke specifikuar afatet për asgjësimin e tyre, duke udhëzuar kategorikisht Prokurorinë Publike se çfarë duhet bërë në akuzat dhe çështjet konkrete të nisura dhe të papërfunduara në lidhje me materialet e përgjuara në mënyrë të paligjshme”, thuhet në njoftimin e sotëm të Gjykatës Kushtetuese.
Dy nisma që kundërshtojnë nenin 110 të Ligjit për Prokurorinë Publike janë dorëzuar në Gjykatën Kushtetuese. Njëri është nga Kongresi Botëror Maqedonas dhe i dyti nga avokati Vlatko Ilievski. Dispozita e kontestuar parashikon se Prokuroria Publike nuk mund ta bazojë akuzën në materialet e përgjuara në mënyrë të paligjshme, me përjashtim të rasteve të PSP-së të dorëzuara në gjykata deri më 30 qershor 2017.
Për rastet e nisura pas datës 30 qershor 2017, bombat mund të përdoren vetëm si pista dhe mbi to nuk mund të bazohet asnjë aktakuzë apo propozim aktakuzë dhe nuk mund të propozohen dhe të përdoren si prova në procedurë. Sipas kërkuesëve, deri në paraqitjen e nismës, ende nuk ishte vërtetuar se kush e kishte urdhëruar përgjimin e materialeve që përdoreshin nga PSP-ja si materiale provuese për akuzat e paraqitura deri më 30 qershor 2017.
“Megjithatë, ajo që e bën këtë pretendim të pabazë është se ka një ndryshim midis termave ‘marrje’ dhe ‘krijimi i provave’. Lidhur me pretendimin e dytë është mbajtur qëndrim se dispozitat e kontestuara nuk kanë efekt prapaveprues në dëm të qytetarëve ndaj të cilëve më parë janë ngritur akuza”, theksojnë nga Gjylkata Kushtetuese.
Përmbajtjen e bisedave të përgjuara në mënyrë të paligjshme në vitin 2015 e ka bërë publike lideri i atëhershëm i opozitës, Zoran Zaev, duke akuzuar VMRO-DPMNE-në në pushtet për keqpërdorim të pozitës dhe përgjim të paligjshëm të mbi 20 mijë qytetarëve. Me ndërmjetësimin e bashkësisë ndërkombëtare, u krijuar e ashtuquajtura Qeveria e Përzhinos, dhe pas zgjedhjeve të parakohshme u krijua Prokuroria Speciale Publike, e cila kishte për qëllim shqyrtimin e përmbajtjes së të gjitha “bombave” dhe procedimin e keqpërdorimeve të zbuluara nga zyrtarët. Akuzat e PSP-së ishin kundër zyrtarëve të lartë të atëhershëm të VMRO-DPMNE-së, përfshirë ish-kryeministrin Nikolla Gruevski, ish-drejtorin e DSK-së Sasho Mijalkov, ish-ministrat Gordana Jankulovska, Mile Janakieski, Spiro Ristevski e shumë të tjerë
Lajme nga vendi
Bilall Kasami: Tetova në mbështetje të Gostivarit, koordinim institucional për tejkalimin e krizës me ujin
Kryetari i Komunës së Tetovës, Bilall Kasami, ka marrë pjesë sot në Gostivar në takimin koordinues me kryetarët e komunave të rajonit të Pollogut dhe institucionet kompetente, ku është diskutuar situata e furnizimit me ujë të pijshëm.
Kasami bëri të ditur se gjatë takimit janë informuar për gjendjen aktuale dhe masat që po ndërmerren për normalizimin e situatës. Ai theksoi se Komuna e Tetovës është e gatshme të ofrojë çdo ndihmë të nevojshme për qytetarët e Gostivarit.
“Shëndeti dhe siguria e qytetarëve mbeten prioritet. Vetëm me koordinim dhe bashkëpunim institucional mund ta tejkalojmë sa më shpejt këtë sfidë”, ka deklaruar Kasami.
Në fund, ai përcolli edhe një mesazh solidariteti për qytetin fqinj, duke theksuar se “Gostivari nuk është vetëm”.
Më shumë mjete për projektet kapitale, mbështetje shtesë për bujqësinë dhe masa të reja për mbrojtjen e viktimave të dhunës në familje dhe me bazë gjinore janë pjesë e ribalancit të plotësuar të Buxhetit për vitin 2026, të cilin Qeveria e miratoi pas përfundimit të debatit në Komisionin për Financim dhe Buxhet në Kuvend.Në dokument janë përfshirë amendamentet e pranuara nga Komisioni për Financim dhe Buxhet, pas së cilës propozim-ribalanci i plotësuar do t’u dërgohet sërish deputetëve për miratim përfundimtar.
Sipas Ministrisë së Financave, të hyrat e përgjithshme në buxhetin e ribalancuar janë planifikuar në 379,5 miliardë denarë, ndërsa shpenzimet në 425,8 miliardë denarë.
Mjete shtesë janë paraparë edhe për subvencionet në bujqësi, transportin hekurudhor, sportin, standardin e studentëve dhe nxënësve, si dhe për shëndetësinë dhe mbrojtjen sociale.
Më shumë fonde do të destinohen për kompensimet sociale, shoqëritë mbrojtëse, kuzhinat popullore dhe masat për deinstitucionalizim, me qëllim mbështetjen e kategorive më të rrezikuara të qytetarëve.
Rritja më e madhe është paraparë për investimet kapitale, për të cilat janë planifikuar rreth 46 miliardë denarë, që është 14,5 për qind më shumë krahasuar me buxhetin fillestar. Njëkohësisht, zvogëlohen shpenzimet për mallra dhe shërbime.
Deficiti buxhetor është projektuar në 46,3 miliardë denarë, ose 4,1 për qind e Prodhimit të Brendshëm Bruto (PBB), ndërsa rritja ekonomike e parashikuar është 3,5 për qind.
Me Ribalancin e Buxhetit sigurohen mjete shtesë për gratë që ushtrojnë veprimtari bujqësore, për krijimin e një linje kombëtare SOS për mbështetjen e viktimave të dhunës në familje dhe me bazë gjinore, si dhe për hapjen dhe funksionalizimin e dy qendrave të strehimit.
Me miratimin e ribalancit të plotësuar nga Qeveria, procedura rikthehet në Kuvend, ku deputetët do të vendosin për versionin e tij përfundimtar.
Gjatë natës 21/22.07.2026, në periudhën prej orës 00:20 deri në 01:10, zyrtarët policorë nga DBP Gostivar kanë privuar nga liria A.L. (45) nga Kosova dhe A.G. (63) nga Shqipëria, sepse gjatë një kontrolli aksional në një objekt hotelerie në rrugën “Ilinden” në Gostivar dhe verifikimeve të kryera, është konstatuar se kanë keqpërdorur qëndrimin turistik në shtet. Ata janë ndaluar në stacionin policor për procedurë të mëtejshme.
……Më 21.07.2026 në orën 09:00 në rrugën “Bllagoja Toska” në Tetovë, zyrtarët policorë nga SPB Tetovë kanë privuar nga liria personin N.K. (40) nga Tetova për shkak të ekzistimit të dyshimit të bazuar për vepra të kryera penale “vjedhje e rëndë” dhe “vjedhje”, të kryera në periudhën e kaluar në zonën e Gostivarit. Ai është ndaluar në stacionin policor për procedurë të mëtejshme dhe pas dokumentimit të rasteve kundër tij do të vijojë parashtresa përkatëse.
……Më 21.07.2026 në orën 09:20 në fshatin Jegunovcë të Tetovës, zyrtarët policorë nga SPB Tetovë kanë privuar nga liria një të mitur 16-vjeçar nga fshati Radushë. Paraprakisht, ai pa leje drejtimi ka drejtuar automjetin e pasagjerëve “Volkswagen Golf” me targa gjermane dhe është aksidentuar duka dalë nga rruga. Automjeti është konfiskuar dhe pas dokumentimit të rastit do të vijojë parashtresa përkatëse.
……Më 21.07.2026 në orën 16:10, zyrtarët policorë nga SPB Tetovë kanë privuar nga liria persoin S.A. (33) nga Tetova, duke vepruar sipas denoncimit të mëparshëm nga babai i tij 58-vjeçar se para tri ditësh, pas një mosmarrëveshjeje të shkurtër, e ka sulmuar fizikisht. S.A. është ndaluar në stacionin policor dhe pas dokumentimit të rastit kundër tij do të vijojë parashtresa përkatëse.
……Më 21.07.2026 në orën 22:30 në Tetovë, zyrtarët policorë nga SPB Tetovë kanë privuar nga liria personin I.A. (50) nga Tetova, duke vepruar sipas denoncimit të mëparshëm nga bashkëshortja e tij 40-vjeçare se, pas një deklarate të dhënë më parë në Prokurorinë Themelore Publike Tetovë, e ka kërcënuar atë në vendin e saj të punës në një market në Tetovë, si dhe në shtëpinë e babait të saj. Ai është ndaluar në stacionin policor dhe pas dokumentimit të rastit kundër tij do të vijojë parashtresa përkatëse.
…….Më 21.07.2026 në orën 19:00 në SPB Tetovë, H.A. (43) nga Tetova ka denoncuar se rreth orës 18:15 në rrugën “107” në Tetovë, pas një mosmarrëveshjeje të mëparshme, personi B.”pnj” e ka kërcënuar me pistoletë. Po merren masa për zbardhjen e rastit.
……Më 21.07.2026 në orën 19:55 në rrugën “Ilinden” në Tetovë, zyrtarët policorë nga Stacioni Policor për Siguri në Trafikun Rrugor Tetovë kanë privuar nga liria personin Gj.S. (39) nga Tetova. Paraprakisht, ai pa leje drejtimi ka drejtuar automjetin “BMW” me targa të Tetovës dhe ka qenë i përfshirë në një aksident komunikacioni. Automjeti është konfiskuar, ndërsa personi është ndaluar në stacionin policor dhe pas dokumentimit të rastit do të vijojë parashtresa përkatëse.
……Më 22.07.2026 në orën 00:45 në fshatin Pallaticë të Tetovës, zyrtarët policorë nga Stacioni Policor Grupçin kanë privuar nga liria personat V.I. (22) dhe A.SH. (21), të dy nga fshati Pallaticë, duke vepruar sipas denoncimit të mëparshëm se në rrugën “JNA” në Tetovë me mjet të mprehtë kanë sulmuar personat A.A. (24) dhe B.A. (21), të dy nga fshati Neproshten, me ç’rast B.A. ka pësuar lëndime të rënda trupore, ndërsa A.A. lëndime trupore, të konstatuara në Spitalin Klinik të Tetovës. Ata janë ndaluar në stacionin policor dhe pas zbardhjes së plotë të rastit do të vijojë parashtresa përkatëse.
……Më 21.07.2026 në orën 23:30 në DBP Gostivar, S.SH. (23) nga Gostivari, ka denoncuar se rreth orës 19:30 para derës hyrëse të shtëpisë, fqinjët e saj P.”N” dhe B.”N” e kanë sulmuar fizikisht atë, bashkëshortin e saj Gj.SH. dhe vajzën e tyre të mitur. Po merren masa për zbardhjen dhe dokumentimin e rastit.
…….Më 21.07.2026, për shkak të stuhisë së fuqishme të shoqëruar me era të forte në zonën e SPB Tetovë, janë regjistruar disa dëme materiale, me ç’rast në rrugën “Ilinden” në Tetovë ka rënë çatia e një ndërtese, e cila ka dëmtuar strukturën e çatisë së një ndërtese tjetër dhe dy automjete të parkuara “Golf” në pronësi të F.I. dhe “Mercedes” në pronësi të M.J. nga Tetova; në fshatin Reçicë e Madhe nga rënia e tullave të çatisë është dëmtuar automjeti “BMW” me targa austriake, në pronësi të E.G.; ndërsa në rrugën “Jasht Vardarit” ka rënë një çati prej llamarine nga një shtëpi në pronësi të S.Xh. Në të gjitha ngjarjet e përmendura nuk janë regjistruar persona të lënduar.
……..Më 21.07.2026 në orën 14:00 në Stacionin Policor Zherovjan është denoncuar se në fshatin Çellopek ka shpërthyer një zjarri, me ç’rast janë djegur drurë bagremi në një pronë private në pronësi të personit T.V. Zjarri është fikur nga ekipi i Njësisë Territoriale Kundër Zjarrit dhe nuk ka persona të lënduar. Është kryer këqyrja e vendit të ngjarjes.
……..Më 21.07.2026 në orën 12:45 në SPB Tetovë është denoncuar se në atarin e fshatit Neproshten të Tetovës ka shpërthyer një zjarri, me ç’rast është përfshirë një deponi e egër dhe bar i thatë në pronën e L.I. (67) nga fshati Neproshten. Zjarri është fikur nga ekipi i Njësisë Territoriale Kundër Zjarrit dhe nuk ka persona të lënduar. Është kryer këqyrja e vendit të ngjarjes.
Bilall Kasami: Tetova në mbështetje të Gostivarit, koordinim institucional për tejkalimin e krizës me ujin
RIBALANCI I BUXHETIT: 46 MILIARDË DENARË PËR INVESTIME KAPITALE!
TRUMÇI: NK BRAVO KUNDËRSHTAR SERIOZ – TA JAPIM MAKSIMUMIN!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
