Lajme nga vendi
IG KOT: Aeroporti i Shkupit dhe i Beogradit “qendra për aktivitete të paligjshme”
Aeroportet e Ballkanit janë të cenueshëm ndaj krimit të organizuar, ndërsa aeroporti në Shkup dhe Beograd janë qendra rajonale për aktivitete të paligjshme, thuhet në raportin e Iniciativës Globale kundër Krimit të Organizuar Transnacional (GI-TOC), raporton Meta.mk, transmeton Portalb.mk.
Kjo organizatë joqeveritare me seli në Gjenevë ndër aktivitetet kriminale në aeroportin e Shkupit dhe Beogradit e përmend kontrabandimin e migrantëve dhe mallrave, trafikimin e qenieve njerëzore, por edhe atë të pakove me droga dhe substanca kimike ilegale.
Në Raport është theksuar se në aeroportin “Nikolla Teslla” në Beograd është sekuestruar kokainë e ardhur nga Amerika Latine, kryesisht nga Republika Domenikane, Ekuadori, Bolivia dhe Peruja.
„Balkan Insight“ shkruan se aeroporti i Beogradit ndodhet afër tre korridoreve rrugore evropiane të rëndësishme për rrjedhën e paligjshme të drogës dhe njerëzve nëpër Ballkanin Perëndimor: E-70 që lidh Kroacinë me Rumaninë, E-75 që lidh Maqedoninë e Veriut me Hungarinë dhe E-763 që lidh Malin e Zi dhe Serbinë.
Sa i përket kontrabandimit të drogës përmes Aeroportit Ndërkombëtar të Shkupit, në raport thuhet se atje nga bagazhet e pasagjerëve rregullisht sekuestrohen sasi të vogla të drogës për konsum personal ose shitje me pakicë.
“Në vitin 2018, për shembull, doganierët kanë gjetur 2 kilogramë kokainë që në treg me pakicë arrin një vlerë deri në 570 mijë euro në bagazhin e një shtetasi venezuelian i cili kishte ardhur nga Cyrihu. Një vit më vonë, një shtetas turk që udhëtonte nga Vjena ka zbritur në aeroportin e Shkupit dhe është drejtuar në daljen “kanali i gjelbër” për pasagjerët që nuk kanë gjësend për të deklaruar. Por doganierët e kanë kontrolluar dhe gjatë kontrollit të kryer në bagazhin e tij kanë gjetur 10 shishe vaj hashashi prej 10 mililitrash, një shishe plastike 1 litërshe të mbushur me vaj hashashi dhe një enë qelqi me 2.1 litra vaj hashashi. Në një rast tjetër, në vitin 2021, doganierët kanë sekuestruar 8,01 gram kanabis, 3,33 gram hashash dhe 18 mililitra vaj hashashi të fshehur në çantën e një shtetasi italian”, thuhet në raportin „Catch me if you can“ (Më kap po munde) të GI-TOC.
Në shkurt të vitit 2022 dogana turke dhe policia maqedonase kryen një operacion të përbashkët që çoi në zbulimin e 1.05 kilogramëve 1-fenil-2-propan – një substancë që mund të përdoret për prodhimin e amfetaminës dhe metamfetaminës, me vlerë prej 50 milionë eurosh. Pakoja ka qenë e dërguar nga Shangai nëpërmjet Stambollit në Shkup me rrugë ajrore, ndërsa destinacioni i saj ka qenë Evropa Perëndimore.
Si rezultat i këtij aksioni u arrestuan dy shtetas maqedonas, të cilët dyshohet se ishin të lidhur me një organizatë ndërkombëtare për trafikimin e drogave.
Në analizë thuhet se personeli i sigurisë në aeroportin e Shkupit ka nevojë për trajnime shtesë për etikën, por dhe paga më të larta, si dhe një sistem më funksional për ndjekjen e performancës.
Raportet sugjerojnë edhe se ka prova për korrupsion në aeroportet e Ballkanit, duke filluar nga ryshfetet e vogla për personelin e sigurisë, e deri tek keqpërdorimi dhe keqmenaxhimi i fondeve publike nga zyrtarë dhe menaxherë të lartë.
Aeroportet në Ballkan janë pika të nisjes për viktimat e trafikimit të qenieve njerëzore, të cilat kryesisht dërgohen në Evropën Perëndimore për eksploatim seksual.
“Sa i përket emigrantëve ilegalë të arrestuar pas zbritjes në aeroportet e Ballkanit, vendet e tyre të origjinës – si Vietnami, Bangladeshi, India dhe Pakistani – sugjerojnë se këto aeroporte janë hapi i fundit në rrjedhën dhe se ka skema për kontrabandimin e emigrantëve për të furnizuar me fuqi punëtore joformale sektorët e industrisë, bujqësisë dhe turizmit në rajon”, shtohet në raport.
Vlerësimet GI-TOC janë kryer në aeroportin e Beogradit dhe atë të Shkupit nga muaji nëntor i vitit 2022 deri në muajin janar të vitit 2023, ndërsa kanë përfshirë intervista me më shumë se 20 ekspertë të aeroportit, duke përfshirë këtu edhe përfaqësues të doganave, policisë kufitare, policisë së shtetit, prokurorive dhe kompanive private të sigurisë.
Në kuadër të aktiviteteve të Verës Tetovare “Tetova n’Festë”, u organizua ora poetike “Puhizë në Vargje”, të organizuar nga Shoqata e Shkrimtarëve “OENEUM”.
Ky aktivitet mblodhi poetë, krijues dhe dashamirës të letërsisë, duke sjellë një mbrëmje të veçantë kushtuar poezisë, fjalës së bukur dhe vlerave kulturore që pasurojnë jetën artistike të qytetit tonë.
U lexuan poezi, poetët nga vendi, Kosova e Shqipëria lexuan punimet e tyre autoriale. Ata vinin nga Kukësi, Dibra, Prizreni, Vitia, Suhareka, Shkupi, Gostivari dhe Tetova.
Komuna e Tetovës, sic thanë autoritetet e kësaj Komune, mbetet e përkushtuar në mbështetjen e aktiviteteve kulturore që promovojnë krijimtarinë, artin dhe afirmimin e vlerave letrare.
Shoqata e Shkrimtarëve Oeneum ka falënderuar pjesëmarrësit e orës poetike “Puhizë në vargje” por ka nderuar me mirënjohje edhe Bruno Cekën veprimtarin e cështjes kombëtare që veprom në diasporë duke potencuar se vlera dhe kontributi I tyre për çështje kombëtare është e pa përshkrueshme me fjalë./Tv Koha/
Dje në ora 14:00 në Tetovë, zyrtarë policorë nga SPB Tetovë kanë privuar nga liria një 29-vjeçare nga Tetova, duke vepruar sipas një denoncimi paraprak se ajo kishte sulmuar fizikisht djalin e saj shtatëvjeçar. Ajo është ndaluar në stacionin policor dhe pas dokumentimit të rastit do të vijojë parashtresë përkatëse.
……
Dje në ora 00:15, në SPB Tetovë, një 46-vjeçar nga fshati Xhepçisht ka denoncuar se në oborrin e një shtëpie në fshati Xhepçisht është sulmuar fizikisht nga dy persona nga i njëjti fshat, ndërsa është përdorur edhe një send të fortë. Po ndërmerren masa për zbardhjen e rastit.
……
Dje në ora 12:45 në SPB Tetovë, një grua 38 vjeçare nga Tetova ka denoncuar se ka vërejtur se nga data 30.06.2026 deri më 15.07.2026 janë kryer 78 transaksione të paautorizuara me kartelën e saj debitore, me çka është dëmtuar për një shumë të përgjithshme prej 226.172 denarë. Po ndërmerren masa për zbardhjen e rastit.
……
Dje në ora 11:00, në rrugën Kuzman Josifovski Pitu në Tetovë, zyrtarë policorë nga SPB Tetovë, në bazë të urdhëresës gjyqësore, kanë privuar nga liria një 59-vjeçar nga Tetova, i kërkuar për vuajtje të dënimit me burg për vepër penale të kryer sipas nenit 235 a paragrafi 1 të Kodit Penal. Ai është dërguar në Institucionin Ndëshkimor Përmirësues Burgu i Tetovës për vuajtjen e dënimit.
…..
Dje në ora 13:50, në SPB Tetovë, një 34-vjeçar nga Tetova ka denoncuar se në rrethin e një fabrike në Tetovë është sulmuar fizikisht. Po punohet në zbardhjen e rastit.
……
Dje në ora 17:45, në bulevardin Vëllezërit Gjinovski në Gostivar, zyrtarë policorë nga Stacioni Policor për Siguri në Trafikun Rrugor Gostivar kanë ndaluar një moped me targa të Gostivarit, i drejtuar nga një 17 vjeçar nga fshati Bellovisht, Gostivar. Gjatë kontrollit është konstatuar se i mituri po drejtonte mopedin para se të fitonte të drejtën e drejtimit, përkatësisht pa patentë shofer. Pas konsultimit me prokurorin publik kujdestar pranë PTHP Gostivar, shoferi është privuar nga liria, mopedi është konfiskuar dhe pas dokumentimit të rastit do të dorëzohet kallëzim përkatës.
……
Pas mesnate në ora 00:25, në një kazino në Tetovë, zyrtarë policorë nga SPB Tetovë kanë privuar nga liria një 59-vjeçar nga fshati Reçicë e Vogël, pasi gjatë kontrollit tek ai është gjetur një qese me lëndë pluhur të bardhë. Pas dokumentimit të rastit do të dorëzohet parashtresë përkatëse.
……
Pas mesnate në ora 00:30, në rrugën rajonale Tetovë – Jazhincë, në fshatin Përshefcë, zyrtarë policorë nga Stacioni Policor Tearcë kanë ndaluar një automjet udhëtarësh BMV me targa të Tetovës, i drejtuar nga një 19-vjeçar, ndërsa si bashkëudhëtarë kanë qenë dy 19-vjeçarë tjerë dhe një 14 vjeçar, të gjithë nga fshati Novo Sellë, Zhelinë. Gjatë kontrollit të automjetit janë gjetur dhe konfiskuar tri kapele të zeza fantomka, tri thika dhe një pendrek. Ata janë arrestuar dhe ndaluar në stacionin policor dhe pas dokumentimit të rastit do t u dorëzohet kallëzim përkatës sipas nenit 80 paragrafi 1 të Ligjit për Armët.
Lajme nga vendi
AUV-ja po kryen analiza të jashtëzakonshme, analizat e fundit treguan se uji në Gostivar ka qenë i sigurt për pije
Pas paraqitjes së një numri të shtuar të qytetarëve që gjatë dhjetë ditëve të fundit janë ankuar për probleme me stomakun, Agjencia e Ushqimit dhe Veterinarisë (AUV) ka kërkuar të kryhen kontrolle të jashtëzakonshme të ujit të pijshëm që shpërndahet përmes ujësjellësit të qytetit në Gostivar. Nga Departamenti për Higjienë dhe Ekologji Shëndetësore pranë Qendrës së Shëndetit Publik-Gostivar, kanë konfirmuar se dje është kryer një kontroll i jashtëzakonshëm dhe janë marrë mostra nga katër pika matëse.
Në lidhje me: Dyshime për ndotje të ujit në Gostivar, MPB: Ujësjellësi dhe komuna dyshohet se injektuan në rrjet ujë nga ujërat e zeza
“Sa i përket ujit dhe situatës aktuale, përveç analizave të rregullta kemi bërë edhe analiza të jashtëzakonshme. Rezultatet e fundit të analizave që i kemi kryer të hënën ishin të mira, përkatësisht parametrat fiziko-kimikë dhe mikrobiologjikë ishin në rregull. Dje kemi marrë edhe disa mostra të tjera për analiza të jashtëzakonshme, por për rezultatet duhet të presim deri nesër ose eventualisht deri të hënën. Për momentin nuk mund të themi asgjë konkrete për to”, deklaroi për MIA-n, dr. Berun Mustafa, specialist i higjienës në Qendrën e Shëndetit Publik në Gostivar.
Nga Spitali i Përgjithshëm “Ferid Murad” kanë konfirmuar se në repartin infektiv dhe atë pediatrik ka një numër të shtuar kontrollesh dhe qytetarësh që ankohen për diarre, dhimbje barku, të vjella dhe temperaturë të lartë. Sipas gjetjeve fillestare dhe pamjes klinike, me shumë gjasa bëhet fjalë për viroza sezonale dhe nuk ka lidhje epidemiologjike mes rasteve. Mjekët rekomandojnë që qytetarët të kenë kujdes më të madh për higjienën dhe zakonet e përditshme, veçanërisht gjatë periudhës së verës kur temperaturat janë të larta dhe rreziku nga infeksionet e zorrëve rritet ndjeshëm.
“Qytetarët duhet të jenë të kujdesshëm për shkak të numrit të shtuar të sëmundjeve të zorrëve, si nga uji ashtu edhe nga ushqimi. Para së gjithash, nuk duhet të konsumojnë ushqime që mund të shkaktojnë këto sëmundje, si ushqimet që nuk janë përgatitur mirë termikisht. Ushqimet dhe produktet duhet të jenë të freskëta. Gjithashtu, frutat dhe perimet duhet të lahen mirë para përdorimit. Dhe natyrisht, uji duhet të përdoret nga burime për të cilat qytetarët konsiderojnë se janë të sigurta”, rekomandoi dr. Mustafa.
Tri analizat e fundit të ujit nga ujësjellësi i Gostivarit, të kryera gjatë muajit të fundit nga Departamenti për Higjienë dhe Ekologji Shëndetësore pranë Qendrës së Shëndetit Publik, kanë treguar se uji ka qenë i shëndetshëm dhe i sigurt për përdorim.
“TETOVA N`FESTË”: MBAHET ORA POETIKE “PUHIZË NË VARGJE”
Kronika e zezë – Tetovë dhe Gostivar, 16 Korrik
AUV-ja po kryen analiza të jashtëzakonshme, analizat e fundit treguan se uji në Gostivar ka qenë i sigurt për pije
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
