Lajme nga vendi
Partitë politike shqiptare po kalkulojnë me emrat e kandidatëve betejë e fortë pritet të jetë në Njësinë e 6 Zgjedhore
Partitë politike shqiptare po kalkulojnë me emrat e kandidatëve që do të përfshihen në listat zgjedhore.
Një betejë e fortë pritet të jetë në Njësinë e 6 Zgjedhore, ku gara do jetë midis liderëve të partive shqiptare si Ali Ahmeti nga BDI, Bilall Kasami nga koalicioni VLEN, Menduh Thaçi nga PDSH, ndërsa nga ASH e krahut të Ziadin Selës ende nuk dihet se si do të shkojnë në zgjedhje, koalicion apo të vetëm,
Agjencia e lajmeve INA nga burime partiake ka siguruar tashmë disa nga emrat që janë pretendetët kryesore të partive dhe koalicioneve në këtë njësi.
Nga koalicioni opozitar shqiptar VLEN tashmë është përfundimtare që bartës liste të jetë kryetari i Lëvizjes BESA, Bilall Kasami, pas tij radhitet Halil Snopçe nga ASH, Saranda Imeri nga LD, Bekim Qoku nga Vetëvendosje dhe pasojnë emra tjerë.
Nga BDI ende po kalkulohet me emra, por ka një garë dhe përplasje të ashpër. Burime partiake bëjnë të ditur se në këtë zonë ka një konkurrencë të madhe.
Ndër emrat e lakuar që do radhitet i dyti është Faton Ahmeti, pas tij kalkulohen emrat e Arta Bilalli Zendeli, Ejup Rrustemi, Valdet Xhaferi, Festim Halili, etj.
Nëse ASH e Selës del vetëm atëherë lista do jetë e prirur nga Ziadin Sela, pas tij spekulohen emrat e ministrit aktual të shëndetësisë, Ilir Demiri, deputetes Ilire Dauti, etj.
Gjithashtu sipas zërave nga koluaret e partive në pushtet nuk po përjashtohet edhe një koalicionim më i gjerë i këtyre subjekteve me BDI në kuadër të të ashtuquajturit “Fronti Evropian”.
Pullaze të rrënuara nga ndërtesa, pemë të rrëzuara por edhe dëme tjera materiale la pas vetes stuhia e djeshme me erë të fuqishme në Tetovë.
Për shkak të motit të lig dhe erës së fuqishme disa fshatra dhe rajone të Tetovës mbrëmë pas orës 17.00 deri në orët e vona të pas mesnatës nuk kanë patur rrymë elektrike mbase për shkak të defekteve të largpërçuesit të shkaktuar nga era e fuqishme. Bëhet fjalë për rajonin e Komunës së Bogovinës.
Qendra për Menaxhim me Kriza njoftoi se pas motit të lig, të përcjellë me erë të fuqishme dhe reshje shiu që përfshiu territorin e vendit, në shumë rajone ishin regjistruar dëme materiale dhe ndërprerje të rrymës elektrike.
Sipas QMK-së, në Rajonin e Pollogut dhe territorin e Tetovës nuk ka të regjistruar raste më të rënda që kishin kërkuar intervenime urgjente. Janë evidentuar dëme të vogla, kurse shërbimet kompetente janë në terren. Situata është stabile dhe nën kontroll – thonë nga Qendra për Menaxhim me Kriza.
Në terren kanë dalë edhe ekipet e NPK – Tetova.
Sipas tyre, pas erës së fuqishme që përfshiu qytetin, së bashku me stafin e NPK “Tetova” është reaguar menjëherë, duke dalë në terren për largimin e drunjve dhe degëve të rrëzuara, pastrimin e mbeturinave dhe eliminimin e pengesave të krijuara, me qëllim rikthimin sa më të shpejtë të normalitetit për qytetarët, ka njoftuar Drejtori I NPK – Tetova, Samet Bislimi përmes rrjeteve sociale.
Ndërkohë, metereologët kanë dalë me shpjegim profesional për shkaqet që çuan në motin e lig, që dje goditi disa rajone të tjera të vendit.
Sipas analizave shkaku kryesor i stuhisë ishte depërtimi i menjëhershëm i një fronti të ftohtë atmosferik nga veriu në shtresat e larta të atmosferës.
Ky front i ftohtë u përplas drejtpërdrejt me masën shumë më të ngrohtë të ajrit që vinte nga jugu dhe që paraprakisht ishte vendosur mbi Maqedoninë e Veriut.
Metereologët thonë se atmosfera ishte ngrohur ndjeshëm dhe ishte mbushur me energji për shkak të temperaturave të larta të regjistruara gjatë ditëve të fundit.
Përplasja e këtyre masave ajrore shkaktoi formimin e reve të fuqishme me bubullima, të cilat sollën erëra të forta, reshje të rrëmbyeshme shiu dhe dëme të konsiderueshme materiale, veçanërisht në zonën e Shkupit.
Përkeqësimi i menjëhershëm I motit, sipas metereologëve, po dëshmon se atmosfera mbi Maqedoninë e Veriut dhe të gjithë Ballkanin po bëhet gjithnjë e më e paqëndrueshme nga pikëpamja meteorologjike.
Pikërisht për këtë arsye, ata bëjnë thirrje, që në të ardhmen autoritetet dhe qytetarët të përgatiten me kohë për fatkeqësi të tilla natyrore, të cilat, sic thonë, për fat të keq, do të bëhen gjithnjë e më të fuqishme dhe më të shpeshta./Tv Koha/
Ekspozita “Tetova në Fokus”, mblodhi punimet e fotografëve të talentuar nga Tetova. Përmes objektivit të tyre u pasqyruan bukuritë natyrore, trashëgimia kulturore dhe jeta e përditshme e Tetovës. Kjo ekspozitë është një dëshmi e rëndësisë së artit dhe fotografisë në promovimin e identitetit dhe vlerave të Tetovës.
Në kuadër të manifestimit “Tetova n’Festë”, u hap ekspozita fotografike “Tetova në Fokus”, ku u prezantuan punimet e fotografëve të talentuar nga Tetova.
Përmes objektivit të tyre, vizitorët patën mundësinë të shohin bukuritë natyrore, trashëgiminë kulturore, arkitekturën, traditat dhe jetën e përditshme të qytetit. Fotografitë sollën këndvështrime artistike që pasqyrojnë identitetin dhe shpirtin e Tetovës, duke nxjerrë në pah vlerat që e bëjnë qytetin unik.
KUJTIM AMETI – Profesor Ekspozita u mirëprit nga dashamirësit e artit dhe qytetarët, të cilët vlerësuan punën dhe kreativitetin e autorëve. Ky aktivitet dëshmoi edhe një herë rëndësinë e fotografisë si një formë e fuqishme e dokumentimit dhe promovimit të trashëgimisë kulturore dhe natyrore të Tetovës.
“Tetova në Fokus” shërbeu jo vetëm si një ekspozitë artistike, por edhe si një ftesë për të njohur dhe vlerësuar më shumë bukuritë dhe identitetin e qytetit përmes syrit krijues të fotografëve vendas.
Zëvendëskryetari i Komunës së Tetovës, Albi Qamili, ndau mirënjohje për të gjithë fotografët pjesëmarrës! Në mesin e tyre edhe për kameramanin e Tv Koha, Agon Ameti./Tv Koha/
Në kuadër të manifestimit tradicional“ TETOVA N`FESTË”, kërkojmë të bëheni pjesë e një spektakli sportiv me plot energji, disiplinë dhe emocione!
-Demonstrime të Boksit dhe Kik boksit
-Garues të rinj dhe kampionë vendorë te klubit Shkëndija boks dhe të shteteve nga Shqipëri a Kosova etj.
-Promovim i sportit, shëndetit dhe frymës garuese
-Atmosferë festive për të gjithë qytetarët
Shkëndija Boks ju pret të festojmë së bashku sportin, talentin dhe krenarinë e Tetovës. Le ta kthejmë Verën Tetovare në një arenë force, respekti dhe suksesi! Manifestimi ” Tetova n`festë” tradicionalisht përfshin aktivitete sportive krahas programeve kulturore dhe artistike në Tetovë. Ky manifestim sportiv në boks organizohet me qëllim forcimin e miqësisë, respektit dhe bashkëpunimit ndërmjet pjesëtarëve të etniteteve të ndryshme. Për mes frymës sportive dhe garës së ndershme, synojmë të promovojmë tolerancën, mirëkuptimin dhe vlerat e bashkëjetesës, duke dëshmuar se sporti është një urë që bashkon njerëzit pa dallim gjuhe, kulture apo përkatësie etnike.
• Turneu do të zhvillohet me datë:2.08.2026 ne Tetovë.
Matja zyrtare fillon ne ora 11-00 te salla e këshillit Komunës së Tetovës.
• Manifestimi do të ketë përmbajtje Kulturo sportive,90% do të jetë e mbuluar me sport –BOKS, KICKBOX dhe tjetra me muzike.
• Në këtë turne janë paraparë të ketë 12meçe Boks me boksierë amatorë grupmosha ,Kadet Junior dhe Senior , 5 duele Kickbox.
• Boksierët mysafir do të jenë nga shtetet e, Kosovës, Shqiperise , Maqedonisë dhe vende tjera .
• Kemi ftuar boksierë eminent ShqiptardheMaqedonastëcilëtkanfituarmedaljenëshumkompeticionetërangutbotëror.
Boksierët nga KB SHKENDIJA BOKS të paraqitur për meçe zyrtare: Kadet – REJAN QAZIMI 52KG, JUNIOR – ILIR SELMANI 52 KG, GONAT HASANI 54 KG, YOUTH SENIOR (U-19)- SEMI ELMAZI 60 KG, SLAVÇO TRPESKI 65KG, ERDI RAKIPI 70 KG, DONJET RAMANI 75KG dhe SENIOR – MUHAREM MUAREMI 80 KG.
Turneu do te mbikëqyret nga delegate bashkë me referat te Federatës B.M. e cila do ketë peshë të turneut zyrtare e njohur ndërkombëtarisht nga Asociacioni i boksit Evropian dhe ai Botërore.
TETOVË: ERA E FUQISHME SHKAKTOI DËME TË VOGLA – EKIPET NË TERREN!
“TETOVA N`FESTË”: EKSPOZITA “TETOVA NË FOKUS” MBLODHI FOTOGRAFËT E TALENTUAR!
” KULTURA TETOVARE 2026 – BOKS & KIKBOKS
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
