Connect with us

Lajme nga vendi

Toshkovski: Gjykata Administrative hodhi poshtë tre vendime të paligjshme të Qeverisë

Published

on

Gjykata Administrative solli aktgjykime me të cilat anulohen tri vendime të kundërligjshme të Qeverisë. Fjala është për dy vendime për formimin e komisioneve të vendosjes dhe një telegram për realizimin e një konkursi të brendshëm për plotësimin e vendeve vakante në MPB, të miratuar nga ana ime, të cilat në mënyrë të kundërligjshme janë anuluar nga Qeveria, njoftoi në Facebook ministri i Punëve të Brendshme, Pançe Toshkovski.

“Në të vërtetë, Gjykata Administrative ka vlerësuar se organi i paditur, gjegjësisht Qeveria, me rastin e marrjes së vendimeve të kontestuara, ka shkelur rregullat e procedurës, të parapara me nenin 48 të Ligjit për Qeverinë, sepse në situatën e mosmarrëveshjes ndërmjet ministrit dhe zëvendësministrit plotësues në Ministrinë e Punëve të Brendshme e cila rrjedh nga njoftimet e dorëzuara zëvendësministrit plotësues të ministrit nëse aktet në fjalë që janë miratuar nga ministri paraqesin çështje ligjore, financiare dhe çështje kadrovike lidhur me organizimin e zgjedhjeve“, shkruan në publikim.

Qeveria, siç bëhet e ditur, është marrë me vlerësimin e ligjshmërisë edhe pse ka qenë e obliguar që të udhëzojë palët që këtë çështje kontestuese ta zgjidhin para Komisionit Shtetëror të Zgjedhjeve, i cili është i obliguar që brenda 24 orëve të marrë vendim dhe t’ia përcjellë Ministrisë.

“Sipas konstatimit të gjykatës, KSHZ-ja është i vetmi organ kompetent për të përcaktuar nëse akti i përket grupit të akteve që miratohen nga zëvendësministri plotësues në MPB“, bëhet e ditur në informacionin të cilin e ndau Toshkovski.

Me aktgjykimet e nxjerra në këtë mënyrë, siç bën të ditur ministri, Gjykata Administrative konfirmon se aktet përkatëse të sjellura nga ana ime janë në pajtim me Ligjin për Qeverinë dhe aktet tjera ligjore dhe nënligjore që rregullojnë këtë çështje, dhe në të njëjtën kohë Qeveria ka vepruar në kundërshtim me ligj, pra ka zbatuar gabim të drejtën materiale.

Advertisement
Advertisement

Lajme nga vendi

Mickoski në Tetovë: Me Kasamin inspektuam projektet infrastrukturore në Tetovë

Published

on

Kryeministri i Maqedonisë së Veriut, Hristijan Mickoski, së bashku me kryetarin e Komunës së Tetovës, Bilall Kasami, vizituan sot punimet për rikonstruksionin e shkollës “Kirill Pejçinoviq”, si dhe disa aktivitete ndërtimore në lagjen “Ajduçko Maalo” në Tetovë.

Mickoski theksoi rëndësinë e bashkëpunimit për zhvillimin lokal, duke shtuar: “Le të punojmë për përparimin e Tetovës, për lagjen tënde, për të ardhmen tonë të përbashkët.”

Continue Reading

Lajme nga vendi

KASAMI: PUNUAM ME PËRKUSHTIM PËR TETOVËN

Published

on

Kryetari I komunës së Tetovës, Bilall Kasami bashkë me bartësin e listës për këshilltarë Albi Qamili dhe kandidatët e tjerë për këshilltarë mbrëmjen e djeshme ka mbajtur tubim me banorët e lagjes Çarshia e Epërme dhe Shaip Kamberi.Në fjalimin e tij, Kasami tha se kjo nuk është vetëm fushatë politike por mission për ta ndryshuar Tetovën. Ai theksin e vuri tek pika turistike, Kodra e Diellit, ku premtoi se të njëjtën do ta transformojë në një qendër turistike globale.
 Bartësi I listës për Këshilltarë, Albi Qamili, theksoi se komuna e Tetovës nuk udhëhiqet më nga interesat grupore apo individuale por nga vet qytetarët.
Në tubimin e mbrëmshëm, fjalime mbajtën edhe kandidatët e tjerë për këshilltarë.
Continue Reading

Lajme nga vendi

Mexhiti: Çairi do të ketë Qendrën Rinore, shtëpinë e ideve dhe inovacionit të të rinjve

Published

on

Kandidati i koalicionit VLEN për kryetar të Komunës së Çairit, Izet Mexhiti dhe kandidati për këshilltar komunal, Ariton Rama kanë prezantuar sot një nga prioritetet kryesore të programit zgjedhor, ndërtimin e Qendrës Rinore, projekt që synon t’u japë të rinjve hapësirën e munguar për zhvillim, krijimtari dhe inovacion.

“Kam kënaqësinë të prezantoj një nga projektet më të rëndësishme dhe më të dashura për mua personalisht, pra një projekt që përfaqëson vizionin tim për një Çair modern, përparimtar dhe të orientuar drejt së ardhmes: Qendra Rinore e Çairit. Çairi ka pasuri të pashtershme rinore, të reja dhe të rinj të talentuar, me potencial të jashtëzakonshëm, që meritojnë më shumë se fjalë: meritojnë mundësi, mbështetje dhe hapësirë për zhvillim. Andaj, ndërtimi i Qendrës Rinore do të jetë një prioritet absolut i mandatit tim si kryetar komune. Ky nuk është vetëm një objekt fizik, por një platformë ku rinia jonë do të mund të mësojë, krijojë, shprehë veten dhe të ndërtojë të ardhmen në mënyrë aktive”, deklaroi Mexhiti.

Kandidati për këshilltar komunal, Ariton Rama në deklaratën e tij përshkroi detajet e pjesëve përbërëse të këtij objekti.

“Qendra Rinore do të jetë e ndërtuar në katër nivele funksionale:
– Bibliotekë dhe sallë ligjëratash për dije, hulumtim dhe ngjarje kulturore.
– Qendër Digjitale me laborator të inteligjencës artificiale, trajnime falas në programim e shkrim-lexim digjital, si dhe hapësirë për start-up-e dhe mentorim rinor.
– Akademi STEM që do të afrojë trajnime në teknologji, shkencë, art dhe matematikë.
– Hapësira për teatër, këshillim dhe aktivitete kreative ku të rinjtë do të shprehen lirshëm dhe pa barriera”.

Mexhiti dhe Rama potencuan se me këtë projekt garantojnë se Çairi do të bëhet qendër e inovacionit, arsimit dhe kreativitetit rinor. Të rinjtë do të kenë vendin ku do të mësojnë, do të zhvillohen dhe do të ndërtojnë të ardhmen e tyre.

Advertisement
Continue Reading

Më të lexuarat