Lajme nga vendi
Fushatat zgjedhore – më të orientuara kundër të tjerëve, sesa në promovim idesh
Zgjedhjet parlamentare dhe presidenciale në Maqedoninë e Veriut do të mbahen në prill dhe maj të këtij viti.
Në mungesë të propozimeve konkrete për zgjidhje problemesh, qytetarët e Maqedonisë së Veriut votën e orientojnë kundër një oponenti politik nëpër proceset zgjedhore.
Kështu vlerëson Ida Protuger, dikur gazetare, e cila së fundi punon si trajnere për zhvillim personal.
“Në shoqërinë maqedonase përgjegjësia duhet të ushqehet si vlerë”, ka thënë Protuger për Radion Evropa e Lirë.
Zgjedhjet presidenciale në këtë shtet do të mbahen në dy runde zgjedhore, më 24 prill dhe 8 maj.
Më 8 maj do të mbahen edhe zgjedhjet parlamentare.
Sipas Ida Protugerit, fushata denigruese bën që dëshira për votë kundër një kandidati të jetë më e fuqishme sesa vota pro ndaj një kandidati tjetër.
“Qytetarët e shohin votën kundër si mundësi për t’i dënuar politikanët nga të cilët nuk kanë arritur të sigurojnë jetë më të mirë”, thekson Protuger.
Besim Nebiu, njohës i çështjeve politike thekson se fushata me qëllim dëmtimin e kundështarëve politikë realizohet kryesisht në rrjetet sociale, dhe menaxhohet nga vetë shtabet zgjedhore.
“Shtabet e partive politike prodhojnë fushatë denigruese ndaj kundërkandidatëve në mënyrë konstante, dhe këto veprime nuk vërehen vetëm nëpër fushata, ato vetëm përforcohen gjatë fushatave. Tani ne mund të shohim se në një hapësirë kohore prej disa muajve kemi fushata denigruese pothuajse nga të gjitha partitë politike”, vlerëson Nehiu, duke shtuar se pret që, gjatë fushatës, partitë politike të kuptojnë se fushata të tilla denigruese për kandidatë tjerë nuk sjellin asnjë dobi.
Sipas tij, kandidatët duhet të fokusohen në prezantim të ofertave dhe jo te kundërshtarët politikë.
Sead Xhigall, komunikolog linguistik, i ka thënë Radios Evropa e Lirë se partitë politike, në mungesë të ideve, mbeten të robëruar në çështjen e integrimeve evropiane, pavarësisht bllokimit të këtij procesi.
“Duket qartë se edhe përmes sloganeve që kanë zgjedhur, si blloku politik në pushtet, ashtu dhe ai në opozitë, qoftë nga tabori politik maqedonas, apo ai shqiptar, qëllim mbetet mobilizimi i ithtarëve partiakë, dhe jo nxitja e simpatisë tek ajo përqindje e lartë që nuk del fare për të votuar”, ka thënë mes tjerash ai.
Bashkimi Evropian e ka miratuar formalisht nisjen e negociatave për anëtarësimin e Maqedonisë së Veriut në bllokun evropian, mirëpo ende nuk është bërë përparim në atë drejtim.
Presidenti aktual, Stevo Pendarovski, garon edhe për një mandat me propozim të Lidhjes Social-Demokrate me sloganin “Presidenti ynë Stevo”.
Kandidatja e VMRO DPMNE-së opozitare, Gordana Siljanovska Davkovska garon me sloganin “Maqedonia sërish krenare”, duke theksuar se angazhohet për “pajtim dhe unitet”, si dhe për “aleanca të reja”, pa saktësuar se cilat janë ato.
Kandidati shqiptar, Bujar Osmani nga Fronti Evropian, që udhëhiqet nga Bashkimi Demokratik për Integrim (BDI) garon me sloganin “President evropian”.
Arben Taravari, kandidat i koalicionit VLEN, që përbëhet nga katër parti opozitare shqiptare, garon me sloganin “Taravari për president”.
Procesi i integrimeve mbetet në fokus të garës edhe për zgjedhjet parlamentare për partitë në pushtet, Lidhjen Social-Demokrate dhe Bashkimin Demokratik për Integrim.
Opozita maqedonase, në anën tjetër, synon të përçojë porosinë se identiteti kombëtar është më i sigurt me këtë parti.
Lidhja Social-Demokrate garon me sloganin “Nuk ka tërheqje nga e ardhmja”, VMRO DPMNE me sloganin “Maqedonia sërish e jotja – ndryshimet mbeten në duart e tua”, ndërkohë blloku i opozitës shqiptare garon me sloganin “Ndryshimi vlen”.
Bashkimi Demokratik për Integrim përmend të ardhmen e vendit si pjesë të familjes evropiane.
Fushata për zgjedhjet presidenciale ka nisur më 4 prill dhe do të zgjasë deri më 22 prill, kur fillon heshtja parazgjedhore, e cila zgjat deri më 24 prill – ditën e votimit.
Fushata elektorale për zgjedhjet parlamentare do të nisë më 18 prill dhe do të zgjasë deri më 6 maj, kur fillon heshtja zgjedhore, e cila zgjat deri më 8 maj.// REL
Doganierët në pikën kufitare Tabanoc, gjatë hyrjes në shtet, kanë parandaluar një tentativë për kontrabandimin e 348 gramëve stoli ari, me vlerë prej 1.3 milionë denarësh.
Rasti u zbulua gjatë një kontrolli të detajuar të një automjeti me të cilin udhëtonte një çift bashkëshortësh, shtetas të Maqedonisë së Veriut me vendbanim në Belgjikë.
Në çantën e bashkëudhëtares u gjetën 26 copë stoli ari.
Ndaj saj, Departamenti i Hetimeve pranë Sektorit për Kontroll dhe Hetime ka ngritur kallëzim penal për veprën penale “kontrabandë”, e dënueshme sipas Kodit Penal.
Nga Drejtoria e Doganave njoftojnë se gjatë këtij viti janë zbuluar 13 raste të kontrabandimit të arit, ku janë sekuestruar më shumë se 2.5 kilogramë stoli ari dhe monedha ari.
Lajme nga vendi
VLEN: Ku u avulluan 7 milionë euro ndihmë nga Zvicra? A po del uji i Gostivarit si kanalizimi i Zajazit?!
Arben Taravari po bie ndesh me deklaratat e tij. Derisa dikur dilte para qytetarëve të Gostivarit dhe akuzonte pushtetin e atëhershëm se po i “helmon” qytetarët me moskujdesin dhe mosveprimin, gjatë mandatit të tij të dalë dhe të thotë se po e zgjidh problemin e ujit në Gostivar “për 100 vitet e ardhshme”!
Sot kur përgjegjësia bie mbi administratën që ai ka drejtuar, Taravari jo që nuk ka përmbushur ndonjë nga premtimet, por nuk jep asnjë përgjegjësi politike. Dy rezervuarët gjigant që i premtoi poashtu në vitin 2022 për zgjidhjen e problemit të ujit të pijshëm, një donacion nga Zvicra, as kjo nuk u bë.
Pyetja është; Ku u avulluan 7 milionë euro ndihmë nga Zvicra?
Pyetja tjetër; A po del uji i Gostivarit sikur kanalizimi i Zajazit?
Ironia është e madhe. Fjalët që dikur ua drejtonte kundërshtarëve politikë, sot janë pasqyra më e qartë e dështimit të tij. Standardet nuk mund të ndryshojnë sipas interesit politik. Nëse në vitin 2017 çdo dyshim ishte arsye për akuza të rënda, sot faktet e bëjnë situatën edhe më alarmante.
Qytetarët nuk kanë nevojë për arsyetime, por presin përgjegjësi, transparencë dhe llogaridhënie, jo heshtje. Ata kanë nevojë për ujë të sigurt dhe institucione që funksionojnë.
VLEN kërkon përgjegjësi të plotë për secilin zyrtar që ka dështuar në mbrojtjen e shëndetit publik dhe kërkon që e gjithë e vërteta të dalë në dritë. Askush nuk mund të fshihet pas postit, partisë apo heshtjes.
Krejt në fund, Arben Taravari duhet t’u përgjigjet qytetarëve të Gostivarit me të njëjtin standard që kërkonte nga të tjerët. Sepse përgjegjësia nuk është slogan për opozitë; është detyrim kur udhëheq edhe me pushtetin lokal.
Lajme nga vendi
Komuna e Gostivarit: Punojmë në terren për normalizimin e gjendjes së sistemit të ujësjellësit
Komuna e Gostivarit në një njoftim për media informon se Shtabi i Krizës në nivel qendror dhe lokal, si dhe NP „Ujësjellësi dhe Kanalizimi – Shkup“, po punojnë intensivisht në terren për normalizimin e gjendjes së sistemit të ujësjellësit.
“I ftojmë qytetarët që, lidhur me ecurinë e procesit, të informohen vetëm përmes njoftimeve zyrtare të institucioneve kompetente dhe të mos përhapin apo të mos mbështeten në informacione të rreme që qarkullojnë në rrjetet sociale”.
“Për çdo zhvillim të ri, qytetarët do të informohen me kohë, si për analizat dhe rezultatet e cilësisë së ujit, ashtu edhe për gjendjen e sistemit të ujësjellësit”, thonë nga Komuna e Gostivarit.
Spektakël boksi në Gostivar, Benjamin Imeri kryeson mbrëmjen me duelin ndaj kolumbianit Mosquera
DOGANA: KONFISKOHET STOLI ARI NË VLERË PREJ 1.3 MILIONË DENARËSH
FC RIGA E LETONISË PRISHI FESTËN E DITËLINDJES SË VARDARIT
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
