Lajme nga vendi
Fushatat zgjedhore – më të orientuara kundër të tjerëve, sesa në promovim idesh
Zgjedhjet parlamentare dhe presidenciale në Maqedoninë e Veriut do të mbahen në prill dhe maj të këtij viti.
Në mungesë të propozimeve konkrete për zgjidhje problemesh, qytetarët e Maqedonisë së Veriut votën e orientojnë kundër një oponenti politik nëpër proceset zgjedhore.
Kështu vlerëson Ida Protuger, dikur gazetare, e cila së fundi punon si trajnere për zhvillim personal.
“Në shoqërinë maqedonase përgjegjësia duhet të ushqehet si vlerë”, ka thënë Protuger për Radion Evropa e Lirë.
Zgjedhjet presidenciale në këtë shtet do të mbahen në dy runde zgjedhore, më 24 prill dhe 8 maj.
Më 8 maj do të mbahen edhe zgjedhjet parlamentare.
Sipas Ida Protugerit, fushata denigruese bën që dëshira për votë kundër një kandidati të jetë më e fuqishme sesa vota pro ndaj një kandidati tjetër.
“Qytetarët e shohin votën kundër si mundësi për t’i dënuar politikanët nga të cilët nuk kanë arritur të sigurojnë jetë më të mirë”, thekson Protuger.
Besim Nebiu, njohës i çështjeve politike thekson se fushata me qëllim dëmtimin e kundështarëve politikë realizohet kryesisht në rrjetet sociale, dhe menaxhohet nga vetë shtabet zgjedhore.
“Shtabet e partive politike prodhojnë fushatë denigruese ndaj kundërkandidatëve në mënyrë konstante, dhe këto veprime nuk vërehen vetëm nëpër fushata, ato vetëm përforcohen gjatë fushatave. Tani ne mund të shohim se në një hapësirë kohore prej disa muajve kemi fushata denigruese pothuajse nga të gjitha partitë politike”, vlerëson Nehiu, duke shtuar se pret që, gjatë fushatës, partitë politike të kuptojnë se fushata të tilla denigruese për kandidatë tjerë nuk sjellin asnjë dobi.
Sipas tij, kandidatët duhet të fokusohen në prezantim të ofertave dhe jo te kundërshtarët politikë.
Sead Xhigall, komunikolog linguistik, i ka thënë Radios Evropa e Lirë se partitë politike, në mungesë të ideve, mbeten të robëruar në çështjen e integrimeve evropiane, pavarësisht bllokimit të këtij procesi.
“Duket qartë se edhe përmes sloganeve që kanë zgjedhur, si blloku politik në pushtet, ashtu dhe ai në opozitë, qoftë nga tabori politik maqedonas, apo ai shqiptar, qëllim mbetet mobilizimi i ithtarëve partiakë, dhe jo nxitja e simpatisë tek ajo përqindje e lartë që nuk del fare për të votuar”, ka thënë mes tjerash ai.
Bashkimi Evropian e ka miratuar formalisht nisjen e negociatave për anëtarësimin e Maqedonisë së Veriut në bllokun evropian, mirëpo ende nuk është bërë përparim në atë drejtim.
Presidenti aktual, Stevo Pendarovski, garon edhe për një mandat me propozim të Lidhjes Social-Demokrate me sloganin “Presidenti ynë Stevo”.
Kandidatja e VMRO DPMNE-së opozitare, Gordana Siljanovska Davkovska garon me sloganin “Maqedonia sërish krenare”, duke theksuar se angazhohet për “pajtim dhe unitet”, si dhe për “aleanca të reja”, pa saktësuar se cilat janë ato.
Kandidati shqiptar, Bujar Osmani nga Fronti Evropian, që udhëhiqet nga Bashkimi Demokratik për Integrim (BDI) garon me sloganin “President evropian”.
Arben Taravari, kandidat i koalicionit VLEN, që përbëhet nga katër parti opozitare shqiptare, garon me sloganin “Taravari për president”.
Procesi i integrimeve mbetet në fokus të garës edhe për zgjedhjet parlamentare për partitë në pushtet, Lidhjen Social-Demokrate dhe Bashkimin Demokratik për Integrim.
Opozita maqedonase, në anën tjetër, synon të përçojë porosinë se identiteti kombëtar është më i sigurt me këtë parti.
Lidhja Social-Demokrate garon me sloganin “Nuk ka tërheqje nga e ardhmja”, VMRO DPMNE me sloganin “Maqedonia sërish e jotja – ndryshimet mbeten në duart e tua”, ndërkohë blloku i opozitës shqiptare garon me sloganin “Ndryshimi vlen”.
Bashkimi Demokratik për Integrim përmend të ardhmen e vendit si pjesë të familjes evropiane.
Fushata për zgjedhjet presidenciale ka nisur më 4 prill dhe do të zgjasë deri më 22 prill, kur fillon heshtja parazgjedhore, e cila zgjat deri më 24 prill – ditën e votimit.
Fushata elektorale për zgjedhjet parlamentare do të nisë më 18 prill dhe do të zgjasë deri më 6 maj, kur fillon heshtja zgjedhore, e cila zgjat deri më 8 maj.// REL
Lajme nga vendi
Mickoski: Qeveria do t’i dëmshpërblejë qytetarët që pësuan dëme nga moti i keq në Shkup
Kryetari i Qeverisë, Hristijan Mickoski, duke iu përgjigjur sot pyetjes gazetareske lidhur me atë se a do të dëmshpërblehen qytetarët për dëmet e shkaktuara nga moti i keq në Shkup, deklaroi:
“Sa i përket dëmshpërblimit të qytetarëve që pësuan dëme nga moti i keq, mund të them se komunat dhe institucionet në kuadër të tyre formojnë komisione. Qytetarët që kanë pësuar dëme duhet t’i paraqesin ato pranë këtyre komisioneve. Komisionet do të bëjnë vlerësimin e dëmeve dhe më pas do t’i dorëzojnë raportet në Komitetin për Vlerësimin e Dëmeve, i cili do t’ia përcjellë Qeverisë, ndërsa ne, në përputhje me ligjin dhe praktikën, do të ndërhyjmë dhe do t’i dëmshpërblejmë të gjithë qytetarët që kanë paraqitur dëmet e tyre. Apeloj te të gjithë qytetarët që kanë pësuar dëme t’i paraqesin ato, në mënyrë që Komisioni të dalë në terren, t’i konstatojë dëmet dhe Qeveria të marrë specifikimin e tyre, që të mund t’i dëmshpërblejmë.”
Dje në orën 17:40 në rrugën “JNA” në Gostivar, zyrtarë policorë nga DPB Gostivar kanë privuar nga liria dy 27-vjeçarë, të dy nga Gostivari. Gjatë kontrollit është gjetur një lëndë e bardhë pluhur dhe një kartëmonedhë prej 1000 denarësh me mbetje të lëndës së bardhë. Pas dokumentimit të plotë të rastit, ndaj tyre do të dorëzohen kallëzimet përkatëse.
……Pas mesnate në orën 02:55, zyrtarë policorë nga SPB Tetovë kanë privuar nga liria një 23 vjeçar nga fshati Nerasht dhe një 27-vjeçar nga fshati Bozovcë. Ata janë zënë në kryqëzimin mes rrugës “Boris Kidriç” dhe rrugës “Bllagoja Toska” në Tetovë duke prishur rendin dhe qetësinë publike me përleshje fizike mes vete. Gjatë kontrollit te njëri prej tyre janë gjetur katër paketime me marijuanë dhe ai është ndaluar në stacionin policor për procedurë të mëtejshme. Pas dokumentimit të plotë të rastit, ndaj të dyve do të dorëzohen parashtresat përkatëse.
……Dje në orën 22:35 në rrugën “Jasht Vardarit” në Tetovë, zyrtarë policorë nga SPB Tetovë kanë privuar nga liria një 47-vjeçar nga Tetova për shkak të dyshimit për vepër të kryer penale “cenimi e sigurisë” sipas nenit 133 të Kodit Penal. Sipas të denoncuarës, më 21.07.2026 rreth orës 18:15 në rrugën “107” në Tetovë, ai me pistoletë i është kërcënuar një 43-vjeçari nga Tetova. Ai është ndaluar në stacionin policor dhe pas dokumentimit të plotë të rastit ndaj tij do të vijojë parashtresa përkatëse.
……Pas mesnate në orën 00:10 në rrugën “Major Çede Filipovski” në Gostivar, zyrtarë policorë kanë privuar nga liria një 28-vjeçar nga Gostivari. Ai pa leje ka marrë një automjet zyrtar të udhëtarëve “Citroen” me targa të Gostivarit në pronësi të Kryqit të Kuq, ku shërbente si vullnetar, dhe me automjetin ka goditur disa automjete të parkuara. Gjatë kontrollit është konstatuar se ai e drejtonte automjetin pa pasur leje drejtimi, përkatsishtë pa patentë shoferi. Ai është ndaluar në stacionin policor dhe pas dokumentimit të rastit ndaj tij do të vijojë parashtresa përkatëse.
……Dje rreth orës 14:00 në një hapësirë parkingu në rrugën “Bllagoja Toska” në Tetovë, zyrtarë policorë kanë privuar nga liria një të mitur 16-vjeçar nga fshati Poroj. Paraprakisht, ai pa leje drejtimi ka drejtuar automjetin e udhëtarëve “Smart” me targa të Tetovës dhe me automjetin ka qenë i përfshirë në një aksident komunikacioni. Automjeti është konfiskuar dhe ndaluar në stacionin policor, ndërsa biseda zyrtare me të është kryer në prani të inspektorit për delikuencë të të miturve dhe kujdestarit të tij. Pas dokumentimit të rastit, ndaj personit do të dorëzohet kallëzimi përkatës.
……Pas mesnate në orën 02:00 te Pikëpagesa rrugore Zhelinë, zyrtarë policorë kanë privuar nga liria një 20-vjeçar nga fshati Cerovë. Gjatë kontrollit të komunikacionit është konstatuar se ai po drejtonte automjetin e udhëtarëve “Volksëagen Golf” me targa të Tetovës pa leje drejtimi. Automjeti është konfiskuar dhe pas dokumentimit të plotë të rastit ndaj tij do të vijojë parashtresa përkatëse.
……Dje në orën 15:15 në SPB Tetovë, një 42-vjeçare nga rajoni i Tetovës ka denoncuar se është mashtruar nga një person nga Shkupi, pronar i një firme për transport, për shumën prej 700 frangash zvicerane. Sipas të denoncuarës, ata paraprakisht në një rrjet social se kishin rënë dakord që personi t’i sillte një automjet “Volksvagen Polo” nga Zvicra, pas së cilës ai i ka paguar paratë, por automjeti as nuk i është dërguar dhe as nuk i janë kthyer paratë. Po ndërmerren masa për zbardhjen e rastit.
……Dje në orën 11:30 në DPB Gostivar, një 47-vjeçar nga Gostivari, drejtues i një personi juridik, ka denoncuar se ndërmarrja e tij është mashtruar nga një person nga Gostivari për shumën prej 110.700 denarësh. Sipas denoncimit, personi ishte zgjedhur në një shpallje për punësim në firmë, pas së cilës ka kërkuar hua për mbulimin e detyrimeve të mëparshme dhe i janë transferuar paratë, por ai ka refuzuar të fillojë punën dhe i ka ndërprerë të gjitha kontaktet pa i kthyer paratë. Po ndërmerren masa për zbardhjen e rastit.
……Dje në orën 10:00 në SPB Tetovë, një 81-vjeçar nga një fshat i Tetovës ka denoncuar se më 20.07.2026 në shtëpinë familjare, pas një mosmarrëveshjeje të shkurtër, është sulmuar fizikisht nga djali i tij 40-vjeçar. Po ndërmerren masa për zbardhjen e rastit.
……Dje në orën 08:10 në DPB Gostivar, një 21-vjeçare nga një fshat i Gostivarit ka denoncuar se, pas një mosmarrëveshjeje paraprake në shtëpinë familjare, bashkëshorti i saj kundërligjshëm dhe pa pëlqimin e saj ka marrë fëmijën e tyre 10-muajsh për në Zvicër. Për rastin janë njoftuar shërbimet kompetente dhe Qendra për Punë Sociale në Gostivar për zbardhjen e plotë të rastit.
Dje rreth orës 16:30 në SPB Tetovë është denoncuar se në zonën mes fshatrave Pirok dhe Gradec ka shpërthyer një zjarri i cili ka përfshirë një sipërfaqe të madhe me grurë. Zjarri është shuar tërësisht nga ekipi i Njësive Territoriale Kundër Zjarrit Tetovë dhe Bogovinë si dhe nga popullata lokale. Këqyrjen në vendngjarje e ka kryer një ekip nga SPB Tetovë.
Kampionati i ri 2026/2027 i futbollit në Ligën e Parë starton nesër me fillim në ora 17.00 me ndeshjen hapëse në Kavadar mes Tikveshit dhe Arsimit. Katër ndeshjet tjera zhvillohen të shtunën dhe të dielën.
Me ndeshjet e xhiros së parë të caktuara të zhvillohen këtë fundjave zyrtarisht starton kampionati i ri 2026/2027 në Ligën e parë të futbollit vendor.
Sezoni I ri futbollistik në vend nis me sistemin e ri garues katër rrethor, pasi në Ligën e Parë garojnë vetëm 10 ekipe.
Sipari i kampionatit të ri hapet të premten me ndeshjen mes Tikveshit dhe Arsimit. Dy skuadrat gjatë merkatos së verës kanë bërë lëvizje të shumta dhe kanë zhvilluar përgatitje cilësore që e kanë dëshmuar me ndeshjet kontrolluese dhe sezonin e ri e presin të përgatitur.
Në seancën e sotme stërvitore KF Arsimi, asistoi edhe TV Koha, ku ra në sy atmosfera e lartë e punës.
LABINOT MUSLIU – Ndihmës trajner
‘’ Gjykojmë se ekipi është i përgatitur tashmë 30 e ca ditë në fazë përgatitore , në tre fazat e fazës përgatitore me përforcimet e reja që kanë arritur dhe me përgatitjet të cilat kanë shkuar në mënyrën më të mirë të mundshme. Shpresojmë që të fillojmë mbarë ashtu siç filluam edhe në vitin e kaluar pse jo edhe më mirë. Dihet që luajmë në Kavadar kundër Tikveshit një ekip solid, një ekip me disa vite eksperiencë në Ligën e Parë. Por mbi gjitha ne luajmë për llogarit tona dhe mbaj bindjen që na si staf dhe ekipi, lojtarët nëpër gjithësi kemi përgatitur ndeshjen në mënyrën më të mirë të mundshme dhe shpresojmë që të dalim nesër me rezultat pozitiv. Do të thotë ekipi është i gjithi në dispozicion përveç dy lojtarëve të ri të cilët na kanë ardhur por ende presim lejen nga Federatat nga shtet ku vinë‘’deklaroi ndihmës trajneri Labinot Musliu
Sa i përket epilogut të kësaj ndeshje ndihmës trajneri Musliu thotë si gjithmonë nga çdo ndeshje presim rezultat pozitiv
LABINOT MUSLIU – Ndihmës trajner
‘’Gjithsesi presim rezultat pozitiv . Ne asnjëherë nuk shkojmë ta themë pak më lirshëm s e as dorëzohemi po as fluturojmë në kuptim të sportit , të futbollit jemi me këmbë mbi tokë , shkojmë të bëjmë ndeshjen tonë të realizojmë strategjinë tonë , vizionin tonë dhe shpresojmë që në fund të ndeshjes të dalim pozitiv’’ tha trajneri Musliu
Të shtunën takohen Struga Trim Lum – Shkëndija e Haraçinës dhe Vardari – Bregallnica , ndërsa të dielën Sileksi – Bashkimi dhe Shkëndija – Skopje që do të zhvillohet në stadiumin e kampit stërvitor të FFM-së .
Të gjitha ndeshjet e xhiros së parë fillojnë në ora 17:00./Tv Koha/
Mickoski: Qeveria do t’i dëmshpërblejë qytetarët që pësuan dëme nga moti i keq në Shkup
Kronika e zezë – Tetovë dhe Gostivar, 22 Korrik
LIGA E PARË: TIKVESHI – ARSIMI HAPIN SIPARIN E SEZONIT TË RI!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
