Lajme nga vendi
Shefik Bajrami shkel rëndë urdhrat e Ministrisë së Brendhsme, nxjerr nga shtabi i SPB – Tetovë policët e deleguar për të qenë pjesë të shtabit
Shefik Bajrimi, shef i Sektorit të Punëve të Brendshme në Tetovë ka nxjerrë nga shtabi i përgjithshëm i SPB-Tetovë të punësuarin e Ministrisë së Punëve të Brendshme, i cili është urdhëruar me shkresë nga Ministria e Punëve të Brendshme që të jetë pjesë e shtabit të SPB-Tetovë për tu kujdesur për sigurin e procesit zgjedhor dhe për të monitoruar punën e këtij sektori, kanë njoftuar nga koalicioni VLEN në pres konferencë. Edhe pse sipas Marrëveshjes së “Përzhinës” për formimin e Qeverisë, zgjedhjet organizohen në koordinim mes partive të pushtetit dhe të opozitës, shefi i SPB-Tetovë nuk e respekton këtë, thonë nga VLEN.
“Shefi i Sektori të Punëve të Brendshme Shefik Bajrami vazhdon të punojë në mënyrë të kundërligjshme. Edhe pse sipas Marrëveshjes së “Përzhinës” për formimin e Qeverisë, zgjedhjet organizohen në koordinim mes partive të pushtetit dhe të opozitës, shefi i SPB-Tetovë nuk e respekton këtë, e shkel ligjin për organizimin e zgjedhjeve dhe refuzon çdo urdhëres të ministrit të punëve të brendshme.
Ai sot ka nxjerrë nga shtabi i përgjithshëm i SPB-Tetovë të punësuarin e Ministrisë së Punëve të Brendshme, i cili është urdhëruar me shkresë nga Ministria e Punëve të Brendshme që të jetë pjesë e shtabit të SPB-Tetovë për tu kujdesur për sigurin e procesit zgjedhor dhe për të monitoruar punën e këtij sektori”, thonë nga VLEN.
“Pasi polici i udhëruar nga Ministri është paraqitur në shtab të SPB-Tetovë, Shefik Bajrami i ka marrë shkresat e ministrit, e ka fotografuar atë, më pas ka biseduar në telefon me një person, nga i cili ka marrë urdhër që të gjithë ata polic që nuk janë të kontrolluar nga BDI të largohen nga shtabi. Atëher Shefik Bajrami i është drejtuar policit me fjalët se duhet urgjentisht të dalë nga zyra e shtabit, pasi nuk është i dëshiruar të jetë aty. I bëjmë thirrje ministrit të Punëve të Brendshme, që urgjentisht të marrë masa ndaj Shefik Bajramit dhe Sektorit të Punëve të Brendshme në Tetovë si dhe të veprojë urgjentisht që në Tteovë dhe në njesinë e gjashtë zgjedhore në bazë të kompetencave ligjore si ministri por edhe në baz të ligjit për organizimin e zgjedhjeve, që të ketë proces sa më demokratik dhe korrekt. Nëse ministri nuk vepron, atëherë do të nënkuptohet se edhe ai është bashkëpunëtor në këto veprimeve. Nëse sjelljat e këtilla të Shefik Bajramit dhe BDI-së vazhdojnë edhe më tej, atëherë ne do i shqyrtrojmë ata dhe do të sjellim vendim se si do të veprojmë. Nga ana tjetër, ftojmë të gjithë organizatat ndërkolmbëtare që janë të akredituara për monitorimin e zgjedhjeve, siç është edhe OSBE/ODIHR q[ të fokusohen në Tetovë dhe në gjthë njesinë e gjashtë zgjedhore, e të ndjekin nga afër zhvillimin e procesit zgjedhor”, reagojnë nga VLEN.
Lajme nga vendi
SHOK TEMPERATURASH NË MAQEDONI: Pas të ftohtit të pazakontë dhe borës, këtë javë deri në 38°C
Pas valës së pazakontë të të ftohtit që solli reshje bore në Malin Sharr dhe në Pelister të premten, më 24 korrik, si dhe pas mëngjesit të sotëm jashtëzakonisht të freskët për muajin korrik, Maqedoninë e pret një tjetër ndryshim i fortë i motit.
Meteorologu Sllavço Poposki njofton se nga fillimi i javës vendi do të përfshihet nga një masë shumë më e ngrohtë ajrore që vjen nga jugu, përkatësisht nga Afrika.
“Që nga e hëna dhe gjatë ditëve në vijim, temperaturat do të shënojnë rritje të shpejtë. Në pjesën më të madhe të Maqedonisë ato do të kalojnë 30 deri në 35 gradë Celsius, ndërsa në rajonin e Povardarisë dhe në pjesën juglindore të vendit do të arrijnë deri në 38 gradë Celsius”, thekson Poposki.
Sipas tij, vetëm gjatë ditës së hënë, më 27 korrik, priten dukuri lokale të paqëndrueshme të motit, të shoqëruara me reshje të rrëmbyeshme shiu, bubullima dhe erë të përforcuar.
Nga e marta, më 28 korrik, moti do të stabilizohet plotësisht dhe do të mbizotërojë mot me diell, i qëndrueshëm dhe me vranësira të pakta lokale.
Poposki paralajmëron se këto ndryshime të menjëhershme dhe të mëdha të temperaturave mund të kenë ndikim negativ, veçanërisht te personat e ndjeshëm ndaj ndryshimeve të motit.
Çmimet e shitjes me pakicë të benzinave EUROSUPER BS-95 dhe EUROSUPER BS-98 rriten për 3,00 denarë për litër.
Çmimi i shitjes me pakicë i EURODIZELIT (D-Е V) rritet për 4,50 denarë për litër.
Çmimi i shitjes me pakicë i Vajit Ekstra të Lehtë për Amvisëri (ЕL-1) rritet për 5,00 denarë për litër.
Çmimi i shitjes me pakicë i Мazutit М-1 SU rritet për 2,726 denarë për kilogram.
Nga data 28.7.2026, nga ora 00:01, çmimet maksimale të derivateve të naftës do të jenë:
Benzinë motori EUROSUPER BS – 95 93,00 (denarë/litër)
Benzinë motori EUROSUPER BS – 98 95,00 (denarë/litër)
Naftë motori EURODIZEL BS (D-E V) 98,50 (denarë/litër)
Vaj për Djegie Ekstra i Lehtë 1 (EL-1) 98,00 (denarë/litër)
Mazut М-1 SU 48,099 (denarë/kilogram)
Nën qiellin e hapur të Banjës së Tetovës, qytetarët patën mundësinë të ndjekin shfaqjen e filmit “Krejt e Thirrin Rexhën”, në kuadër të manifestimit Vera Tetovare, Tetova n’Festë.
Një mbrëmje e bukur kinematografike, e mbushur me emocione, humor dhe atmosferë të veçantë, që bëri bashkë qytetarë të të gjitha moshave.
Tv Koha takoi edhe Artistin e ri nga Tetova, Ledion Mulaku, i cili hapat e parë në aktrim i ka bërë që në moshë të hershme, duke qenë pjesë e disa projekteve filmike dhe serialeve të rëndësishme në rajon, duke përfshirë filmat “Dashuria s’mjafton” dhe “Shkëmbimi”, serialin ndërkombëtar Sunrise, si dhe projektin e fundit “Krejt e thirrin Rexhen”, ku ai interpreton një nga rolet protagoniste dhe është vlerësuar me çmimin Best Young Actor.
Suksesi i tij është një shembull frymëzues për të rinjtë e Tetovës dhe një dëshmi e potencialit të madh që ka rinia jonë.
Vera tetovare riktheu në Tetovë filmin “Krejt e Thirrin Rexhën” me një mbrëmje të veçantë kushtuar artit dhe kinematografisë shqiptare.
Ambienti I hapur në Banjë të Tetovës u bë arenë e gërshetimit të brezave dhe interesimit të jashtëzakonshëm të publikut tetovar.
U shijua së bashku një film I jashtëzakonshëm në një atmosferë të bukur verore, ku sipas organizatorëve, “Tetova N`Festë” vazhdon të sjellë kulturë, art dhe argëtim në çdo cep të qytetit.
/Tv Koha/
Franca në alarm, zjarret i afrohen Bordeaux, Macron mbledh qeverinë në takim krize
SHOK TEMPERATURASH NË MAQEDONI: Pas të ftohtit të pazakontë dhe borës, këtë javë deri në 38°C
Sërish shtrenjtohen karburantet nga mesnata
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
