Kryeministri i Kosovës në detyrë, Albin Kurti, ka mirëpritur suksesin e VLEN-it në zgjedhjet lokale të Maqedonisë së Veriut, ku partia fitoi në dhjetë komuna.
Kurti ka lavdëruar dy liderët e VLEN-it, Izeti dhe Bilalli, për fitoren e arritur me projekte konkrete dhe punë të ndershme.
Ai theksoi se ky sukses është një konfirmim i qeverisjes së pastër dhe të orientuar drejt ndryshimit, duke krijuar mundësi për reforma të mëdha në Maqedoninë e Veriut.
Postimi i plotë:

Kryetari i Lëvizjes Demokratike  Izet Mexhiti, ka falënderuar kryeministrin e Kosovës, Albin Kurti, për urimin e tij pas fitores së VLEN-it në zgjedhjet lokale në Maqedoninë e Veriut.

“Miku im, z. Albin Kurti, falemnderit për urimin për fitoret e VLEN-it në çdo cep të Maqedonisë së Veriut. Përgjatë muajve në qeveri, sa unë isha zv/kryeministër, bashkëpunimi ynë qeveritar ka qenë i sinqertë dhe i thellë. I njëjti bashkëpunim do të vazhdojë ende, sepse marrëdhëniet tona janë të fuqishme e të palëkundura,” ka shkruar Mexhiti.

Ai shtoi se Maqedonia e Veriut dhe Kosova, përkatësisht dy qeveritë, kanë ndërtuar tashmë një miqësi të bazuar në punë dhe projekte konkrete. “Punët e mira mes dy qeverive i forcojnë lidhjet tona vëllazërore e fqinjësore,” përfundoi Mexhiti.

Advertisement

Zv Drejtori i Doganave Mustafa Dauti thotë se në raportin e Komisionit Evropian për përparimin e shtetit, është theksuar përparim i lartë në fushën e Unionit Doganor – kjo është edhe një dëshmi e fortë për politikat reformuese të zbatuara nga Drejtoria e Doganave, me qëllim integrimin e përshpejtuar në tregun e vetëm të BE-së, transmeton Zhurnal.mk.

✅ Përparim në harmonizimin dhe përmirësimin e sistemeve TIK – përfunduar dhe vënë në funksion #NKTS 5, zhvillim i #EORI 2 dhe menaxhim i unifikuar i përdoruesve dhe nënshkrimit digjital.

✅ Legjislacioni doganor është harmonizuar në nivel të lartë me të drejtën e BE-së. Është ratifikuar Protokolli për eliminimin e tregtisë ilegale me produkte duhani – shteti ka një detyrim të rëndësishëm në luftën kundër mashtrimeve doganore dhe parandalimin e kontrabandës së produkteve të duhanit.

✅ Rritje e të ardhurave të Drejtorisë së Doganave – të ardhurat totale në vitin 2024 janë 6,3% më të larta se në vitin 2023, duke kaluar vlerën e dy miliardë eurove.

✅ Kapaciteti operativ – është miratuar Strategjia për zhvillimin e Drejtorisë së Doganave 2025–2027. Është vendosur një sistem i plotë inteligjence. Është rritur numri i rasteve të konfiskimeve.

Advertisement

✅ Lufta kundër korrupsionit – është miratuar Strategjia e re për integritet dhe luftë kundër korrupsionit 2024–2027, me 22 masa të shënjestruara.

✅ Mbrojtja e të drejtave të pronësisë intelektuale – në vitin 2024, në 73 raste janë konfiskuar 147.525 mallra për shkak të dyshimit për shkelje të të drejtave të pronësisë intelektuale.

✅ Marrëdhëniet e fqinjësisë së mirë dhe bashkëpunimi rajonal – është nënshkruar Memorandum me Drejtorinë e Doganave të Malit të Zi, me qëllim kontrolle më efikase, parandalim të mashtrimeve doganore dhe përshpejtim të tregtisë legale!

Kryeministri Hristijan Mickoski tha se është i kënaqur nga Raporti i progresit i Komisionit Evropian për Maqedoninë e Veriut, përcjell TV21. Mickoski tha se ashtu siç ka deklaruar disa herë, vendi ka nevojë për reforma në gjyqësor, për të cilën tha se do të angazhohet tani pas reformave. Kryeministri tha se nuk pajtohet me deklaratat e disa prej eurokomisionerëve, ku thuhet se Shqipëria është para Maqedonisë së Veriut në rrugën drejt BE-së.

“Shikoni, po t’i bënim ndryshimet kushtetuese, më të mirët do të ishim, dhe më pas të marrim veto të re, e më pas probleme të reja. Atëherë me siguri do të merrnim 5, do të ishim kampionë, udhëheqës. Por nga ajo që është shkruar atje , unë jam jashtëzakonisht i kënaqur sepse nuk ka kthim prapa. Ka ngecje në disa sfera. E dimë të gjithë, dhe ne e flasim të gjithë këtë. Sundimi i së drejtës, lufta ndaj krimit dhe korrupsionit dhe për këtë vazhdimisht flas se duhen ndryshime në Këshillin Gjyqësor, në Prokurori, e kështu me radhë, dhe tani pas mbarimit të zgjedhjeve, shumë më seriozisht do të merremi me atë temë. Ndërsa në sferat e tjera ka përparim të caktuar, të pakët ose përparim të dukshëm. Kështu që në përgjithësi mund ta vlerësoj si të mirë. Përndryshe nuk mund të pajtohem me konstatimin se ka disa vende të tjera që janë para nesh, për shembull ne jemi shumë para Shqipërisë, kushtimisht thënë, në 8 sfera jemi para Shqipërisë, edhe pse disa nga eurokomisionerët japin deklarata të tilla, siç dhanë. Kështu që kur të analizohet gjendja e shteteve se kush është gati e kush nuk është gati. Nota objektive është se Mali i Zi është i pari, në vendin e dytë jemi ne dhe Serbia dhe më pas vijnë Shqipëria, Bosnja dhe Hercegovina, Kosova e kështu me radhë. Nga vendet e rajonit flas…nuk flas për tjetër. Duhet të punojmë dhe do të punojmë. Unë jam i fokusuar në reforma, kjo është qeveri e reformave”, tha mes tjerash Mickoski.