Lajme nga vendi
Hyrja, parkimi dhe qëndrimi në parkun kombëtar bëhet me pagesë
Në gjashtë lokacione në territorin e Parkut kombëtar Mali Sharr, këtë vit do të rregullohen zona për piknik.Kështu bëjnë të ditur nga drejtoria e parkut kombëtar Mali Sharr, prej nga thonë se me këtë rast do të vendosen udhërrëfyes, shenja, ura dhe objekte të përkohshme të destinuara për nevojat e shërbimit të rrojeve dhe strehim të përkohëshëm nga kushtet jo të favorshme klimatike.Sipas tyre, në kuadër të aktiviteteve të planifikuara është paraparë vendosja e gardheve mbrojtëse në vendet ku depozitohen mbetjet me qëllim që të ulet qasja e kafshëve të egra deri te vendet e banuara.Gjithashtu, këtë verë do vihet në përdorim sistemi i faturimit elektronik sipas tarifës e cila është e harmonizuar me të katër Parqet Kombëtare dhe e miratuar nga Qeveria e Republikës së Maqedonisë së Veriut. Me qëllim që të tërhiqen sa më shumë vizitorë të cilët nuk e ndotin natyrën, tarifa do të zbatohet për ndotësit e natyrës dhe subjektet që e shfrytëzojnë natyrën për të gjeneruar të ardhura, bëjnë të ditura nga drejtoria e Parkut kombëtar Mali Sharr.“Kompensimi për hyrje dhe vizitë në Parkun Kombëtar Mali Sharr është me sa vijon. Bileta ditore për vizitorët më të vjetër se 7 vjeç do të kushtojë 100 denarë, bileta javore për vizitorë mbi 7 vjeç do të kushtojë 400 denarë.Hyrja ditore për motor dhe automobil do të kushtojë 150 denarë.Hyrja ditore për furgon dhe minibus deri në 20 ulëse do të kushtojë 250 denarë . Hyrja ditore për autobusë mbi 20 ulëse dhe mjete të rënda të mallrave do të kushtojë 450 denarë.
Krahas kësaj do të paguhet edhe kompensim për parkim në territorin e parkut kombëtar.Kompenzim ditor për parkim për motor dhe automobil do të kushtojë 150 denarë,kompenzim ditor për parkim për furgon dhe minibus deri në 20 ulëse do të kushtojë 240 denarë.Kompenzim ditor për parkim për autobus mbi 20 ulëse do të kushtojë 450 denarë.Krahas kësaj do të ketë Kompensimi për vizitë të objekteve të veçanta në Parkun Kombëtar Mali Sharr, Kompensim vjetor për grumbullimin e llojeve të egra të bimëe, kërpudhave dhe frutave të tjera pyjore për personat që banojnë në teritorin e Parkut Kombëtar Mali Sharr do të jetë 500 denarë, kurse për ata që nuk jetojnë në parkun kombëtar 2000 denarë”, njoftuan nga Parku Kombëtar Mali Sharr.Ndërkaq, Popullata lokale e cila ështëme vendbanim në përputhje me letërnjoftim të vlefshëm ose dokument tjeter me të cilin vërtetohet vendbanimi, si dhe të gjithë personat juridik të regjistruar në territorin e Parkut Kombëtar Mali Sharr, janë të liruar nga kompensimet.Aktivitetet nga projekti (Investojmë në Sharr) do të realizohet me mjete të fituara nga Ministria e ambientit jetësor dhe planifikimit hapësinor dhe në koordinim me Sektorin e natyrës.Infrastruktura e tillë e gjelbërt do të përmirësjë mbrojtjen e biodiversitetit, kushtet për turizëm dhe mirëqenien e njerëzve që jetojnë në park.Sfidat janë më të lehta kur jemi të bashkuar dhe punojmë për të mirën e të gjithëve, kanë bërë të ditur nga drejtoria e Parkut kombëtar Mali Sharr.
Në fshatin Poroj u shënua 27-vjetori i rënies heroike të dëshmorit Mujdin Aliu, i cili ra në betejën e lavdishme të Koshares. Me këtë rast, familjarë, bashkëfshatarë dhe qytetarë të shumtë u mblodhën për të nderuar jetën dhe veprën e tij. Pranë vendit përkujtimor u vendosën kurora me lule dhe u bënë homazhe në shenjë respekti për sakrificën e dëshmorit. Bashkëveprimtarët e tij kujtuan sakrificën e tij dhe të familjes së tij në çlirimin e themelimin e shtetit të pavarur të Kosovës duke nderuar veprën dhe vendosmërinë e dëshmorit, Mujdin Aliu.
Deklaratë – XHEMAIL JUSUFI – Ish luftëtar
Deklaratë – LUAN VELIU – Ish luftëtar
Deklaratë – FAZLI VELIU – SHVL-UÇK
Të pranishmit vlerësuan lart kontributin e Mujdin Aliut, duke theksuar se ai mbetet simbol i guximit dhe përkushtimit për lirinë e atdheut. Në fjalët e tyre u nënvizua se sakrifica e dëshmorëve është themeli mbi të cilin është ndërtuar liria që gëzojmë sot.
Në përfundim të ceremonisë, u përsërit zotimi se kujtimi dhe vepra e dëshmorëve do të ruhen dhe do të përcillen brez pas brezi.
Lavdi e përjetshme dëshmorit Mujdin Aliu!
Derivatet e naftës lirohen mesatarisht për 2.73%.
Nga mesnata një litër naftë do të shitet për 95.5 denarë, EUROSUPERI BS-95 për 82 denarë, kurse EUROSUPERI BS-98 do të kushtojë 84 denarë.
Komisioni Rregullator për Energjetikë miratoi vendimin për konstatimin e çmimeve më të larta të shitjes me pakicë për derivatet e naftës dhe karburantet e transportit.
Sipas vendimit, çmimi i ri i vajit ekstra të lehtë për amvisëri është 96.5 denarë për litër, çmimi i mazutit do të jetë 49.227 për kilogram.
Komisioni Rregullator për Energjetikë sqarojnë se korigjimi i çmimeve është si rezultat i uljes së çmimeve referenciale në bursat botërore, si dhe lëvizjes së kursit të denarit lidhur me dollarin amerikan.
Benzina ulet mesatarisht për 2.7%, dizeli për 3.25%.
Në arsyetim potencohet se gjatë formimit të çmimeve janë marrë parasysh edhe akcizat, harxhimet për distribuim, kompensimi për rezervat dhe harxhimet ekologjike, konform metodologjisë në fuqi.
Lajme nga vendi
Ministria e Ekonomisë dhe Punës: Rritje minimale e çmimeve, ulje e marzhit tregtar te produktet bazë
Ministria e Ekonomisë dhe Punës, në bashkëpunim me Inspektoratin Shtetëror të Tregut, përpiloi analizë krahasuese të lëvizjes së çmimeve të produkteve bazë ushqimore dhe joushqimore, në përputhje me konkluzionin e miratuar në seancën e 162-të të Qeverisë së Republikës së Maqedonisë së Veriut.
Analiza përfshin çmimet e 55 produkteve më të shitura, të përcjella në katër zinxhirë tregtar me pozicionim të ndryshëm të çmimeve, në periudhën nga 1 shkurti deri më 1 prill të vitit 2026.
Rezultatet tregojnë se në periudhën e analizuar është regjistruar rritje minimale e çmimeve të shitjes prej 0,43%, derisa çmimet e blerjeve shënojnë rritje diçka më të lartë prej 1,01%. Në të njëjtën kohë, marzhi mesatar i fitimit bruto te tregtarët është ulur nga 16,28% në 15,80%, gjë që tregon se një pjesë e presionit nga rritja e çmimeve blerëse është absorbuar nga tregtarët, me qëllim që të ruhet stabiliteti i çmimeve për qytetarët.
Në lidhje me kategoritë individuale:
– Тe produktet ushqimore bazë ka rritje të lehtë prej 0,45%, me ç’rast rritje më të madhe ka te kosi, djathi, vezët dhe vaji;
– në rastin e pijeve joalkoolike është regjistruar ulje prej 1,01%;
– te frutat dhe perimet ka rënie prej 0,86%, përkundër rritjes së domateve dhe qepëve;
– te produktet bazë të higjienës është shënuar rritje prej 1,42%.
Ministria vlerëson se lëvizjet e çmimeve në periudhën e analizuar janë mesatare dhe nën kontroll, falë edhe uljes së marzheve tregtare.
Ministria e Ekonomisë dhe Punës do të vazhdojë të monitorojë në mënyrë aktive kushtet e tregut dhe, nëse është e nevojshme, të propozojë masat e duhura për stabilizimin e çmimeve.
Një pjesë e kompleksit te “5 maj” u shkrumbua ditën e sotme, inxhinieri nxjerr dokumentin: Ngjarja u paralajmërua por s’na dëgjoi njeri
POROJ – PËRKUJTOHET 27-VJETORI I RËNIES SË DËSHMORIT MUJDIN ALIU
BIE ÇMIMI: DIZELI MË LIRË PËR 2.5 DENARË, BENZINAT PËR 1.5 DENARË!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga bota3 weeks ago“Do jem makthi i Iranit”, Trump ‘kërcënon’ sërish: Nëse nuk ulen në negociata, bombardimet do të shtohen
-
Lajme nga rajoni3 weeks agoZbardhet dëshmia e autorit të vrasjes së Liridonës, Plava: Kisha marrëveshje me Murselin, më tha se Behgjet Pacolli ka qenë në dijeni
-
Sport3 weeks agoBARDHI: NËNVLERËSIMI VETËM SE NA MOTIVON KUNDËR DANIMARKËS!