Sport
Kontrata e Mbappes me Realin do të jetë më e madhe se 250 milionë euro
Real Madridi e prezantoi Kylian Mbappe në shumë bujë të martën, me Santiago Bernabeun e zhurmshëm dhe me zë të lartë në përshëndetjen e gladiatorit të tyre të ri. Pasi iu përgjigj pyetjeve për më shumë se një orë në konferencë, Mbappe tani do të jetë me pushime për dy deri në tre javë sipas të gjitha gjasave.
Prezantimi i Mbappes përfshinte një tundje me kokë për idhullin e tij Cristiano Ronaldo, duke imituar frazën ‘1, 2, 3, Hala Madrid’ nga prezantimi i portugezit.
25-vjeçari është padyshim blerja e parë që nga Ronaldo që ka sjellë emocione të ngjashme, dhe ai do të paguhet gjithashtu si një superyll.
Sipas gazetës Marca, Mbappe do të fitojë një pagë prej 15 milionë euro neto në vit (30 milionë euro bruto) dhe do të ketë një bonus nënshkrimi prej 100 milionë deri në 115 milionë euro gjatë marrëveshjes së tij pesëvjeçare. Megjithatë, këto shifra nuk përfshijnë objektivat e bazuara në performancë, siç është fitimi i Topit të Artë.
Ka pasur gjithashtu shumë zhurmë për të drejtat e imazhit, me Mbappen që kërkon më shumë se shifra prej 50% e zakonshme e Real Madridit – me gazetën Marca që thotë se ai do të ketë midis 60% dhe 80% të të drejtave të tij të imazhit, gjë që gjithashtu do t’i fitojë shumë miliona euro më shumë.
Nuk është e qartë se sa fitoi ai në Paris Saint-Germain, por të paktën, paga e tij bazë ishte dyfishi i asaj që do të fitojë në kryeqytetin spanjoll. Padyshim që kostoja totale do të shihet ende si ekonomikisht efikase nga Real Madrid dhe Florentino Perez, duke pasur parasysh se ata po sjellin ndoshta superyllin më të madh në botë për vitet e tij kryesore dhe po e bëjnë këtë pa tarifë transferimi.
Duke pasur parasysh transferimin rekord për një sulmues, i paguar nga PSG, është 222 milionë euro për Neymar Junior, Los Blancos do të ndihet mirë për këtë marrëveshje.
Në grand slam-in e tenisit ‘’US Open 2025’’ që mbahet në Nju Jork garuesit favorit avancojnë duke u kualifikuar në raundin e dytë
Ka vijuar sot në Nju Jork Grand Slami i US Open me ndeshjet e radhës së raundit të parë . Tenisti spanjoll Carlos Alvaraz aktualisht numri 2 në botë, mundi tenistin amerikan Reilly Opelka me rezultatin 3-0 në sete 6-4, 7-5 dhe 6-4 duke vazhduar garat në raundin e dytë ku do të përballet me tenistin danez Holger Rune. Në raundin e dytë janë kualifikuar edhe tenisti norvegjez Caspeer Ruud, rusi Karen Khachanov, amerikani Francis Tiafoe dhe dy britanikët Jack Draper dhe Cameron Norrie .
Te kategoria e femrave me eliminim kanë surprizuar tenistet amerikanet Madison Keys dhe legjenda e tenist Venus Wiliams . Gjithashtu janë eliminuar edhe disa emra të njohura si Elina Svitolina e Ukrainës dhe Petra Kvitova e Çekisë .
Garat në grand slam-in e tenisit ‘’US OPEN 2025’’ vazhdojnë sipas orarit të projektuar nga organizatori organizatorit
Katër fitore të skuadrave vendase dhe dy barazime me 15 gola të shënuar është epilogu I gjashtë ndeshjeve të javës së tretë në elitën e futbollit vendor. Kryesojnë Sileksi dhe Struga Trim Lum me nga 9 pikë
Me ndeshjet e fundit që u zhvilluan dje pas dite u kompletuar java e tretë e kampionatit në Ligën e parë të futbollit vendor , ku skuadrat vendase shënuan 4 fitore, ndërsa dy takime përfunduan me barazim ku shënuan gjithësejt 15 gola.
Në stadiumin e Bashkimit në Kumanovë skuadra vendase para afro 4 mijë tifozëve të pranishëm mundi Tikveshin e Kavadarit me rezultatin 3-1. Autor të golave për ekipin e Bashkimit ishin Filip Aleksovski 2 dhe Simonovski 1 go, ndërsa për Tikveshin shënoi Mishov . Për ekipin kumanovar ishte kjo fitorja e parë si anëtare e elitës së futbollit para tifozëve vendas pas plot 17 viteve. Bashkimi në tre ndeshjet e pare të sezonit të ri ka 2 fitore dhe një barazim me 7 pikë grumbulluara.
Në ndeshjen tjetër që u zhvillua dje ekipi i Pelisterit në Kavadar mundi Shkupin me rezultatin 2-0 , ndërsa autor të golave ishin Ristiq dhe Bulatoviq. Për Pelisterin ishte kjo fitorja e dytë radhazi , ndërsa për Shkupin disfata e tretë radhazi,
Pas kompletimit të xhiros së tretë tabelën e kryesojnë Sileksi dhe Struga Trim Lum me nga 9 pikë maksimale, ndërsa ndiqen nga Shkëndija , Vardari dhe Bashkimi me nga 7 pikë dhe Pelisteri me 6 pikë
Rezultatet e javës së tretë
Shkëndija – Arsimi 0-0
Struga TL – Rabotniçki 2-0
Vardari – AP Brera 2-2
Sileksi – Makedonija GTj.P 3-0
Bashkimi – Tiokveshi 3-1
Pelisteri – Shkupi 2-0
SHABAN SINANI – TV KOHA
Klubi i futbollit të femrave Luboteni i Tetovës nesër në Leuven të Belgjikës zhvillon ndeshjen e parë të fazës së dytë Championsit kundër suedezeve të Rosengård të Suedisë
Skuadra kampione e Maqedonisë së Veriut klubi I futbollit të femrave Luboteni i Tetovës nga dita e djeshme qëndron në Belgjikë, ku të mërkurën me fillim në ora 13:00, në qytetin Leuven do ta zhvillojë ndeshjen e parë të fazës së dytë në Ligën e kampioneve Evropian kund;r ekipit Rosengård të Suedisë. Trrajner i skuadrës Bojan Stamenkoviç para nisjes për në belgjikë në deklaratë ekskluzive për TV Koha tha se me kualifikimin në fazën e dytë kanë arritur qëllimin por kjo nuk do të thotë se në Belgjikë udhëtojnë pa ndonjë qëllim edhe pse realisht nuk janë në nivelin e ekipeve tjera.
“Të mërkurën luajmë ndeshjen me ekipin Rosengård të Suedisë që realisht sipas cilësisë nuk jemi në nivelin më të lartë por gjithsesi se do të rezistojmë fuqishëm në këtë ndeshje. Kemi përparuar shumë në krahasim të fazës paraprake ku dolëm të parët në grup dhe vazhduam garat në Ligën e kampionëve. Kështu që disa ambicie tonat reale të fitojmë një ndeshje nga këto dy ndeshje në Belgjikë, ndërsa gjysmëfinalja e dytë është Sarajeva dhe ekipe belgë. Mendoj se ky është një qëllim real që të vazhdojmë garat në Liga Europa”” deklaroi trajneri Bojan Stamenkoviç.
Trajneri i kampioneve tetovare tha se në këtë faze të garave europiane më tepër prêt nga futbollistet që kanë përvojën e duhur ne mesin e të cilave është edhe Hava Mustafa e cila në ndeshjet e zhvilluara në Shkup realizoi 5 gola
“Realisht më tepër presim nga futbollistet me përvojë si Hava Mustafa, Aleksandra Markovska , kemi pesë futbolliste të huaja dhe nga ato presim të jenë shtylla e ekipit dhe që mund të vendosin lojën individualisht , Kemi edhe shumë futbolliste të reja të cilat kanë përparuar , kemi shumë lojtare të reprezentacionit A, të cilat janë 17 dhe 18 vjeçare. Kështu që konkurrenca është e forte dhe me kosturit të mire të ekipit ” tha trajner Stamenkoviç
Trajniri Stamenkoviq tha se qëllimi parësor në fazën e dytë është që të fitojnë njërën nga dy ndeshjet në Berlgjikë për të vazhduar më tej në garat europiane.
“” Qëllimi është ashtu siç thash nga dy ndeshjet ta fitojmë njërën , pasi faktikisht nëse e fitojmë njërën ndeshje ne vazhdojmë garat në europë. Sinqerisht t”ju them edhe nëse nuk ndodhë kjo unë jam krenar me këtë sukses dhe me atë që futbollistet treguan në fazën e pare. Kështu q% nuk do të jemi I pa kënaqur #ka edhe të ndodhë” tha Stamenkoviç
Në fazën e parë që u zhvillua në Shkup. Luboteni shënoi dy fitore të thella kundër ekipit Runavik të Ishujve Faroe me rezultatin 4-1 dhe Pyunik nga Armenia me rezultat 4—0, Në këto dy ndeshje shkëlqeu Hava Mustafa me 5 gola , një në ndeshjen e parë shënoi 1, ndërsa në ndeshjen e dytë të gjitha 4 golat për Lubotenin
SHABAN SINANI – TV KOHA
MASH: Tekste shkollore për të gjithë nxënësit në fillim të vitit të ri shkollor
Parandalohet kontrabandë masive e drogës në pikën kufitare Bogorodicë
RRITJE NATYRORE NEGATIVE EDHE NË TREMUJORIN E DYTË, 1.135 MË PAK TË LINDUR SE SA TË VDEKUR
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi3 years ago
Kovaçevski paralajmëroi drejtor të ri të Drejtorisë për Zbatimin e Sanksioneve