Lajme nga vendi
Qeveria çoi në Kuvend listën e zëvendësministrave, këto janë emrat?
Qeveria e Republikës së Maqedonisë së Veriut i propozoi Kuvendit emrat e mëposhtëm për zëvendësministrave, përcjell INA.
Me këtë është kompletuar plotësisht ekipin qeveritar:
Elfete Ismaili propozohet për zëvendësministre në Ministrinë e Mbrojtjes.
Ismaili është e diplomuar për ekonomi. Eksperiencën e punës e ka nisur në Fondin për rrugët kryesore dhe rajonale. Nga viti 2006 deri në vitin 2008 ka qenë drejtoreshë e Postës Shkup 2, ndërsa nga viti 2008 deri në vitin 2019 është punësuar në SHA Posta si bashkëpunëtore për marketing. Nga viti 2019 deri në vitin 2024, ajo ishte shoqëruese e personit të referuar në Delegacionin e Republikës së Maqedonisë në NATO, Bruksel, Mbretëria e Belgjikës.
Astrit Iseni propozohet për zëvendësministër në Ministrinë e Punëve të Brendshme. Iseni ka diplomuar në Fakultetin e Edukimit Fizik, Sportit dhe Shëndetësisë dhe ka fituar titullin Doktor i Shkencave në Kinesiologji, profesor i asociuar. Aktualisht është profesor i asocuar në Universitetin e Tetovës dhe në Fakultetin e Shkencave Bioteknike në Manastir.
Alen Dereban propozohet për zëvendësministër në Ministrinë e Drejtësisë. Dereban ka një diplomë master në drejtësi në fushën e së drejtës ndërkombëtare dhe marrëdhënieve ndërkombëtare, me provim të përfunduar të jurisprudencës. Nga viti 2014 ka zyrën e tij të avokatisë, ndërsa për dy mandate ka qenë këshilltar në Këshillin e Komunës së Strugës.
Nezhdet Mustafa propozohet për zëvendësministër në Ministrinë e Marrëdhënieve me Komunitetet. Mustafa është profesor i diplomuar i filozofisë. Nga viti 1996 deri në vitin 2002 ka qenë kryetar i Komunës së Shuto Orizarit. Më pas ka qenë pjesë e Kuvendit të Maqedonisë si deputet, ndërsa nga viti 2006 deri në vitin 2017 është emëruar ministër pa portofol – Koordinator Nacional i Dekadës dhe Strategjisë për Romët.
Zoran Dimitrovski propozohet për zëvendësministër në Ministrinë e Punëve të Jashtme dhe Tregtisë së Jashtme. Dimitrovski ka magjistruar në shkenca politike, dhe ka përvojë shumëvjeçare të punës në media, si kryeredaktor. Dimitrievski është zgjedhur zëvendësministër i Vetëqeverisjes Lokale nga viti 2020 deri në vitin 2023.
Viktorija Trajkov propozohet për zëvendësministre në Ministrinë e Çështjeve Evropiane. Trajkov u diplomua në Universitetin e St. Kliment Ohridski Manastir, dhe fitoi titullin Doktor i Shkencave Ekonomike. Që nga viti 2010 është e punësuar në Ministrinë e Punëve të Jashtme dhe Tregtisë së Jashtme. Dhe që nga viti 2019 është zgjedhur asistente në Universitetin e Shkupit.
Nikolçe Jankullovski propozohet për zëvendësministër në Ministrinë e Financave. Jankullovski është doktor i shkencave ekonomike dhe aktualisht është profesor ordinar në Departamentin e Ekonomisë Bujqësore në Universitetin e St. Kliment Ohridski në Manastir. Ka botuar disa botime vendase dhe ndërkombëtare.
Marjan Risteski propozohet për zëvendësministër në Ministrinë e Ekonomisë dhe Punës. Risteski është ekonomist i diplomuar, nga viti 2005 deri në vitin 2017 ka qenë kryetar i Komunës së Prilepit. Është fitues i disa çmimeve ndërkombëtare dhe vendore.
Miroslav Labudoviq propozohet për zëvendësministër në Ministrinë e Energjisë, Minierave dhe Burimeve Minerale. Labudoviq ka një diplomë master në inxhinieri elektrike dhe teknologji informacioni. Që nga viti 2022, ai ka qenë menaxher inxhinierik në Telamon Corporation.
Flakron Bexheti propozohet për zëvendësministër në Ministrinë e Bujqësisë, Pylltarisë dhe Menaxhimit të Ujërave. Bexheti është profesor i shkencave politike në Universitetin Nënë Tereza në Shkup. Ka përvojë shumëvjeçare të punës në Fondin për sigurim pensional dhe invalidor në Republikën e Maqedonisë së Veriut. Ka qenë sekretar shtetëror në Ministrinë e Punës dhe Politikës Sociale, ndërsa aktualisht është shef i Departamentit për Peticione dhe Propozime, Sektori Juridik.
Jovica Andovski propozohet për zëvendësministër në Ministrinë e Shëndetësisë. Andovski është ekonomist i diplomuar, nga viti 2011 deri në vitin 2017 ka qenë zëvendësministër i Shëndetësisë.
Zëvendësministër i Arsimit dhe Shkencës propozohet Lulzim Aliu. Aliu është doktor i shkencave filologjike. Është profesor i rregullt në lëndën Metodologjia e mësimdhënies së gjuhës shqipe, Letërsi për fëmijë në Fakultetin Pedagogjik “Shën Kliment Ohri” Shkup në Universitetin “St. Kirili dhe Metodi – Shkup”. Nga viti 2023 deri në vitin 2024 ka qenë prodekan.
Gjoko Velkovski propozohet për zëvendësministër në Ministrinë e Politikës Sociale, Demografisë dhe Rinisë. Velkovski ka diplomuar në ekonomi. Ka përvojë pune shumëvjeçare në Ministrinë e Punës dhe Politikës Sociale, ka qenë sekretar i Qytetit të Shkupit, ndërsa në Qeverinë e fundit teknike ka qenë Ministër Teknik i Punës dhe Politikës Sociale. Nga viti 2013 deri në vitin 2024 ka qenë këshilltar në Këshillin e Komunës së Çairit.
Erxhan Selimi propozohet për zëvendësministër në Ministrinë e Vetëqeverisjes Lokale. Selimi ka magjistruar në shkenca politike. Nga viti 2009 deri në vitin 2014 ka qenë këshilltar në kabinetin e ministrit pa portofol. Nga viti 2014 deri në vitin 2024 ka qenë nëpunës civil në Sekretariatin e Përgjithshëm të Qeverisë, ndërsa nga viti 2017 deri në vitin 2024 ka qenë këshilltar në Këshillin e Qytetit të Shkupit.(INA)
Lajme nga vendi
Pas shkumës së bardhë në lumin Vardar, analizat paraprake brenda normave, priten rezultatet përfundimtare
Shkuma e bardhë u shfaq më 24 korrik, ndërsa Inspektorati Shtetëror për Mjedisin Jetësor, në koordinim me institucionet kompetente, ndërmori inspektime të jashtëzakonshme në terren dhe analiza laboratorike për të përcaktuar shkakun e rastit.
Sipas Inspektoratit, gjatë kontrolleve të kryera te subjektet industriale në zonën që janë nën kompetencë shtetërore nuk janë konstatuar parregullsi ligjore. Autoritetet bëjnë të ditur se subjektet kanë vepruar në përputhje me kushtet e përcaktuara në lejet ekologjike për menaxhimin e ujërave të ndotura.
Institucioni thekson se cilësia e ujit në këtë pjesë të Vardarit ndikohet nga faktorë të shumtë, përfshirë ujërat komunale dhe atmosferike, si dhe aktiviteti i një numri të madh subjektesh afariste në zonën përreth, prandaj të gjitha institucionet kompetente po veprojnë në mënyrë të koordinuar.
Raporti paraprak i Ndërmarrjes Publike “Ujësjellësi dhe Kanalizimi” – Shkup, i dorëzuar më 29 korrik në Ministrinë e Mjedisit Jetësor dhe Planifikimit Hapësinor, konstaton se parametrat fiziko-kimikë të analizuar nuk i tejkalojnë vlerat kufitare të lejuara.
Njëkohësisht, me kërkesë të Inspektoratit Shtetëror për Mjedisin Jetësor, mostra janë analizuar edhe nga një laborator i akredituar. Raporti përfundimtar pritet t’i dorëzohet Inspektoratit dhe Ministrisë më 4 gusht, pas së cilës institucionet kanë paralajmëruar se do ta informojnë opinionin për rezultatet përfundimtare.
Inspektorati Shtetëror për Mjedisin Jetësor bëri të ditur se do të vazhdojë me inspektime të rregullta dhe të jashtëzakonshme për të siguruar mbrojtjen e mjedisit jetësor dhe shëndetit të qytetarëve.
Ndryshe, në lumin Lepenc, i cili e furnizon Lumin Vardar, u shfaq një vëllim i madh i shkumës së bardhë në rrjedhjen e tij në Shkup. Shkuma u raportua si ndotje e madhe e lumit, lum i cili në Karposh bashkohet me Vardarin. Rasti ishte raportuar në orën 14:10./portalb.mk/
Një fëmijë dyvjeçar nga Kumanova është helmuar pasi ka konsumuar një mjet për tretjen e ngjyrës, njofton Ministria e Punëve të Brendshme.
Sipas policisë, rasti është raportuar dje rreth orës 14:00, kur Spitali i Përgjithshëm i Kumanovës ka njoftuar SPB Kumanovë se tek ta ishte sjellë për trajtim një fëmijë dyvjeçar nga Kumanova me shenja helmimi.
Pas marrjes së ndihmës së parë mjekësore, fëmija është transferuar në Kompleksin e Klinikave “Nëna Terezë” në Shkup për trajtim të mëtejshëm.
Nga SPB Kumanovë bëjnë të ditur se po ndërmerren masa për zbardhjen e plotë të rrethanave të rastit.
Ky nuk është rasti i parë i helmimit të fëmijëve në rajonin e Kumanovës. Gjatë vitit të kaluar u regjistruan disa raste të ngjashme, ku fëmijë të moshave të ndryshme u helmuan pasi konsumuan mjete për pastrim, dezinfektues ose tableta të lëna në vende të arritshme për ta.
Autoritetet shëndetësore dhe institucionet kompetente apelojnë që produktet kimike, barnat dhe substancat e rrezikshme të ruhen gjithmonë jashtë mundësisë së fëmijëve, për të parandaluar raste të tilla.
Gjatë muajit korrik, mesatarisht janë regjistruar rreth 15 zjarre në hapësira të hapura në ditë. Falë ndërhyrjeve të shpejta të zjarrfikësve dhe mbështetjes nga mjetet ajrore të Drejtorisë për Mbrojtje dhe Shpëtim (DMSH), të gjitha zjarret janë vënë me sukses nën kontroll dhe janë shuar. Reshjet e shiut gjatë periudhës së kaluar ndikuan në uljen e numrit të zjarreve dhe ngadalësuan përhapjen e tyre, njoftojnë nga DMSH-ja. Megjithatë, periudha me reshje ka përfunduar. Mjafton vetëm një shkëndijë! – thonë autoritetet.
Zjarri në Leshnicë të Tetovës është lokalizuar –thuhet në njoftimin në Facebook të Komandantit të Zjarrfikësve të Tetovës, Avni Ameti, I cili thotë se në koordinim të plotë me të gjitha institucionet përgjegjëse, në terren intervenuan dy avionë të Drejtorisë për Mbrojtje dhe Shpëtim, si dhe ekipet e zjarrfikësve të Tetovës, të cilat punuan pa ndërprerje dhe me përkushtim maksimal.
“U bëj apel të gjithë qytetarëve që gjatë ditëve në vijim të tregojnë kujdes maksimal, të mos ndezin zjarr në ambiente të hapura dhe të raportojnë menjëherë çdo tym apo vatër zjarri në numrin emergjent 112” – thotë Avni Ameti.
Por, jo vetëm kaq!
Sipas tij, pas çdo zjarri që shuhet, fshihet një histori sakrifice, guximi dhe përkushtimi.
Zjarrfikësit përballen çdo ditë me rrezikun për të mbrojtur jetën, familjet dhe pronën e qytetarëve. Nuk është thjesht një profesion – është një mision që kërkon zemër, disiplinë dhe vendosmëri.
Shumica e zjarreve shkaktohen pa qëllim. Qytetarët zakonisht nuk synojnë të shkaktojnë zjarr, por një pakujdesi e vetme mund të ketë pasoja të rënda.
Prandaj bëhet thirrje që të mos hidhen bishta cigaresh në hapësira të hapura, veçanërisht nga automjetet në lëvizje.
-Mos ndizni zjarr apo skara në pyje dhe në vende me bimësi të thatë.
-Pastroni barin e tharë dhe shkurret rreth shtëpive dhe uikend-shtëpizave -dhe krijoni një brez mbrojtës.
-Mos digjni kashtën dhe kullotat. –
-Tregoni kujdes gjatë përdorimit të veglave që krijojnë shkëndija, si gurët prerës dhe aparatet e saldimit.
-Fermerët të jenë të kujdesshëm gjatë përdorimit të pajisjeve për largimin e shpendëve, të cilat mund të shkaktojnë zjarr.
U bëhet thirrje qytetarëve që çdo sjellje të dyshimtë ta raportojnë menjëherë në stacionin më të afërt policor ose në numrin 112.
Raportoni persona që mbajnë lëndë të dyshimta të lëngshme, pishtarë, fishekzjarre të mëdha ose mjete e aktivitete të tjera që mund të shkaktojnë zjarr.
Në kushtet e temperaturave jashtëzakonisht të larta kërkohet kujdes maksimal.
Një shkëndijë mund të shkaktojë një tragjedi të madhe!” – apelojnë nga Drejtoria për Mbrojtje dhe Shpëtim./Tv Koha/
Pas shkumës së bardhë në lumin Vardar, analizat paraprake brenda normave, priten rezultatet përfundimtare
Dyvjeçar nga Kumanova helmohet me tretës ngjyre, dërgohet në Klinikën “Nëna Terezë”
KUJDES MAKSIMAL NGA ZJARRET: NJË SHKËNDIJË MUND TË SHKAKTOJË TRAGJEDI!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
