Lajme nga bota
Kina shpik një metodë e re për të ‘prodhuar’ ujë në Hënë
Një metodë e re për prodhimin e ujit në Hënë mbërrin nga Kina në funksion të misioneve të ardhshme njerëzore. Sipas shkenctarëve kinezë nga një ton regolit (përzierja e pluhurit dhe gurëve që përbëjnë tokën hënore) ju lejon të merren 50 kilogramë ujë, një sasi e mjaftueshme për të mbushur njëqind shishe gjysmë litri.
Studimi u publikua në revistën ”The Innovation” nga studiues nga Akademia Kineze e Shkencave të udhëhequr nga Wang Junqiang në Institutin e Teknologjisë dhe Inxhinierisë së Materialeve Ningbo.
Prania e përhapur e ujit në Hënë është demonstruar nga kërkime të ndryshme të kryera si pjesë e misioneve të ndryshme hapësinore, nga ato të programit Apollo të NASA-s (të kryera midis viteve 1960 dhe 1970) deri te misioni i fundit kinez Chang’E-5 i cili në dhjetor 2020 u kthye në Tokë duke sjellë gati dy kilogramë material hënor.
Megjithatë, përmbajtja e ujit në mineralet hënore është jashtëzakonisht e ulët, duke lëvizur midis 0.0001% dhe 0.02%. Për këtë arsye, mbetet e vështirë nxjerrja dhe përdorimi i ujit në vend në Hënë.
“Në studimin tonë ne përdorëm mostra të regolitit hënor të sjellë nga misioni Chang’E-5, duke u përpjekur të gjenim një mënyrë për të prodhuar ujë në Hënë”, thekson Wang.
Ndër mineralet kryesore hënore, ilmeniti është ai me përmbajtjen më të lartë të hidrogjenit, i cili, i mbartur nga era diellore, mbetet i ‘ngatërruar’ në strukturën e tij unike retikulare.
Këto zbulime mund të hapin një rrugë të re për shfrytëzimin e burimeve hënore për misionet e ardhshme njerëzore. Uji mund të përdoret për të pirë dhe ujitur të korrat, por jo vetëm kaq: nëpërmjet një procesi elektrokimik ai mund të zbërthehet në hidrogjen, për prodhimin e energjisë dhe oksigjen, thelbësor për frymëmarrjen.
Kryeministri spanjoll Pedro Sánchez tha se sikurse Rusia edhe Izraeli duhet të përjashtohet nga garat sportive ndërkombëtare.
Kryeministri spanjoll Pedro Sánchez bëri thirrje për përjashtimin e Izraelit nga ngjarjet sportive ndërkombëtare. Për fushatën e tij ushtarake në Rripin e Gazës Izraeli duhet të trajtohet në mënyrë të ngjashme si Rusia për pushtimin e Ukrainës, tha Sánchez para anëtarëve të Partisë së tij Socialiste.
Sánchez u bëri thirrje organizatave sportive të shqyrtojnë nëse është etike që Izraeli të vazhdojë të marrë pjesë në garat ndërkombëtare.
Hetuesit e OKB-së kanë konstatuar se Izraeli ka kryer gjenocid në Gaza që nga tetori i vitit 2023, me qëllimin për të shkatërruar palestinezët në territor, raporton The Guardian.
“Ne arritëm në përfundimin se gjenocidi po ndodh në Gaza dhe po vazhdon të ndodhë, dhe përgjegjësia i takon shtetit të Izraelit”, tha për AFP-në, Navi Pillay, kreu i Komisionit të Pavarur Ndërkombëtar të Hetimit të OKB-së mbi situatën e të drejtave në territoret e pushtuara palestineze.
Ministria e jashtme e Izraelit ka hedhur poshtë gjetjet e komisionit hetimor të Kombeve të Bashkuara mbi gjenocidin, duke e denoncuar raportin si “të shtrembëruar dhe të rremë”.
Një zëdhënës akuzoi tre ekspertët e komisionit se në fakt janë “përfaqësues të Hamasit” dhe mbështeten “tërësisht në gënjeshtrat e Hamasit” që “tashmë ishin hedhur poshtë plotësisht”.
Lajme nga bota
“Të lutem eja në Moskë”, Putin fton Zelenskyn në bisedime – premton se do të jetë i sigurt
Vladimir Putin i kërkon Volodymyr Zelenskyt të shkojë në Moskë për bisedime paqeje, duke pretenduar se do të sigurojë sigurinë për udhëheqësin ukrainas.
Duke folur në forumin ekonomik në Vladivostok, udhëheqësi rus ka vazhduar të diskutojë luftën e tij në Ukrainë, shkruan skynews.
Putin tha: “Pala ukrainase e dëshiron këtë takim dhe e ofron këtë takim. Unë thashë jam gati, ju lutem, ejani, ne patjetër do të sigurojmë kushte për punë dhe siguri.”
Udhëheqësi rus pretendon se kjo është një “garanci 100%” dhe thotë se beson që takimi që mbahet në një vend neutral, të palës së tretë, është një “kërkesë e tepërt”.
“Vendi më i mirë për një takim është kryeqyteti i Federatës Ruse… Moska”, tha Putin.
Është një sugjerim që ai e ka bërë vazhdimisht që nga samiti i tij në Alaskë me Donald Trump tre javë më parë, ku presidenti amerikan u përpoq ta bindte atë të takohej me Zelenskyn.
Trump është frustruar nga mungesa e përparimit që atëherë, me Putinin që përpiqet ta portretizojë veten si të hapur ndaj paqes, ndërsa vazhdon të ndjekë luftën.
ZYRTARE: SERBIA – SHQIPËRIA LUHET NË LESKOVC
SONTE RIKTHEHET MAGJIA E LIGËS SË KAMPIONËVE
NESËR NË STRUGË LUHET DERBI STRUGA TRIM LUM – SHKËNDIJA
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi3 years ago
Kovaçevski paralajmëroi drejtor të ri të Drejtorisë për Zbatimin e Sanksioneve