Lajme nga vendi
Për dallim nga arsimi fillor dhe ai i mesëm, arsimi i lartë shënon rritje të numrit të studentëve
Për dallim nga arsimi fillor dhe ai i mesëm, arsimi i lartë shënon rritje të numrit të studentëve. Në rrjedhë janë regjistrimet, ndërsa sipas drejtuesve të Universiteteve numri i të interesuarve krahasuar me vitin e kaluar është më i lartë. Ndër drejtimet me interesim më të madh janë Shkencat e Informatikës dhe ato të Mjekësisë.
“Në momentin që flasim, numri ka arritur diku mbi 1200 aplikues, që është një numër inkurajues për administratën dhe profesorët. Normal deri në përfundim të konkursit numri do të rritet, ndërsa kemi edhe afatin e dytë dhe të tretë. Në bazë të konkursit, kemi 4752 vende të lira për studentët e ri në 13 fakultet të UT dhe në mbi 100 programe studimore të ciklit të parë dhe studeime të magjistraturës dhe të doktoraturës”, tha Jusuf Zeneli, Rektor UT-së.
Ngjashëm është edhe në UEJL.
“Në nivel të Universiteti kemi një rritje prej 2.6 për qind me të njëjtën ditë një vit më parë dhe të njëjtën ditë dy vite më parë. Pra edhe ky vit ka një rritje nga viti paraprak. Pra 24-25 gusht rezulton me një prerje prej 405 aplikantë. Ne presim më shumë se 1050 apo 1100. Për atë se cilat fakultete janë më të kërkuara, pa dyshim se prijnë shkencat informatike, më pas fakulteti i shkencave teknike dhe ndiqen mirë shumë edhe nga biznesi dhe ekonomia dhe fakulteti juridik dhe fakulteti i shkencave shëndetësore”, deklaroi Abdylmenaf Bexheti, Rektor i UEJL-së.
Në vitin akademik 2024/25, në Universitetin e Tetovës janë paraparë 4752 vende të lira për studentët, ndërsa në Universitetin e Evropës Juglindore 1200.
Në ndeshjen e parë kontrolluese që zhvillohet në kuadër të përgatitjeve për pjesën pranverore Shkëndija mundi AP Brerën me rezultatin 3-0
Shkëndija e Tetovës në kuadër të përgatitjeve për pjesën pranverore të kampionatit, krahas seancave intensive stërvitore, sot zhvilluan edhe kontrolluesen e parë me ekipin AP Brera nga Strumca. Në ndeshjen e parë kontrolluese që sot u zhvillua në terrenin e kompleksit sportiv të FFM-së në Shkup, pas 90 minutave lojë ku trajneri Jeton Beqiri në lojë inkuadroi pjesën më të madhe të lojtarëve që ka në disponim ndeshja përfundoi me rezultatin 3-0
Autor të golave për ekipin kuqezi ishin Atdhe Mazari në pjesën e parë , ndërsa Besart Ibraimi realizoi dy gola në pjesën e dytë
Shkëndija pas kësaj ndeshje të shtunën do të zhvendoset në Antalia të Turqisë ku do të vazhdoj fazën kryesore të përgatitjeve deri më 1 shkurt ku parashihen edhe katër ndeshje kontrolluese ndërsa e para është më 20 janar kundër ekipit ukrainas Oleksandrya.
Shaban Sinani – TV KOHA
Kryetari i njërit krah të Aleancës për Shqiptarët, Arben Taravari, deklaroi se ish-bashkëpartiaku i tij, Ziadin Sela, si dhe kryetari i Partisë Demokratike Shqiptare, Menduh Thaçi, po qëndrojnë “para derës së Qeverisë”, duke pritur të bëhen pjesë e kabinetit qeveritar.
“E shihni, Sela dhe Menduh po qëndrojnë para derës së Qeverisë, ndërsa unë në vitin 2024 e lashë Qeverinë për të sjellë ndryshim. E lashë Ministrinë e Shëndetësisë për shkak të përgjegjësisë. Po ashtu, mendova se ishte e arsyeshme të zhvilloja partinë. Brenda VLEN-it ka sa të duash thika pas shpine, shqiptarët nuk po avancojnë, ndërsa eurointegrimi nuk shihet askund. Dy herë e lashë Qeverinë dhe sakrifikova shumë, por nuk e dija se ka njerëz që japin gjithçka vetëm për poste,” tha Taravari, ndër të tjera, në emisionin “Klik Plus”.(INA)
SHKËNDIJA ME FITORE NISI CIKLIN E NDESHJEVE KONTROLLUESE
Në Zvicër nis gjyqi ndaj imamit biznesmen nga Kosova! Dyshohet për mashtrim, pastrim parash dhe evazion fiskal
ASH (Sela): Kur vasali, Taravari akuzon për veprimet që i bën vetë
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
