Lajme nga vendi
300 vende të reja pune për rajonin e Pollogut, Ministri Durmishi i dorëzon lejen e punës fabrikës Kiel Maqedoni
Ministri i Ekonomisë dhe Punës, Besar Durmishi, bashkërisht me kryetarin e Komunës së Tetovës, Bilall Kasami, qëndruan për vizitë në Zonën Zhvillimore Industriale Teknologjike (TIZ) në Tetovë, ku u takuan me përfaqësues të NORMAK dhe kompanisë Kiel Maqedonia. Në kuadër të vizitës, ministri i MEP, Besar Durmishi bashkërisht me kryetarin e komunës, Bilall Kasamin, Drejtorin e Byrosë për Zhvillim Rajonal si dhe Drejtorin e Agjencisë për Investime të Huaja dhe Promovim të Eksportit vizotuan edhe fabrikën prodhuese Kiel Maqedoni, me ç’rast menaxhmentit të kompanisë i’a dorëzouan lejen e përdorimit për funksionimin e fabrikës në zonën industriale në Tetovë.
Përmes lejes, kompania Kiel Maqedoni fillon me punë në fabrikën e re e cila gjendet në zonën e Tetovës. Kjo kompani është prodhuesi kryesor i sediljeve për tren dhe autobusë. Në uzinën e re prodhuese në Tetovë, e cila shtrihet në sipërfaqe prej 7500 metrash katrorë, është planifikuar hapja e 300 vende të reja të punës nga rajoni i Pollogut. Ky investim i ri në zonën e ZZHTI Tetovë është vlerësuar në 9 milionë euro në një objekt të ri modern, sipas nevojave të klientit dhe industrisë. Aktualisht në fabrikën e ZZHTI Tetovë janë të punësuar 40 persona, ndërsa numri i përgjithshëm i të punësuarve në dy fabrikat e Kiel Maqedonia në Tetovë aktualisht është 170.
Grupacioni, përmes Kiel Maqedonia, planifikon që në objektin e ri, përveç rritjes së prodhimit, i njëjti të zgjerohet edhe në fushën e saldimit të konstruksioneve metalike, prodhimit të shkumës dhe ngjyrës, me çka do të përfundojë prodhimi i kompletuar i sediljeve për trena, ndërsa si qendër e të njëjtit është planifikuar Republika e Maqedonisë së Veriut.
Përpara mediumeve ministri Durmishi tha se;
“Dua të përgëzoj menaxhmentin e Kiel Maqedonisë që për një kohë të shkurtër investuan dhe ndërtuan një fabrikë të re në Tetovë e cila do të sjellë teknologji të reja, vende të reja të punës dhe sigurisht fluks valutor në vend. Ministria e Ekonomisë dhe Punës dhe unë si ministër, në periudhën vijuese do të punojmë intensivisht në përmirësimin e klimës së biznesit në vend. Tashmë kemi filluar me ndryshimet në Ligjin për Mbështetje Financiare të Investimeve, ku duam të mundësojmë një model më transparent për ndarjen e mbështetjes financiare shtetërore për të gjitha kompanitë që investojnë, punësojnë, rriten dhe zhvillohen”.
Nisma e Degës së Bashkimit Demokratik për Integrim në Çair për krijimin e një “SPAK-u” lokal kundër korrupsionit ka nxitur reagime nga Koalicioni VLEN.
Nga VLEN-i thonë se iniciativa duhet të shoqërohet me veprime konkrete dhe jo të mbetet vetëm deklarative, duke e cilësuar si përpjekje propagandistike.
Sipas tyre, nëse synohet vërtet transparencë dhe përgjegjësi, hetimet duhet të nisin nga vetë drejtuesit e BDI-së, për të dëshmuar se bëhet fjalë për proces serioz dhe të paanshëm ndaj të gjithë zyrtarëve, pa përjashtim.
“BDI në Çair shpall me bujë formimin e një “SPAK-u” lokal, sikur të kishte zbuluar “Amerikën”. Por, pyetja që lind menjëherë është: a do ta kapë ky SPAK edhe kryesinë e vet? Apo është vetëm një teatër i radhës për të mashtruar qytetarët? VLEN-i e përshëndet këtë “SPAK” të BDI-së dhe i sugjeron që, nëse vërtet është për veprim dhe jo për spektakël, të fillojë hetimet pikërisht nga këta emra. Punën e parë që duhet ta bëjë është të vendosë komunikim me SPAK-un e Shqipërisë dhe të kërkojë ekstradimin e Artan Grubit.”, – thanë nga Koalicioni VLEN.
Ditë më parë, Dega e Bashkimit Demokratik për Integrim në Çair themeloi një “SPAK” lokal si mekanizëm kundër korrupsionit. Sipas njoftimit, kjo strukturë do të monitorojë ndërtimet pa leje dhe punën e organeve komunale për shkelje urbanistike.
BDI u bëri thirrje qytetarëve të denoncojnë çdo keqpërdorim të pushtetit. (Armend Murseli, TVM2)
Lajme nga vendi
Dega e BDI-së në Çair ka themeluar një strukturë kundër korrupsionit me emrin “SPAK”
Duke huazuar emrin e Prokurorisë së Posaçme të Shqipërisë që ndjek krimin dhe korrupsionin e nivelit të lartë, dega e BDI-së në Çair ka themeluar një Sekretariat, akronimi i të cilit është i njëjtë me atë të Prokurorisë – SPAK.
“SPAK do të funksionojë si mekanizëm profesional monitorimi, i përbërë nga ekspertë vullnetarë – juristë, ekonomistë, urbanistë dhe profesionistë të fushave përkatëse – të cilët do të analizojnë çdo indikacion për korrupsion dhe keqpërdorim të fondeve publike”, deklaroi Enard Bakiu, BDI – Çair.
I menjëhershëm ka qenë reagimi i koalicionit VLEN të cilët kërkojnë që SPAKU i BDI-së të kërkojë nga SPAKU i Shqipërisë ta ekstradojë Artan Grubin, funksionarin e BDI-së i cili pasi u fut në listë të Zezë u arratis nga shteti, ndërsa dyshimet janë se fshihet në Shqipëri. Plotësisht kërkojnë të hetohen dhe figura tjera të BDI-së.
“Korrupsioni nuk është thjesht ndërtim pa leje apo tender komunal. Ai ka fytyra të njohura: Faton Ahmeti, për dyshimet e keqpërdorimit të fondeve në FSSH, Arbër Ademi, si ministër i Arsimit me lëndë të hapura për abuzime, Bujar Osmani, për rastin famëkeq “Pacienti”, dhe shumë të tjerë që sot ulen në kryesinë e BDI-së si të paprekshëm”, thonë nga VLEN.
SPAKU i BDI-së, është ironizuar edhe për faktin që në periudhën e kaluar ishte në shënjestër të kritikave pasi dy funksionarët e saj Artan Grubi dhe Ramiz Merko u futën në Listë të Zezë për korrupsion, ndërsa u dorëzuan padi edhe kundër një sërë funksionarëve, duke përfshirë Blerim Bexhetin, Fatmir Deharin, Ramiz Merkon, Bujar Dardhishtën, Kreshnik Bekteshin, Bekim Maksutin, Ejup Rustemin e të tjerë. Mekanizmi SPAK, mbase duket si ide e huazuar nga LSDM, e cila e promovoi Qendrën Hulumtuese për Korrupsion dhe Krim të Organizuar me akronimin MICKO, një shkurtesë që përdoret në komunikimin jokonvencional dhe ironizues për Mickoskin. /Alsat.mk
Këshilli I Etikës në media të Maqedonisë, një ditë pas ceremonisë mortore të viktimave të zjarrit tragjik në diskotekën e Koçanit, ka pranuar 140 ankesa lidhur me mënyrën e raportimit të mediave – ka njoftuar Drejtorja Ekzekutive, Biljana Georgievska.
Ajo ka shtuar se të gjitha vërrejtjet kanë ardhë nga e-maile të hapura për një përdorim nga numra telefonike që nuk ekzistojnë.
“Çdo minutë vinte nga një ankesë që për ne ishte një situatë jo e zakonshme që I gjasonte një sulmi të orkestruar digjital, jo vetëm ndaj KEMM-it, por edhe ndaj mediave, vecanërisht për përmbajtjet dhe mënyrës së raportimit për ceremoninë e varrimit. Ata kryesisht hynë në pakon e ankesave pa bazë, për shkak se kishin të bëjnë me mediat e huaja, nga rajoni, por edhe televizione nga India” – thotë Georgievska.
Në vitin 2025 në KEMM knë mbërritur shumë ankesa që lidhen me tragjedinë në Koçanë. Janë shqyrtuar 96 mha 244 ankesat.
Më së shpeshti është shkelur nëni 1 I Kodit të Gazetarëve – mungesa e burimeve dhe mungesa e palës së dytë të storjes.
Nga KEMM thonë se mediat online paraqiten si shkelësit më të mëdhenj të standardeve për informim etik.
SHOKON RAMA: PROKURORËT E HAGËS KËRCËNUAN PRESIDENTEN E KOSOVËS
VLEN: BDI t’i kërkojë SPAK-ut të Shqipërisë ekstradimin e Grubit
Dega e BDI-së në Çair ka themeluar një strukturë kundër korrupsionit me emrin “SPAK”
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
